Hebrews 11:25 - Bible Ni Thothup

²⁵ Ya ka ba’adag ni nge un ngak girdi’en Got ko gafgow ko bin ni nge felfelan’ nib ngoch nap’an ni be ngongliy e denen.

Hebrews 11:25 Referans Kwoze

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

BABYOR NI JOB 36:21

Ngam ayuw ndabkum sul ko kireb; ya gafgow rom e kan pi’ ni nge tem u orel riy.

Revelation 18:7

Mu gafgow niged mi gimed kirebnag laniyan’ ni bod gelngin buguwan nge fel’ rogon nike pag rogon ni i tay. Ya yugu be ga’ar u laniyan’, ‘Kug par ni kug pilung!, ni gathi gag be’ nike yim’ figirngig, dariy e chirofen nra kireban’ug!’

BABYOR NI JOB 20:5

ma dariy reb e girdi’ nib kireb nike par nib felfelan’ nib n’uw nap’an.

1 Peter 2:10

Immoy ba ngiyal’ ni um pired ni gathi gimed girdi’en Got, machane chiney e kam manged girdi’en; ma bay ba ngiyal’ ni um pired nda mu nanged e runguy rok Got, machane chiney e ke runguymed Got.

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.

James 1:20

Ya damumuw rok e girdi’ e dar ma ayuweg e girdi’ nge yag nra ngongliyed e tin nib mat’aw ni ir e be finey Got.

Hebrews 11:37

Ma un malang nagrad ngarm’ad, ma un goloyochiy boch i yad nge ruw ley, ma boch i yad e un li’ ko saydon. Ma uranod i yan ni keru’ e saf nge kaming e kron’ed ni mad, ni kar gafgowgad, ma yibe gafgow nagrad, ma ba kireb e ngongol ni yibe rin’ ngorad.

Hebrews 10:32

Ki gimed manang rogomed ko tin ba’aram e rran nike yan nga tomur. Lan e pi rran nem u tomuren nike gal ram’en e tamilang rok Got nga dakenmed, e bo’or ban’en ni mu gafgowgad riy, machane gafgow ni i yib ngomed e de gel ngomed.

Hebrews 4:9

Machane rogon e chiney e kabay e toffan ni nge tay girdi’en Got ni bod e toffan ni tay Got ko re rran ni man e medlip ngay.

2 Timothy 1:8

Ere dab mu tamra’ ni ngu’um weliy murung’agen e Somol rodad; fa reb e mu tamra’ ngog, ni kug kalbus ni bochan. Machane mu’un ko gafgow ni fan ko fare Thin Ni Bfel’, nrogon gelngim ni bay i pi’ Got ngom.

Kolose 1:24

Ere chiney e kug felfelan’ ko gafgow ni gu be tay ni fan ngomed. Ya gafgow ni be tay dowag e gu be ayuweg e tin kabay ni nge gafgow Kristus riy ni fan nga downgin, ni aram girdi’en e galesiya.

Roma 5:3

Ma ku errogon ni gadad ma felfelan’ u fithik’ e tin nma yib ngodad ni gadad ma gafgow riy, ya gadad manang ni pin’ey e ma yagnag e k’adan’ ngodad,

Luke 16:25

Machane me ga’ar Abraham, ‘Fakag, ka ga manang faram ni fa ngiyal’nem ni um moy ko fa binem e tamilang e ni pi’ urngin e tin ni bfel’ ban’en ngom, ma aram e urngin e tin kireb ban’en e yag ngak Lazarus; machane chiney e be felfelan’ u roy, me gur e kam par nga fithik’ e amith.

Matthew 13:21

Machane ri de rich nga fithik’ i lanin’rad, ma aram me de par e thin rok Got u lanin’rad nib n’uw nap’an. Ma fa’ani yib e gafgow fa togopluw ni bochan e re thin rok Got nem, mra paged yad ni ka chingiyal’ nem.

Isaiah 21:4

I m’ag e balyang owcheg, ma gu be durru’ ko marus. Kagum’ ni bochan ni yigi papey nge blayal’, machane dariy ban’en ni yib kemus ni go’ marus.

Psalms 47:9

Pi pilung ko pi nam e kar mu’ulunggad girdi’en fare Got rok Abraham. Ba gel gelngin ngak urngin raba’ e salthaw; ir e be gagiyegnag urngin ban’en!

Daniel 3:18

Machane fa’anra dabi ayuwegmad, me gur pilung e nga mu nang ndab gu ted fan e birom e got, ma dab gu siro’gad ko fare liyos ni gol ni kam n’uf ngalang.”

Acts 7:34

Kug guy e kireb nge gafgow ni yibe tay ngak e girdi’ rog u Egypt. Ya kug rung’ag lamrad ni yad be gel’gel’, ere ku gub nga but’ ni nggu chuwegrad u tan pa’ yu Egypt. Ere nggu l’oegem ngam man nga Egypt.’