Haggai 1:11 - Bible Ni Thothup

¹¹ Kug pag e yal’ nib gel kem’ay e ran u daken e but’ ngu daken e ted, nge yung i flang ko grain, nge yung i woldug ko grape, nge milay’ ko olive, nge gubin mit e woldug nma tugul u but’, ma ku er rogon e gamanman nge girdi’, nge gubin ban’en ni gimed be guy rogon ni ngam yunged.”

Haggai 1:11 Referans Kwoze

Haggai 2:17

Gu pi’ e nifeng ni gel nge ayis ni nge kirebnag e tin gimed be guy rogon ni nge tugul. Machane ku dam pi’ed keru’med ko kireb romed.

Deuteronomy 28:22

Bayi pag SOMOL ba m’ar nma af nib cheag e mthow nge gawel u dakeney ngay nge yib ngomed; me pi’ e yal’ nib gel nge m’ay e ran, me yib e nifeng nib gel mab gel gawelngin ni nge thang mit e woldug romed. Pi riya’ ney e bayi par romed nge taw ko ngiyal’ ni kamm’ad.

2 Kings 8:1

Chiney e keyog Elisa ngak fare pin ni i par u Shunem, ni fa’anem ni faseg Elisa ba pagel ni fak, nike pi’ SOMOL ba uyngol nga daken fare nam, nra par ni medlip e duw n’umngin nap’an, ma ir e nge chuw nge tabnaw rok ngranod ra pired ngabang.

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

Amos 9:6

I SOMOL e toy tafen u lan e pi tharmiy, me pulpuluy lane lang nga daken e fayleng. I pining e ran nifan ko regur me pu’og nga daken e fayleng. I SOMOL fithingan!

Amos 7:4

I SOMOL ni Th’abi Tolang e piliyeg e changar rog. Mu gguy SOMOL ni be fal’eg rogon ni nge gechignag e girdi’ rok ko nifiy. Me urfiy fare nifiy fa gi day ni ba ga’ ni bay u tan e but’ nge m’ay, me tabab e re nifiy nem ni nge urfiy e nam.

Amos 5:8

I SOMOL e ngongliy e pi t’uf, ni fa gal ulung i t’uf ni Pleiades nge Orion fithingan. Ir e be pingeg e nep’ nge rran me pingeg e rran nge nep’. Ma pining e day u maday nge pu’og nga daken e fayleng. I SOMOL fithingan.

Lamentations 1:21

“Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

BABYOR NI JOB 34:29

Fa’anra turguy Got ndariy ban’en ni nge rin’, ma dariy be’ nrayag rok ni nge thibthibnag. Ma fa’anra mithag owchen, mra par e girdi’ ni dariy ban’en nrayag rorad.

Jeremiah 14:2

“Yu Judah e ke parnag e meyor; pi binaw riy e ke fengfeng, girdi’ riy e ka ra thig gad nga but’ u fithik’ e gafgowan’, ma yu Jerusalem e yad be yornag e ayuw ngalang.

Malaki 3:9

Ke buch wa’athmed ni gimed gubin, ya girdi’en e re nam ney ni polo’ e yad be mororo’ rog.

Malaki 3:11

Ma aram e dab kug pag e pi chachangag nge longuy e woldug romed, me par yungi milay’ romed ni grape nike sug ko grape.

Haggai 2:19

Yug aram rogon ni dakriy e grain ni magach, nge yuke grape, nge gek’iy ni fig, nge gek’iy ni pomegranate, nge gek’iy ni olive nike yib wom’ngin, ma chiney i yan ngaram e bay gu fal’eg wa’athmed.”