Hebrews 1:11 - Bible Ni Thothup

¹¹ Ni urngin ni bayi chuw, me gur e bay mpar. Ma gubin ni bayi kaday ni bod yungi mad.

Hebrews 1:11 Referans Kwoze

Isaiah 51:6

Mu changar nga lanelang; ma ga changar ko fayleng! Lanelang e bayi m’ay ngabang ni bod e ath; ma fayleng e bayi wod ni bod e mad nike kaday, ma girdi’ riy e bay i yim’ ni bod e chachangeg. Machane pufrogon nge mat’aw ni nggu fek i yib e bayi par ndariy n’umngin nap’an; aram e gel ni nggu tay ko tomur.

Mark 13:31

Tharmiy nge fayleng e bay chuw, ma thin rog e ri dabi math bi’id.”

Isaiah 34:4

Yal’, nge pul, nge pi t’uf e bayi pilpil nge ngal’ ni fiyath. Lanelang e ra chuw ni bod bangi babyor ni kan bachiy, ma pi t’uf e ra mul ni bod yuwan e gek’iy ni grape fa gek’iy ni fig ni mulmul.

Revelation 21:1

Ma aram mu gguy reb e tharmiy nge reb e fayleng nib be’ech. Fa bin som’on e tharmiy nge bin som’on e fayleng e yan ngabang, ma ku errogon e day ni chuw.

Luke 21:33

Tharmiy nge fayleng e bay chuw; ma thin rog e ri dabi math bi’id.”

Matthew 24:35

Tharmiy nge fayleng e bay chuw, ma thin rog e ri dabi math bi’id.

Hebrews 12:27

Re bugithin ney nike ga’ar, “ku bayay” e be dag nib tamilang ni tin ni sunumiy Got ban’en e bayi rurug nge chuweg, ma aram e tin nde rurug ban’en e bayi par.

Isaiah 65:17

Be ga’ar SOMOL, “Bay gu sunumiy reb e fayleng nib be’ech nge reb e lanelang nib be’ech. Ma tin kakrom e ri bay ni pag talin.

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Psalms 10:16

SOMOL e pilung ni manechibog ko pichibog. Pi’in yad ma tayfan yugu boch e got e bay ra chuwgad u daken e but’ rok.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Isaiah 50:9

SOMOL ni Th’abi Tolang e ir e be n’ufegeg, ere mini’ e rayag rok ni nge micheg nib kireb e rog? Urngin e pi’in yad be non nib togopluw ngog e bay ranod ngabang; bay ra m’aygad ngabang ni bod ba mad nike longuy e ngael!

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Psalms 29:10

SOMOL e be gagiyegnag e pi regur; be gagiyeg nib pilung ni dariy n’umngin nap’an.

Isaiah 51:8

ya bay ram’aygad ngabang ni bod e mad nike longuy e ngael! Machane nganpuf kodenen ni kug fek i yib e rapar ndariy n’umngin nap’an; gel ni nggu tay e ra par ni dabimus bi’id.”

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Psalms 102:26

Pin’ey e bayi m’ay, machane gur e bay mu par; gubin ni bayi wod ni bod e mad. Bay mu n’agrad ni bod e mad, ma bay ra m’aygad ngabang.

Hebrews 8:13

Re bugithin ney nike yog Got ni murung’agen reb e m’ag nib be’ech, e ir e ke dag Got riy ni fa bin som’on e m’ag ni ngongliy e ke farem; ma ban’en nike kakrom ma ke kaday e dabki n’uw nap’an me chuw.