Hebrews 10:22 - Bible Ni Thothup

²² Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

Hebrews 10:22 Referans Kwoze

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

John 3:5

Me fulweg Jesus ngak ni ga’ar, “Nggog e tin riyul’ ngom, ndariy be’ nrayag ni nge yan ko gin nsuwon Got ni fa’anra dab ni gargeleg ko ran nge fare Kan ni Thothup.

1 Peter 3:21

Re ran nem e be yip’ fan e tawfe, ma tawfe e be yip’ fan ni kam thapgad ngak Got e chiney, ma gathi bochan e alit u dowmed ni kan maluknag, machane bochan e tin kamogned ngak Got u fithik’ e tafinay ni bfel’. Tawfe e be yip’ fan ni kam thapgad ngak Got u daken e fos ko yam’ ni tay Jesus Kristus,

Efesus 5:26

I rin’ e ren’ey ni fan e nge pi’ girdi’en e galesiya nga pa’ Got u daken e thin rok u tomuren nike mu’ i maluknag ko ran ke be’ech,

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Hebrews 7:19

Ya Motochiyel rok Moses e dabiyag ni nge fal’eg ban’en ngari fel’. Ma chiney e kan pi’ ban’en ngodad ni kab gel e fel’ riy ni ir e ke l’agan’dad ngay, ni ir e ra chugurnagdad ngak Got.

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

Hebrews 4:16

Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.

Hebrews 12:24

Kambad ngak Jesus, ni ir e ke ngongliy rogon fare m’ag nib be’ech, nge fare racha’ ni kan wereg ni ir e be micheg boch ban’en ni kabfel’ boch ko tini micheg racha’en Abel.

Titus 3:5

me chuwegdad ko kireb nge thapegdad ngak Got. Ma gathi rin’ ni aram rogon ni gomanga bochan e ngongol ni bfel’ ni kad ngongliyed, machane bochan e be runguydad, ma aram me chuwegdad ko kireb nge thapegdad ngak Got u daken e maluk ni tay ngodad, nu daken e re maluk ney e ir e pi’ fare Kan Nthothup e bin nib be’ech e gargel nge bin nib be’ech e pangin riy ngodad.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

Efesus 3:12

Taab girdi’ ni kad ted Kristus Jesus ngu daken e michan’ rodad ngak e ir e ke puf rogodad riy ni gadad ra yan nga p’eowchen Got nike pagan’dad.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

Hebrews 9:19

Som’on e weliy Moses ngak fapi girdi’ urngin fapi motochiyel ni bay u lan fare Motochiyel ni polo’. Me ere fek racha’en pifak e garbaw nge athkuy ko ran me lthag pa’ngin e hyssop ngay ni kan tay bunu’en e saf nga taban ni kan k’ad ko row, me atngiy nga daken babyoren e Motochiyel nge girdi’ ni gubin.

Matthew 3:11

I gag e gu be tawfe nagmed ko ran ni nge dag ni kam kolgad ngan’med kam pi’ed keru’med ko denen ni gimed be rin’; ma en ni bayi yib u tomureg e bayi tawfe nagmed ko fare Kan Nthothup nge nifiy. I ir e ri ka ba ga’ ngog; nri gub sobut’ ndab gu bung ni ngu’ug fek e sus rok.

Ezekiel 16:9

“Ma aram mu gu l’ing e ran nggu maluknag e racha’ u dowam. Mu gu lifem ko gapgep ni olive.

Jeremiah 24:7

Bay gu pi’ ngorad ba leam ni ngar chogow niged ni ngar nanged ni gag SOMOL. Ma bay ra manged girdi’eg, ma bay gu mang Got rorad, ni bochan e bay ra sulod ngog u polo’ i gumircha’rad.

Levitikus 8:6

Me fek Moses Aron nge pifak ni pumo’on nga mit fare Tent nge luk nagrad ko ran.

James 1:6

Machane thingari pagan’med ngak Got ko ngiyal’ ni gimed ra wenignag ban’en ngak, ma dabi maruwaran’med rok; ya cha’ nra maruwaran’ rok e bod ba ley i n’ew u maday nnifeng e be mithmitheg ma be yannag.

