Habakkuk 3:12 - Bible Ni Thothup

¹² Ma ga yan u fayleng ni kam damumuw; ma ga yot’yot’ e pi nam nga but’ u fithik’ e damumuw rom nib gel.

Habakkuk 3:12 Referans Kwoze

Jeremiah 51:33

Dabki n’uw nap’an ma pi to’ogor e bayi th’abmed nga but’ nge yot’yot’med ni bod e grain u daken e gin yima pirdi’iy riy. I Gag fare SOMOL ni Gubin ma Rayag Rok, ni fare Got nu Israel, e kugog e pi thin ney.”

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

Amos 1:3

Be ga’ar SOMOL, “Girdi’ nu Damaskus e kar denen gad bayay nge bayay. Ri bay gu gechig nagrad, ya rib kireb e n’en ni kar ngongliyed ngak e girdi’ nu Gilead.

Isaiah 41:15

Bay gu ngongliyem ngam bod bangi plang ni yima gunugunuy e wheat ngay, ni bang nib be’ech ma bay e richib riy nib m’uth. Bay mu chubu’uy ma ga kirebnag e pi burey ngay; pi burey e bayi puth nge ngal’ ni fiyath.

Psalms 78:55

I tuluf e girdi’ riy nnap’an ni be yib e tirok e girdi’ i yib; me f’oth e binaw rorad u pa’ e ganong nu Israel me pi’ taferad ko tirok e girdi.

Psalms 68:7

A Got, nap’an ni mu pow’iy e girdi’ rom, ngam marod ngam th’abed e ted ni desert,

Psalms 90:7

Ke ful’mad e damumuw rom; ku gu rusgad ko damumuw rom nib gel.

Psalms 110:5

I Somol e bay u ba’ ni mat’aw rom; chirofen ni bayi damumuw e bayi gel ngak e pi pilung.

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.