Hebrews 10:20 - Bible Ni Thothup

²⁰ Ke bing ngodad reb e kanawo’ nib be’ech ngak Got, ni reb e kanawo’ nib fos nike yan i kuruf fa gi mad ni kateng ni bay u Tempel ni aram downgin.

Hebrews 10:20 Referans Kwoze

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

John 10:9

I gag e re mab nem. En nra yib ngog nge yan ngalan e yoror e ra thap; bay yib ngalan e yoror me sul nga wuru’, me pir’eg e pan ni nge kay.

Hebrews 9:3

Mu wuru’ e gin migid e mad ni kan pag u lang nga but’ e bay reb e senggil riy nike lunguy fa Gin Th’abi Thothup.

Hebrews 9:8

Fare Kan Nthothup e be dag ngodad nib tamilang u rogon e pin’ey ni kan yarmiy ke par, ni kanawo’ ko gin Th’abi Thothup e dawor ni bing u n’umngin nap’an ni ka be par e bin ba’aram ni wuru’ e tent.

Hebrews 6:19

Re pagan’ nem e kemang angkar rok lanin’dad, ya be par nib muduwgil, ma ke yan ke kuruf fa gi kateng ko Tempel nu tharmiy ke yan i par ngalan fare senggil ni ir e th’abi thothup ko Tempel.

John 10:7

Ma aram me ga’ar Jesus bayay, “Nggog e tin riyul’ ngomed: i gag fare mab ni fan ngak e saf.

1 John 4:2

Ere ba’aray rogon ni gimed ra nang ko Kan Nthothup rok Got fa dangay: gubin e girdi’ ni yad be weliy ni Jesus Kristus e yib i ngal’ ni girdi’ nrayag ni nge yim’ e dowef rok e bay fare Kan Nthothup rorad ni ir e yib rok Got.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Luke 23:45

ma fa gi mad ni kan pag u lan e Tempel e mogchoth nge ruw yang.

Mark 15:38

Ma fa gi mad ni kan tining ngalang u Tempel e mogchoth u lang nga but’ nge par nike ruw yang.

Matthew 27:51

Ma aram e fa gi mad ni kan tining ngalang u Tempel e mogchoth u lang nga but’, nge par nike l’agruw yang. Me rur e but’, me pil e war,

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

2 John 1:7

Bo’or e pi’in yad be bannag e girdi’ ni kar wergad u fayleng, ni girdi’ ndarir weliyed ni Jesus Kristus e yib i ngal’ ni be’ nrayag ni nge yim’. Ra aram rogon be’ ma ir be’ ni be bannag e girdi’, ma aram e ir e To’ogor rok Kristus.

Efesus 2:15

I n’ag fan e Motochiyel rok piyu Israel, ni urngin e motochiyel ni bay riy nge tin kanog ndab nrin’ nge tin ni yira rin’, ni fan e nge ta’ab girdi’nag piyu Israel nge pi’in gathi yad piyu Israel nge chagiy ngak ngar ta’ab girdi’gad, ireray rogon ni rin’ me yagnag e gapas u thilin e girdi’ nu Israel nge pi’in gathi yad piyu Israel.

Levitikus 21:23

ma bochan ni bay bang u downgin nib kireb, ma dabi yib nga to’oben fare gi kateng nib thothup ara chuchugur ko fare altar. Thangri dabi ta’aynag e pin’ey nib thothup, ni bochan e Gag SOMOL e kug thothupnag.”

Levitikus 16:15

Me migid me li’ fare kaming ni maligach ko denen ko girdi’, me fek e racha’ riy i yan ngalan fa Gin Th’abi Thothup, me wereg nga daken upungen fare Kahol ko M’ag nge nga m’on riy, ni bod ni rin’ nga racha’en fare garbaw ni pumo’on.