Haggai 1:9 - Bible Ni Thothup

⁹ “Um fineyed ni bay mu t’ired wom’ngin e woldug nib yo’or, machane me yan i aw nri buchu’uw. Ma nap’an e mu feked fapi wom’ngin e woldug nga tabnaw, mug kirebnag. Mangfan e binem ni gu rin’? Bochan fare Tempel rog ni be par nib puth u but’ mra bugmed ma ke thay parwon i muruwliy e naun rok.

Haggai 1:9 Referans Kwoze

Haggai 1:4

“Girdi’ rog, mangfan ni gimed be par u lan bogi naun ni fafalel’ ma kabay e Tempel rog u but’ nib puth?

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.

Isaiah 40:7

Pan e ma mororoy, ma floras e ma kireb ra’en ko ngiyal’ nra pi’ SOMOL e nifeng nge yib ngay. Ma girdi’ e ta’reb rogorad ko pan!

Revelation 2:4

Machane ba’aray e n’en ndabug rom: da kug t’uf rom e chiney ni bod fenag t’uf rom ko som’on.

BABYOR NI JOB 10:2

Got, dab mu gechig nigeg. Mog ngog! Mang e kug bucheg?

2 Kings 19:7

I SOMOL e bayi gagiyegnag e pilung nu Assyria nge rung’ag bbugithin ni be weliy e girdi’, ma aram e re bugithin ni bayi gagiyegnag nge sul ko nam rok, mi SOMOL e bayi gagiyegnag ngan thang e pogofan rok u rom.’”

2 Samuel 22:16

Me m’ug t’ay e regur, me chuw e upong u daken e pi def ko fayleng nap’an nra puwan’ SOMOL ngak e pi to’ogor rok me non ngorad ni ba ga’ laman u fithik’ e damumuw.

2 Samuel 21:1

Ngiyal’ nib pilung David me yib ba uyngol nib gel ni dalip e duw nap’an. Me fith David laniyan’ SOMOL riy, me ga’ar SOMOL, “I Saul nge chon e tabnaw rok e bbuch e rorad ko mthang pogofan; ke thang e fan rok e girdi’ nu Gibeon.” (

Proverbs 27:20

Ar ar ko dowef ko girdi’ e bod e fayleng ko yam’ ndariy bingyal’ nra gaman.

Eklesiastes 1:8

Urngin ban’en ma be sor i yan ko thay parwon — ni thayparwon ni dabyag i weliy ko sabathin. Lan owchadad e ri dabi gaman ko tin be guy; teldad e ri dabi gaman ko tin be rung’ag.

Ezekiel 21:31

Bay mu thamiyed e damumuw rog u nap’an ni gu ra th’ab gufan nga dakenmed ni bod e daramram. Ma bay gu pi’med nga pa’ e girdi’ ni kireb, nib salap ko mathang pogofan.

Levitikus 19:25

Ma bin lal e duw e rayag ni ngam ked wom’ngin. Fa’an gimed ra rin’ ni ara’ rogon, me yib wom’ngin ni pire’. I Gag e SOMOL ni Got romed.

Deuteronomy 28:38

“Bay mu yunged e awoch ni pire’, machane ri buchuuw wom’ngin ni gimed ra t’ar, ni bochan e bayi languy e asmen’ing e woldug romed.

Proverbs 11:24

Boch e girdi’ e yad ma wereg e salpiy rorad nib puf pa’rad riy ma ku be fel’ rogonrad i yan. Ma boch e ba ta kol’ayuw ngay, ma ku be gel e gafgow rorad i yan.

Isaiah 5:10

Yuke grape ni be tugul u daken bang i binaw ni ragag e acres ga’ngin e kemus ni lal galon e wayin e rayag riy. Ma ragag e barril e awoch niyra yung ma ra k’uf ma kemus ni ta’reb e barril e grain.”

Jeremiah 12:13

Girdi’ rog e ka ra yunged e wheat, ma rachangal e yad be kunuy riy; yad be maruwel nib gel, machane dariy ban’en nra yib riy ngorad. Bochan e damumuw rog nib almarin ma ke math mit e woldug rorad.”