Habakkuk 3:13 - Bible Ni Thothup

¹³ Ma ga yan ni ngam ayuweg e girdi’ rom u pa’ e to’ogor, ni ngam ayuweg fare pilung ni gur e mmel’eg. Kam li’ e en ni be yog e thin rok e girdi’ ni kireb, ma kam thang owchen e tirok e girdi’.

Habakkuk 3:13 Referans Kwoze

Psalms 110:6

Bayi gechignag e pi nam, ma bayi suguy tagil’ e mael ko lldow; bayi gel ko gubin e pilung u ga’ngin e fayleng.

Psalms 105:15

I ga’ar, “Dabi math pa’med ngak e pi tapigpig rog ni gu mel’egrad; dab mu rin’ed ban’en ngak e pi profet rog!”

Psalms 105:26

Me l’oeg Moses ni tapigpig rok, nge Aron ni ir e turguy.

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

Psalms 77:20

Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Psalms 68:7

A Got, nap’an ni mu pow’iy e girdi’ rom, ngam marod ngam th’abed e ted ni desert,

Psalms 28:8

I SOMOL e ir gelngin e girdi’ rok; ma ir e manaf rok e re pilung ni ir e mel’eg.

Psalms 20:6

Ku gu nang e chiney ni SOMOL e ma gelnag e en ir e turguy ni nge pilung; ma fulweg taban e meybil rok u tharmiy ni tafen nib thothup, ma gelngin nib gel e i galnag ko pi mael.

Joshua 11:12

Me kol Joshua gubin fapi binaw nge pilung riy, me thang e pogofan rok urngin e girdi’, nri bod ni yog Moses ni fare tapigpig rok SOMOL.

Joshua 11:8

Me gelnag SOMOL piyu Israel ngak e pi to’ogor rorad ko mael. Cham yu Israel ngorad ngar tulufedyad i yan ngalan e lel’och ngar mada’gad nga Misrefoth Maim ngu Sidon, mu kuyad tulufrad ngalan e ngek ngar mada’gad ko loway nu Mizpah. Min cham nge mada’ ko ngiyal nri dakuriy ta’reb fapi to’ogor rorad ni kabfos.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Joshua 10:24

min fekrad i yan ngak Joshua. Me’ere me pining Joshua urngin e pumo’on nu Israel ni ngarbad ngak, me yog ngak e pi ga’ ko salthaw rorad ni ngar uned ngak ngar ted rifrifen ayrad nga daken belel’gun fapi pilung. Miyad rin’ ni aram rogon.

Joshua 10:11

Nap’an ni yad be mil rok piyu Israel i yib nga p’ening u daken fare pa’ i kanawo’ ni yib u Beth-horon nga Azekah, me yin’ SOMOL e ayis ni gang’ yang u lang nga dakenrad ngarm’ad. Pire’ e tin ni yim’ ko re ayis nem ko tin i li’ piyu Israel.

Isaiah 63:11

Machane me yib ngan’rad e kakrom, ni nap’an Moses ni tapigpig rok SOMOL, me lungurad, “Bu uw e chiney fare SOMOL ni ayweg fapi tagagiyeg rok e girdi’ rok nge chuwegrad u fithik’ fare day? Bu uw fare SOMOL ni pi’ e kan nthothup rok ngak Moses?

2 Samuel 5:20

Ma aram me yan David nga Baal Perazim, miyad mael e pi Filistine me gel ngorad u rom. Me ga’ar David, “I SOMOL e ke aw ngak e pi to’ogor rog ke weregrad ni bod ba lul’ ni ba ga’ ni sugubur nge yib e ran riy nga daken e binaw.” Ma aram min tunguy fithingan e gin’em ni yu Baal Perazim.

Psalms 137:7

SOMOL, mu leamnag e n’en ni rin’ e pi Edomite ko fa rofen nem nni kol yu Jerusalem ko mael. Mu leamnag rogon ni i lungurad, “Mu buthuged nge mada’ nga daken e but’!”

Isaiah 64:1

Mang ndab mu bing lanelang nga mub nga but’ me guyem e pi burey ngar t’on gad ko marus?

Ezekiel 13:14

Kug t’ar u wun’ug ni nggu buthug fare rungrung nra achayed ko ma’chaw ni wech, nge wear, me par enggin u but’ ndariy ban’en u daken. Ra puth nge li’med ni gimed gubin. Me nang gubin e girdi’ ni Gag SOMOL.

Amos 9:1

Gguy Somol nib sak’iy u to’oben fare altar. Me non ni ga’ar, “Mu pirdi’iy p’ebugul e pi duga’ ko Tempel nge rur e def riy ni ga’ngin. Mbuthug nge mul nga daken lolugen e girdi’ ni bay u tanggin. Ma tin bayi magey e girdi’ e bay gu li’rad u fithik’ e mael ngarm’ad. Dariy be’ nra thay; ma dariy ta’abe’ nra mil.