Habakkuk 3:16 - Bible Ni Thothup

¹⁶ Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

Habakkuk 3:16 Referans Kwoze

Jeremiah 23:9

Ke m’ingan’ug, ma gu be da’da’ nreb. Ni bochan SOMOL, nge bochan e thin rok nib thothup, ma kugu bod be’ nib chingnag, nike pag oren e wayin nike unum.

Habakkuk 3:2

A SOMOL, kug rung’ag e n’en kam rin’, ma ke balyang an’ug ngay. Kkum rin’ bayay ko ngiyal’ney fapi maang’ang ni um rin’. Yugu ra kam damumuw, ma ngar mu runguymad.

Daniel 10:8

Mi ni pageg u rom ni go’ gag ngu’ug guy e pin’em, ni bogi n’en ni yira ngat ngay. Mu gu par ndakuriy gelngig ma ke pig owcheg ngabang ni dabki poyeg be’.

Psalms 119:120

Gu be rus ni bocham; ma ke sug nigeg e marus ni bochan e pufthin rom.

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Daniel 8:27

I gag Daniel e gu par ni gowa nchuchuyeg nga but’ mu gu par ni in e rran ni gub m’ar. Ma aram mu gu sak’iy nggu sul ko maruwel nike pi’ e en ni pilung ngog, machane gu par nike balyangan’ug ko tin ni kug guy ya de yag ni gu nang fan.

Ezekiel 3:14

Fa’ani yib gelngin SOMOL nga dakenag nib elmirin, me fekeg fare kan thothup rok Got, me yib e kireban’ ngog nge damumuw.

Luke 21:19

Ere mpired ni gimed bmuduwgil, ya ireray rogon me yag e yafos ngomed.”

BABYOR NI JOB 30:17

Ra nep’ ma yibe longlonguy gubin e yil rog; ma amith ni gu bay u fithik’ e der tal.

BABYOR NI JOB 30:30

Ke lumor dowag; ma gu be yik’ nga gelngin e gowal u dakenag.

Proverbs 12:4

Le’engin be’ nib manigil e ba churwa’ nib uf e en ni figirngin ngay; ma le’engin be’ nma tamra’nag figirngin e bod e m’ar ni kanser ko yil rok.

Proverbs 14:30

Gapas laniyan’ e ma fal’eg fithik’ i dowey, machane awan’ e bod e m’ar ni kanser.

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Jeremiah 5:15

Gimed e girdi’ nu Israel, I SOMOL e be pining ba nam nib orel ni nge cham ngomed. Ba nam nib gel ma ba kakrom, ni ba nam ni da mananged lungun.

Lamentations 1:13

“Ke pi’ ba nifiy u lang, nib nifiy ni be yik u fithk’ag. I ngongliy ba wup rog nge thikiyeg nga but’. Ma aram me pageg nge digeyeg u fithik’ e amith ni der tal.

Isaiah 21:3

N’en ni ku gguy mu gu rung’ag u lan e changar rog ni piliyeg e ke sug nigeg ko dugow nge amith, ni bod e amith rok be’ ni bpin ni nge gargel.

Jeremiah 30:7

Yaran e gafgow e nge anog; ni dariy reb e rran nrayag i ta’reb nag ngay — ni aram e ngiyal’ ni nge ngochngochan’ e girdi’ rog, machane yad ra fos.”

Lamentations 1:20

“SOMOL, mu changar nga ga’ngin e gafgow rog, nge lanin’ug ni kari gafgow! Kari gafgow lanin’ug ni fan ko pi denen rog. Yi be thang e fan u lan e pi kanawo’; ma ku aritay lan e naun, pi naun ma bay e yam’ riy.

Daniel 10:9

Fa’an gu rung’ag laman nike non mu gu thig nga but’ nda kug nang ban’en mu gu par u but’ ni gub palpal.