Proverbs 23:26

Fakag, mu uthum e lim ngog, ma ga folwok rog.

Psalms 119:7

Gu ra fil e tin kam turguy nib mat’aw, ma bay gu pining e sorok ngom u lanin’ug nib machalbog.

Psalms 51:10

A Got, mu sunumeg e tafinay nib machalbog u fithik’ag, ma ga pi’ reb e tafinay ngog nib be’ech ma ba yul’yul’.

Numbers 8:7

ni ba’aray rogon: mu atngiy fare ran nma machalbog nigey nga dakenrad magog ngorad ngar puyed e piy u dowrad ni ga’ngin miyad luknag e mad rorad. Ma aram miyad machalbog.

Levitikus 14:7

Me atngiy e racha’ riy ni medlip yay nga daken facha’ ni ngan be’echnag ko m’ar ni dowef, ma aram e fare prist e nge yog nike be’ech facha’. Me pag fabinem e arche’ ni kabfos nge changeg nge yan ngalan e tafelfel’.

Hebrews 11:28

Ma michan’ rok ngak Got e pow’iy nge sunumiy fare madnom ni Paluk’af nge yog ni ngan wereg e racha’ nga daken e mab, ni fan e fare Engel ni nge thang e pogofan e nge dabi li’ e bitir ni pumo’on ni tin th’abi ilal u fithik’ pifak piyu Israel.

Hebrews 10:19

Pi walageg ni girdi’en Kristus, kari puf e kanawo’ ngodad ni ngdarod ngalan fa Gin Th’abi Thothup u daken racha’en Jesus ni map’ u kuruth.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

Exodus 29:4

“Mag fek Aron nge fapi pumo’on ni fak i yib nga langan e mab ko fare Tent u p’eowcheg, mag luk nagrad ngar machalboggad.

Hebrews 9:10

Kemus ni fan ko ggan, nge garbod, nge gam’ingin e maluk nge maluknag ban’en nrogon ko ba’ rorad e taliw. Pin’ey ni urngin e motochiyel ni fan nga wuru’ i dowey, ni kemus ni bay fan nge yan i mada’ ko ngiyal’ ni nge thiliyeg Got urngin e pin’ey nge be’ech.

1 Timothy 4:2

Pi machib ney e yib rok e sabanban ko girdi’ ni yad ma lifith l’ugunrad, ni lanin’rad e gowa ke yim’ ya dakir yog ngorad e kireb ni yad be rin’, ni gowa kan urfiy lanin’rad nga ba wasey nib gowel.

Jeremiah 30:21

Cha’ ni nge gagiyeg nagrad e be’ ko re nam rorad nem, ma fare mo’on ni fak e pilung rorad e kabagyad. Ra yib ngog ko ngiyal’ ni gu ra pining, ya bu uw rogon be’ ni nge yib ni dawor ni pining? Bay ra manged girdi’eg, ma bay gu mang Got rorad. I Gag SOMOL e kugog e pi thin ney.”

Jeremiah 3:10

Ma tomuren e pin’ey ni gubin, ma Judah ni walagen Israel ni bpin, e i dake be’ nike sul ngog; ma gathi aram rogon u lanyan’. I Gag SOMOL e gu be non.”

Isaiah 52:15

Machane chiney e bpire’ e nam ni bay ra ngatgad ngak, pi pilung e bay ra ngatgad ngak ni ka ra paged langrad. Bay ra guyed miyad nangfan ban’en nda ur nanged.”

Psalms 119:145

Gu be piningem u polo’ i lanin’ug; SOMOL, mu fulweg lamag, ma bay gu fol ko tin kam ta’chiylen!

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth

Efesus 6:5

Gimed e pi’in sib e ngu’um folgad rok e masta romed ma gimed be par ni bay madgurad u wun’med; ni ngam rin’ed u fithik’ e yul’yul’, ni gowa gimed be pigpig ngak Kristus.

