Hebrews 10:11 - Bible Ni Thothup

¹¹ Ra reb e prist rok piyu Israel mma sak’iy ngalang ngi i ngongliy e maruwel rok ni gubin e rran, ni ta’ab mit i maligach e be pi’ ni pire’ yay. Machane pi maligach nem e ri dabiyag ni nge chuweg e denen.

Hebrews 10:11 Referans Kwoze

Hebrews 10:4

Ya racha’en e garbaw ni pumo’on nge kaming e ri dabiyag ni nge fek e denen nge chuweg.

Hebrews 5:1

Urngin e Prist ni Th’abi Ga’ e ra bagayad ma ni mel’eg u fithik’ e girdi’ ngan duwgiliy ni ir e ngi i pigpig ngak Got, ni aram e ir e kemang owcherad ngak. Me tay nga daken e altar e tin ni ngan pi’ ngak Got, nge gamanman ni kan li’ ni aram e maligach ngak Got ni bochan e denen.

Numbers 28:3

Irera’ e pi maligach ni ggan ni ngan pi’ ngak SOMOL: maligach ni mo’oruf ni gubin e rran, e l’agruw e saf ni pumo’on ni ta’reb e duw rorow ni dariy bang u dowrow nib kireb.

Hebrews 7:27

I ir e gathi bod yugu boch e prist nib th’abi tolang; ya dariyfan ni nge pi’ e maligach ni gubin e rran, ni bod rogon urngin e prist ni bin som’on e maligach ni yad ma pi’ e fan ko denen rorad, ma bin migid e fan ko denen rok e girdi’. Ri ta’reb e maligach ni pi’ Jesus, ni aram e kemus e maligach, ni fa’ani pi’ ir ni maligach u daken e kuruth.

Isaiah 1:11

Be ga’ar, “Gimed be finey ma gu ba’adag urngin e pi maligach ni gimed be pi’ ngog? Ka ni chichingeg nga owcheg e pi saf ni gimed be urfiy ngu’um pi’ed ngog ni maligach, nge mam ko tin th’abi fel’ e gamanman romed. Ku gu dabuy e racha’ ko garbaw nge saf nge kaming.

Hebrews 10:1

Israel e gathi ri ya’an ni polo’ e tin nri ir ban’en, kemus ni ya’an e pin’en ni bfel’ ni bay fini yib ni kab samathmath. Taab mit e maligach ni yibe pi’ riy u reb e duw nge reb. Ere re Motochiyel nem e uw rogon me yal’uweg e girdi’ ni yad be yib ngak Got u daken e pi maligach nem ni yibe pi’?

Daniel 12:11

“Ngiyal’ ni ba’aram ni bay rtalgad ndab kur pi’ed e maligach ni yu rran, ni aram fa ngiyal’ ni ngan tay fare N’en ni Th’abi Dabuy nga tagil’, e 1,290 e rran ni bay yib nga tomuren.

Daniel 11:31

Boch e salthaw rok e bay ra ta’ay niged fare Tempel. Bay ra taleged e maligach ni yu rran miyad suweg ngalang Fare N’en ni Th’abi Dabuy

Daniel 9:27

Ma re pilung nem e bayi par ni bay e tha’ nib mudugil u thilrad bo’or e girdi’ ni medlip e duw, mra yan dalip nge baley e duw ma bayi taleg e pi maligach nge pin’en ni yima ognag. Ma Fare N’en ni Th’abi Dabuy e bay ni tay ko gin th’abi tolang ko fare Tempel me par u rom nge mada’ ko ngiyal’ ni nge taw nga tol’ e cha’ ni ir e tay ngaram ni Got e ke tanomnag ni nge aw ngak.”

Daniel 9:21

Nap’an ni gu be meybil, me Gabriel ni fa’anem ni ka’ag guy ko fa yanem ni pilyeg e changar rog, nike changeg i yib nga but’ ko gin gu bay riy. Ni aram e ngiyal’ ni yima pi’ e maligach ni blayal’.

Daniel 8:11

I mus ngak fak e Pilung rok fa raba’ i salthaw nu tharmiy niki togopluw ngak, ni taleg e pi maligach ni yu rran ni yima pi’ ngak, me kirebnag e Tempel rok.

Ezekiel 45:4

Ra par ni aram e re gin’en nib Thothup ko fare nam, ni kan duwgiliy ni tafen e prist ni yad ma pigpig ngak SOMOL u lan fare Tempel rok. Bayi mang gil’ e pi naun rorad nge gin tagil’ fare Tempel.

Numbers 29:6

Ngan pi e pin’ey ni bang ko fare maligach ni mo’oruf ni yu rran ko bin som’on e rran ko pul nib mu’un e grain ni yigagen ngay, nge fare maligach ni mo’oruf ni gubin e rran nge yigagen ni grain nge wayin. Pi ggan ney ni maligach e bfel’ bon u wan’ SOMOL.

Numbers 28:24

Ni ku aram rogon ni ngan pi’ ni medlip e rran ba ggan ni maligach ngak SOMOL, nib m’ag u wan’ bon. Ngan pi’ e biney ni bang ko fare maligach ni mo’oruf ni yu rran nge fare maligach ni wayin.

Exodus 29:36

Gubin e rran ni thingar mu pi’ ba garbaw ni pumo’on ni maligach ni bayul ko denen. Ren’ey e ra machalbognag fare altar. Ma aram mag gapgepnag ko gapgep ni olive ni nge thothup.

Mikah 6:6

Mang e nggu fek i yib ngak SOMOL ni Got nu tharmiy ko ngiyal’ ni gu ra yib ni nggu liyor ngak? Gur nggu fek i yib e tin th’abi fel’ pifak e garbaw ngan urfiy ni maligach ngak?

Hebrews 8:2

Be ngongliy e maruwel ko Prist ni Th’abi Ga ko Gin Th’abi Thothup, ni aram e lan e bin riyul’ e tent ni Somol e ngongliy rogon, ma gathi girdi’ e ngongliy rogon.

Hebrews 8:4

Fa’an mang e bay u fayleng, ma dabi mang reb e prist, ya bay e pi prist ni yad be pi’ e n’en ni yima pi’ ngak Got ni bod rogon nike yog e Motochiyel rok piyu Israel.