Hebrews 10:34 - Bible Ni Thothup

³⁴ Mu uned ko gafgow ni i tay e pi’in ka nin’rad nga kalbus, ma fa’an nni fek urngin e chugum romed u fithik’ e yargel mi gimed k’adan’med ko chugum romed ni kan fek, ma gimed ba felfelan’ ngay, ya gimed manang ni kabay ban’en romed ni kabfel’ ngay, ni bayi par ni dabi m’ay bi’id.

Hebrews 10:34 Referans Kwoze

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.

2 Timothy 1:16

Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

James 1:2

Pi walageg ni girdi’en Kristus! Mu leam niged gimed ni bfel’ wa’athmed ko ngiyal’ nra yib urngin mit e sikeng riy ngomed,

Hebrews 13:3

Dab mpaged talin e pi’in ni ka nin’rad nga kalbus, ni ngu’um leam naged ni susuna gimed bay rorad u kalbus. Dab mpaged talin e pi’in yad be gafgow, ni ngam leam naged ni susuna gimed be un ko gafgow ni yad be tay.

Efesus 6:20

Kug mang owchen Got ngak e girdi’ ni bochan e re thin ni bfel’ ney, ni yugu aray rogon ni gu bay u kalbus e chiney. Ere mu meybil niged gag ngu’ug weliy e thin ni bfel’ ni rogon ni nggu rin’ ni dab gu tamdag.

Luke 12:33

Ere mpi’ed ni chuway’ urngin e tin ni bay ban’en romed mi gimed pi’ e salpiy riy ngak e pi’in gafgow. Mu yagniged ngomed tafen e salpiy ndar ma kireb, mi gimed ayuweg e fla’ab romed nga tharmiy, ko gin ni dabi lich riy, ma dariy ba moro’ro’ nrayag ni nge ded pa’ ngay, ma dabi kirebnag e ngal.

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.

Hebrews 11:16

Machane reb e nam ni kabfel’ e ir e yad be nameg, ni aram e fare nam ni tharmiy. Ma aram e de tamra’ Got ni ngrogned ni ir e Got rorad, ni fan e ke ngongliy rogon bbinaw ni taferad.

1 Timothy 6:19

Ireray kanawo’en miyad kunuy e fla’ab ni fan ngorad ni ir e bay mang def ngorad nib gel ni fan ngorad e chiney i yan ngaram. Ma aram e rayag ngorad e yafos ni ir e bin riyul’ e yafos.

Kolose 1:5

Ngiyal’ ni som’on ni yib e thin rok Got nib riyul’ ngomed, ni ir fare Thin Ni Bfel’, ma mu rung’aged e n’en ni be yog nra pi’ ni ir e nge lagan’uy ngay. Ere rogon nib mich Kristus u wun’med nge rogon nib t’uf Got nge girdi’ romed e yib ko n’en nike lagan’med ngay, ni ir e be cha’riy Got u tharmiy ni fan ngomed.

Filippi 1:7

Gubin ngiyal’ ni gimed be par u lanin’ug! Aram fan nib mat’aw ni ngu’ug leam nagmed ni aray rogon. Ya gimed gubin ni kam uned ngog nga mat’wug nike pi’ Got ngog, ni chiney ni gu bay u kalbus nge fa ngiyal’nem ndawor non’eg nga kalbus ni ug ayuweg fare Thin Ni Bfel’ ma gu be micheg nga laniyan’ e girdi’.

Efesus 4:1

I gag e cha’ ni kug kalbus ni bochan e gu be pigpig ngak Somol, e ri gu be wenig ngomed ni ngi i par ngongolmed ko fare fol ni kem’ay i tay rok Got ko fa ngiyal’ ni piningmed riy.

Efesus 3:1

Ireray fan ni gag Paul ni kug mang ba kalbus rok Kristus Jesus ni fan ngomed e pi’in gathi gimed piyu Israel, e gu be meybil ngak Got.

Acts 21:33

Me yan fare pilungen e salthaw ngak Paul, nge fek me yog ni nga nin’ e chen ngak ni l’agruw. Ma aram me fith ni ga’ar, “I mini’ e re mo’on ney, ma mang e ke rin’?”

Acts 5:41

Me yan fapi apostel ngar chuwgad ko fare ulung, ni kar felfelan’gad ni bochan e ke tafinaynag Got ni bay rogorad ni ngar gafgowgad ni fan nga fithingan Jesus.

Luke 10:42

machane ri ta’reb e ir e dabisiy ni nge yag. Me Maria e ke mel’eg e bin ni ir, ma dab ni fek rok.”

Matthew 19:21

Me ga’ar Jesus ngak, “Fa’anra gab adag ni ngam yal’uw me ere mman ngam pi’ ni chuway’ urngin ban’en ni bay rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog.”

2 Timothy 2:9

Kug gafgow ni bochan e ug machibnag ngak e girdi’ fare Thin Ni Bfel’, ma mus ko chen ni kanin’ ngog ni bod rogon be’ nike th’ab e motochiyel. Machane thin rok Got e gathi kan m’ag e chen ngay,

2 Korinth 5:1

Ya gadad manang nre tent ney ni gadad be par u lan — ni aram e re dowef rodad ney nu fayleng — e nap’an nra puth, ma bay e naun rodad u tharmiy ni ngdarod da pired ngalan, nib naun ni Got e ke ngongliy, ni bay i par ndariy n’umngin nap’an.

Acts 28:20

Aram fan ni kug wenignag ni ngug guymed nge yag ni gu non ngomed; ya ka nin’ e re chen ney ngog ni bochan fa’anem ni ir e be pagan’ yu Israel ngak.”

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

Luke 9:25

Be mang e ra fel’ rogon be’ riy ni fa’anra yag ngak e re fayleng ney ni polo’, machane be par nib malog ara ke gel e mo’onyan’ ngak!

Hebrews 9:15

Ireray fan ni Kristus e ir e ngongliy rogon e bin nib be’ech e m’ag, ni fan e pi’in ke piningrad Got e nge yag e fla’ab ndariy n’umngin nap’an ngorad nike yog Got nra pi’ ngorad. Ren’em e rayag ni fan e yam’ nike tay e ir e ke biyuliy e girdi’ ko pi kireb ni kar ngongliyed ko ngiyal’ ni ba’aram ni yad be par u tan e bin som’on e m’ag.

Hebrews 13:14

Ya dariy bbinaw u roy u fayleng ni kari par nike mang binaw ngodad; ya gadad be son ni nga fin danod ko fare binaw ni ir e bay fini m’ug ngodad.

Eklesiastes 3:6

Ma turguy ngal’an ni ngan gay ban’en nge ngal’an ni nge yan ban’en nga bang; nge ngal’an ni ngan chibgiliy ban’en nge ngal’an ni ngan n’ag ban’en;