Habakkuk 2:9 - Bible Ni Thothup

⁹ Bayi aw e gechig ngomed! Kam yo’or niged ban’en rok e girdi’ u tabinaw romed ko pin’en ni mfeked u fithik’ e yargal, ma kam guyed rogon ni ngi i par e tabinaw romed ndabi buch ban’en rok e girdi’ riy!

Habakkuk 2:9 Referans Kwoze

Jeremiah 49:16

Yowlop romed e ke ban nagmed. Ma dariy be’ ni be rus ngomed ni bod rogon ni gimed be leamnag. Gimed ma par u pe’bugul e war nib tolang u daken e burey; ma yug aram rogon ni gimed ba tolang ngalang ni bod e manuw, ma SOMOL e bayi piligmed nga but’. I SOMOL e keyog e pi thin ney.”

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.

Obadiah 1:4

Yug aram rogon ni kam ngongliy tafnam ni bod feni tolang tafen e arche’ ni eagle ni yira ga’ar ke ma’thuk nga fithik’ e t’uf, ma ngug girngiyem nga but’.

Isaiah 28:15

Gimed be uf ni ka mu ngongliyed e m’ag u thilmed nge yam’, ma ke ta’reb lungmed fare fayleng ko yam’. Mmich u wun’med nra yib e riya’ ma dabi bit’ ngomed, ya gimed be toer ko malulifith l’ugun nge sabanban ni nge yororiymed ndabi buch ban’en romed.

Psalms 52:7

“Muguyew, ba’aray facha’ nda i naf ngak Got ni nge ayuweg, ya i pagan’ nga feni yo’or bogi ban’en rok, ma fel’ rogon rok e ke mang yoror rok.”

Psalms 49:11

Yad be leamnag ni pi naun rorad e bayi par ni dariy n’umngin nap’an; nu rom e bay ra pired riy ni gubin ngiyal’ yad be tunguy fithingrad ko yungi binaw ntaferad.

Isaiah 5:8

Gafgow gimed! Gimed be chuwi’iy e naun nib yo’or nge yungi flang ni ngam puthuyed ko tin kabay romed. Dabki n’uw nap’an ma dakriy e gin nge par be’ ngay, nge par ni go’ gimed e ngam pired u lan fare nam.

Jeremiah 51:13

Re nam nem e bo’or e lul’ riy nge machaf, machane ke taw nga tol’rad ni nge math owcharad.

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Jeremiah 17:11

Be’ ni be fek e salpiy u fithik’ e sasalap e bod rogon ba arche ni bilig e tamango ni gathi ir e tay. Ra yan i taw nga falngin e yafos rok me mul e faab rok u pa’, ma tomuren e ir be’ ni dariy rogon kemus ni be’ nib balyang.

Jeremiah 22:23

Mu toffan nib pagan’um u fithik’ fapi ren ni cedar ni kan feku Lebanon; machane bu uw gelngin e gafgow ni ga ra tay u nap’an nra gadem e amith, ni amith ni bod be’ ni bpin ni nge gargel.

Jeremiah 51:53

Fa’an mang e rayag ni yan yu Babylon nga lanelang nge toy e tagil’ nib gel u rom, ma kug ra l’oeg e girdi’ ni ngar kireb niged. I Gag SOMOL e kugog e pi thin ney.”