Habakkuk 1:9 - Bible Ni Thothup

⁹ “Salthaw rorad e bay ur gelgad i yan, ra yad be yib ma gubin e girdi’ nike rus ngorad. Girdi’ ni bay ra koled e yad pire’ ni bod e yan’ ndabiyag i the’eg.

Habakkuk 1:9 Referans Kwoze

Roma 9:27

Mi Isaiah e yog murung’agen yu Israel ni ga’ar: “Yugu ra yo’or yu Israel ngar boded urngin e yan’ ni bay u charen e day, machane ri in i yad e ra thap ngak Got;

Habakkuk 1:6

Aram e nggu pi’ gelngin yu Babylon, ni yad e girdi’ ni tagan, ma yad ba’adag e cham. Bay ranod nga wuru’ e nam rorad ni ngar m’aged e mael ngak yugu boch e nam ngar koled.

Hosea 13:15

Yugu aram rogon ni be fel’ rogon yu Israel i yan ni bod rogon e pan ni be tugul i yan nib machreg, ma bay gu pi’ e nifeng nib gowel u ngek nge yib u daken e ted ni desert, ma bayi mlik’nag e pi alublub nge pi luwed rorad. Bayi fek urngin ban’en nib t’uf ma ba tolang puluwon.

Hosea 1:10

Piyu Israel e bay ra yo’orgad ngar boded e yan’ u maday, ndabiyag i the’eg ara ni foleg. Chiney e be ga’ar Got ngorad, “Gathi gimed girdi’eg,” machane bayib reb e rran ni bayi ga’ar ngorad, “Gimed pifak fare Got ni be par nib fos!”

Ezekiel 19:12

Machane u fithik’ e damumuw, min pug lik’ngin ngalang nga non’ nga daken e but’. Meb nifngin e ngek nge fengfengnag wom’ngin. Me m’ingm’ing papa’ngin; nge mlik’ min orfeg.

Ezekiel 17:10

Arogon, kan yung, gur ra tugul nge ga’? Gur dabi mroray ko nifngin e ngek? Ma gur dabi mroray ko gin be tugul riy?”

Jeremiah 34:22

Bay gu pi’ e thin, ma bay ra sulod ko re binaw ney. Bay rachamgad ngay ngar koled miyad urfiy nga but’. Bay gu tay e yochi binaw nu Judah ni bod bang i ted ni dariy be’ nma par riy. I Gag SOMOL e kugog e pi thin ney.”

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 15:8

Ku gu yo’ornag e ppin nike yim’ e pumo’on rorad nike yo’or ko yan’ ni bay u dap’el’ay. Pi’in ni pagel ni pifakmed nike taw nga fel’ngirad e ku gu thang e pogofan rorad, ku gu gagiyegnag pi chitiningirad ka ra gafgowgad. Gugad paag ngorad nib tomgin ke yib e gafgow nib gel ngorad ma kar pired nga fithik’ e marus.

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Isaiah 27:8

I SOMOL e gechignag e girdi’ rok ni pi’rad ni kalbus nga wuru’ e nam. I tharbegrad nga fithik’ e nifeng nib gel ni yib ko ngek.

Psalms 139:18

Ra nggu the’eg ma pire’ ko yan’. Ra gu od, ma ku gu bay rom.

BABYOR NI JOB 29:18

Gubin ngiyal’ ni ug leamnag ni gu ra par nge n’uw nap’ag ma gu ra yim’ u tabnaw rog ni gub munguy.

Judges 7:12

Piyu Midian, nge piyu Amalek, nge bogi pumo’on ni yad ma par u daken e ted e karweargad u lan e re loway nem ni bod e asmen’ing ni pire’ ni pire’, ma bay e kamel rorad ni pire’ ni bod feni yo’or e yan’ u dap’el’ay.

Genesis 41:49

Bo’or e grain ni cha’riy nga naun ni yan i par ni gowa yan’ u maday. Re grain nem ni cha’riy e pire’ nib pire’ me tal ndaki tay urngin nga babyor ya dabkiyag.

2 Kings 12:17

Ma ngiyal’nem e yib Hazael ni Pilung nu Syria i mael ngak fare binaw nu Gath nge kol; ma aram me turguy u wan’ ni nge mael ngak yu Jerusalem.

Daniel 11:17

“Bayi leamnag fare pilung nu Syria ni nge pi’ e salthaw rok ni urngin ngar koled e nam rok e pilung nu Egypt ni ga’ngin. Me ngongliy ba m’ag u thilrow, me pi’ be’ ni bpin ni fak ngak ni nge le’engiy, ya be leamnag ni aram kanawo’en me gel ngak, machane dabiyag ni nge fel’ rogon e tin ke leamnag.

Habakkuk 1:17

Mog, ga be finey ni ngu’ur maruwelgad ko saydon rorad ndariy n’umngin nap’an, ngu’ur thirifed e pi nam u but’ ma darir runguyed be’?