Acts 8:21

Dariy mat’wum nge f’oth rom ko maruwel romow ni bochan e leam rom e de mat’aw u mit Got.

John 8:9

Ma nap’an nrung’aged e re bugithin ney ni yog, ma yad gubin nranod ndaki aw ta’a bagayad, nranod ni bayi n’en me yan be’ me ta’aboch miki yan bagayad, ni pi’in pi’ilal u fithik’rad e yad bm’on. Mi ni pag Jesus, ma fare pin e ka yugu bay nib sak’iy u rom.

Psalms 119:80

Mang e yigi fel’ rogon ni ngu’ug fol ko pi motochiyel rom ya nge dab gu tamra’ ko me’waer rog.

Psalms 119:69

Pi’in tolngan’ e yad be ban u murung’ageg machane gu be fol ko fanow rom u polo’ i lanin’ug.

Psalms 119:58

Gu be ning ngom u polo’ i lanin’ug ni nge wurengan’um ngog, ni bod nim micheg.

Psalms 119:34

Mu tamilang nigeg ko motochiyel rom, mu gu fol riy; ma bay gu cha’riy u polo’ i gumircha’eg.

Psalms 119:10

Gu be gay rogon ni nggu pigpig ngom u polo’ i lanin’ug; mu aywegeg nge dab gu pi’ keru’ug ko tin kamog ni ngan rin’.

Psalms 119:2

Nge falan’ e pi’in yad ma folwok ko tin keyog, ni pi’in yad ma fol rok u polo’ i lanin’rad.

Psalms 111:1

Ngan pining e Sorok ngak SOMOL! U polo’ i gumircha’eg e nggu pining e magaer riy ngak SOMOL u lan e mu’ulung ko girdi’ rok.

Psalms 94:15

Tin nib mat’aw e yira pir’eg bayay u lan tafen e puf oloboch; ma gubin e pi’in bmat’aw ma yad ra tedyad ngay.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Psalms 32:11

Gimed e pi’in gimed mmat’aw, e nge felan’med mi gimed uf ni bochan e n’en ke rin’ SOMOL! Gimed e pi’in gimed be fol rok, e ngam tolul niged e felfelan’!

Psalms 9:1

SOMOL, bay gu pining e magaer nge sorok ngom u polo’ i lanin’ug; Bay gu weliy murung’agen gubin ban’en ni bfel’ ni kam rin’.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

1 Kings 15:3

Pi denen ni i rin’ e chitamngin e ki i rin’ ma gathi ri i yul’yul’ ngak SOMOL ni Got rok, ni bod rogon ni rin’ David ni thangtuw rok.

Levitikus 16:4

Ma aram me pi’ SOMOL e pi gafal ney. U m’on ni nge yan Aron ngalan e Gin Th’abi Thothup, ma thangri maluk me yin’ madan e prist, ni fare wuru’ e mad nib wech, nge balay i zubong, me m’ag fare leed, me tay fare turban.

Luke 1:1

Theofilus: Bo’or e girdi’ ni kar athamgiliyed ni ngar yoloyed murung’agen e pin’en nike yib i m’ug u fithik’dad.

Acts 22:16

Ere mang ni ka ga be son e chiney? Mu sak’iy ngan tawfe nigem ma ga wenig nigem nga fithingan nge chuweg e denen rom.’

Hebrews 6:11

N’en ni kug m’ad ni bochan e mang e yigi bigimed me par ni be athamgil nge yan i taw ko tomur, nge yag ni yib i m’ug nib riyul’ e pin’en ni ir e be l’agan’med ngay.

Hebrews 10:1

Israel e gathi ri ya’an ni polo’ e tin nri ir ban’en, kemus ni ya’an e pin’en ni bfel’ ni bay fini yib ni kab samathmath. Taab mit e maligach ni yibe pi’ riy u reb e duw nge reb. Ere re Motochiyel nem e uw rogon me yal’uweg e girdi’ ni yad be yib ngak Got u daken e pi maligach nem ni yibe pi’?