Biblia Todo Logo
Bib sou entènèt

- Piblisite -




Hebrews 10:23 - Bible Ni Thothup

23 Ere ngad chichiiyed pa’dad ko ren’en ni ir e ke l’agan’dad ngay ni ir e gadad be weliy murung’agen, ya ba pagan’dad ngak Got nra rin’ e tin keyog.

Gade chapit la Kopi




Hebrews 10:23
16 Referans Kwoze  

En nike piningmed e ir e bay rin’ ngomed, ye ir e ba yul’yul’!


I Got e nge pagan’uy ngak, ni Got ni ir e ke piningmed ni ngam chaggad ngak Jesus Kristus ni Fak, ni ir e Somol rodad.


Machane Somol e ba yul’yul’, ma bayi gel nagmed me ayuwegmed rok Fa’anem nib Kireb ni dabi buch ban’en romed.


Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.


ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,


Machane Kristus e ba yul’yul’ nrogon Fak Got, ni ir e bmil fan e naun rok Got ngak. Ma gadad e naun rok, ni fa’an gadad ra par nge mada’ ko tomur ni gadad be athamgil ma ba pagan’dad ko n’en ni ir e ke l’agan’dad ngay.


Urngin e n’en nma waliy e girdi’ nge denen nike yib ngomed e ireyer e mit i n’en ni ka ma yib ngak e girdi’. Ya Got e dabi thiliyeg e tin ke yog nra rin’ ngodad, ma dabiyag ni nge pagmed nge yib ngomed e pin’en nma waliy e girdi’ nge denen nge pag rogon ndabkiyag romed ni ngam taleged gimed riy; machane re ngiyal’ i n’em e ra pi’ gelngimed ngam k’adedan’med riy, ni aram e ke pi’ e kanawo’ ngomed ni ngambad riy nga wuru’ e pin’em.


Dabi n’uw nap’an mu gub. Mu ayuweg e n’en ni bay rom, nge dabi fek be’ puluwom ko gel ni kam tay.


Machane thingari pagan’med ngak Got ko ngiyal’ ni gimed ra wenignag ban’en ngak, ma dabi maruwaran’med rok; ya cha’ nra maruwaran’ rok e bod ba ley i n’ew u maday nnifeng e be mithmitheg ma be yannag.


Michan’ rok Abraham ngak Got e ir e ayuweg nge yag ni mang reb e matam ni yugu aram rogon nike pilibthir, ma ku errogon Sarah ndabkiyag ni nge diyen. I pagan’ Abraham ngak Got nra rin’ Got e tin keyog ni bay rin’ ngak Abraham.


Ere ngad chichiiyed pa’dad ko michan’ rodad ni ir e gadad be weliy murung’agen. Ya bay e prist rodad ni fare Prist ni Th’abi Ga’ nike yan ngak Got — ni ir Jesus, ni Fak Got.


Ya gadad gubin ni gadad Jesus ngabang ni fa’anra da pired nike pagan’dad ngak Got nge yan i mada’ ko tomur ni bod rogon ni ud pired ko som’on.


A SOMOL, mog ni bfel’ e rog, ni bochan e gu be rin’ e n’en ni bfel’ ma rib pagan’ug ngom.


Nib k’akling ni bod e kadbul, nib mich ni bod e yal’ nra for ngalang.


Pi’in ni bay mu ayuweged e bay ra felan’gad ni gathi kemus ni bochan e tin ni kam pi’ed ngorad nge boch e girdi’ u fithik’ e gol, machane bay rogned e sorok ngak Got, ya ireyer e mich riy nri gimed ba yul’yul’ ko thin ni bfel’ ni yib rok Kristus ni ir e gimed be weliy.


Pi walageg ni gimed girdi’en Kristus, ni ku errogon gimed nike piningmed Got ni ngambad ngak! Mu leam niged Jesus, ni ir e ke l’oeg Got ke yib ni nge mang fare Prist ni Th’abi Ga’ ko michan’ rodad ni ir e gadad be weliy murung’agen.


Swiv nou:

Piblisite


Piblisite