Habakkuk 2:13 - Bible Ni Thothup

¹³ Pi nam ni kam koled e ke aw porowrad ko maruwel nib m’ay fan, ya urngin e pin’en ni kar ngongliyed e yibe guy nike yik’ be yan e daramram riy ngalang. I SOMOL ni Gubin ma Rayag Rok e ke rin’ e ren’ey.

Habakkuk 2:13 Referans Kwoze

Jeremiah 51:58

Fapi yoror rok yu Babylon nib gel e bay ni buthug nga but’, nge pi garog riy ni totolang e ngan urfiy nga but’. Maruwel nma tay e pi nam e gubin ni dariy rogon; tin ur athamagiliyed e ke daramram. I Gag fare SOMOL ni Gubin ma Rayag Rok e kugog e pi thin ney.”

Isaiah 50:11

Gimed gubin e pi’in gimed ma makathnag ni ngam kireb niged boch e girdi’ e gimed e gimed ra gafgow ko pi makath romed. I SOMOL e ir e ra gagiyegnag nge yodro’; gimed ra gafgow ngarim bilged t’ay e gafgow.

Malaki 1:4

Yu Edom, ni yad e pi’in owchen Esau, e fa’anra lungurad, “Pi binaw rodad e ka ni kirebnag, machane bay da ngongliyed nge sul nga rogon,” machane fulweg rok SOMOL ngorad e be ga’ar, “Ngani pagrad ngar muruwliyed, ya bay gu sul ngay nggu kirebnag bayay. Ma bayi yog e girdi’ fithingan e pi binaw nem ni Binaw Nib Kireb, ma ku bay ntunguy fithingrad ni, ‘Fare nam ni bay i par SOMOL nib damumuw ngorad ndariy n’umngin nap’an.’”

Isaiah 55:2

Mang ni kam n’iged e salpiy ko n’en ni dab mu fosgad ngay? Mang ni ka mu wereged puluwmed kem’ay ma dawor mu fosgad? Mu telmed ngog mi gimed rin’ e tin nggog, me yag ngomed e tin th’abi fel’ e ggan.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Psalms 39:6

ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.

Jeremiah 51:64

ma gog ni ngam ga’ar, ‘Irera’ e n’en ni bayi buch rok yu Babylon — bayi ligil ni dakriy e ngiyal’ nra for ngalang ni bochan fare riya’ ni nge pag SOMOL nga daken.’” Aray e gin ni mus e thin rok Jeremiah riy.

2 Samuel 15:31

Nap’an nnog ngak David nike un Ahithofel ko ba’ rok Absalom e girdi’ ni ngar togopluwgad ngak, me ga’ar David, “SOMOL, wenig ngom, mu pingeg e fonow rok Ahithofel nge par ni thin ko balyang!”