Hebrews 10:2 - Bible Ni Thothup

² Fa’an mang e girdi’ ni yad be tayfan Got ma yad be meybil ngak e kar ni be’ech nagrad ko denen rorad, ma dabki i magawon e denen rorad nga lanin’rad, ma ke tal urngin e maligach.

Hebrews 10:2 Referans Kwoze

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Mikah 7:19

Bay mu runguymad bayay. Ma bay mot’mot’ nga but’ e pi denen romad, ma ga pi’ nge yan nga t’ay e rigur!

Psalms 103:12

Rogon feni mal’af e ngek ko ngal, e aram feni mal’af nra chuweg e denen rodad rodad.

Isaiah 44:22

Kug chuweg e denen rom ni bod bangi manileng. Mu sul ngog; ya gag e kug biyuliyem.”

Hebrews 10:17

Me ga’ar, “Ma dab kug leamnag e denen rorad nge kireb ni ur ngongliyed.”

Zekariah 9:11

Be ga’ar SOMOL, “Bochan fare m’ag ni kug ngongliy u thildad, ni racha’ ko pi maligach e ke micheg, aram fan ni ribay gupag e girdi’ romed ngar chuwgad u pa’ e to’ogor rorad, ngar chuwgad u lan fare low ni mlik’ nra kalbusgad riy u wuru’ e nam.

1 Peter 2:19

Ra fal’eg Got wa’athmed ni bochan e ren’ey, ni fa’anra mu k’adedan’med ko amith ko gafgow nde mat’aw ni be tay e masta romed ngomed ni bochan e bay u wun’med e tin nib m’agan’ Got ngay.