Habakkuk 1:6 - Bible Ni Thothup

⁶ Aram e nggu pi’ gelngin yu Babylon, ni yad e girdi’ ni tagan, ma yad ba’adag e cham. Bay ranod nga wuru’ e nam rorad ni ngar m’aged e mael ngak yugu boch e nam ngar koled.

Habakkuk 1:6 Referans Kwoze

2 Kings 24:2

Me pi’ SOMOL yu raba’ i salthaw nu Babylonia, Syria, Moab, ngu Ammon ngar maelgad ngak Jehoyakim ngar thirifed yu Judah u but’, ni bod nike yog SOMOL u daken e pi tapigpig rok ni pi profet nra rin’.

Jeremiah 5:15

Gimed e girdi’ nu Israel, I SOMOL e be pining ba nam nib orel ni nge cham ngomed. Ba nam nib gel ma ba kakrom, ni ba nam ni da mananged lungun.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Isaiah 23:13

(Gathi piyu Assyria, ya piyu Babylon e ra paged e gamanman ni malboch nge wagay u daken yu Tyre. Piyu Babylon e ra suweged e tawo’en e thum’ ngalan binaw, ma yad e ka ra buthged e pi yoror u Tyre ni fan ko mael, kar paged fare binaw nike mogoth.)

Jeremiah 21:4

ma nganog ngak Zedekiah ni SOMOL, ni Got nu Israel, e ke ga’ar, “Zedekiah, I gag e nggu cham nggu li’ fapi salthaw rom ni yad be cham nib togopluw ko pilung nu Babylon nge salthaw rok. Ma bay gu ulunguy talin e cham ko salthaw rom nga lukngun e binaw.

Jeremiah 4:8

Ere mon’ed e mad ni tutuw, mi gimed yor mi gimed dololoy’ ni bochan e damumuw rok SOMOL nib tinoway e dawri chuw u daken yu Judah.

Jeremiah 4:6

Mu daged e wo’ nga Zion! Mmilgad ni fan e nge dabi buch ban’en romed! Dab mu sowathgad! I SOMOL e ke fek e riya’ nge ba gafgow nib ga’ ko lel’och i yib.

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

2 Kronicles 36:6

Me yib Nebukadnezzar ni Pilung nu Babylon i m’ag e mael nga Judah nge kol Jehoyakim nge fek nga Babylon ni kan chennag.

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

Jeremiah 8:10

Ere bay gu pi’ e yungi flang rorad ngak boch e girdi’ nge milfan ngorad mu gu pi’ pi le’engirad ngak yug boch e pumo’on. Gubin e girdi’ ni tin fel’ rogon nge tin gafgow ni yad be guy rogon ni nge yag e salpiy ngorad u fithik’ e sasalap. Ni mus ko profet nge prist ma yad be bannag e girdi’.

Jeremiah 13:20

Jerusalem, mu changar! Pi to’ogor rom e karbad ko lel’och nga pe’ning! Bu uw fapi girdi’ ni um paged e taga’ ngorad ni ngar ayweged gimed, ni fapi girdi’ romed ni gimed ba uf ngorad.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Ezekiel 16:40

“Bay ra k’arnged e girdi’ ni yo’or ngar malang nigem gur, mar th’eth’abed gur ni yoch yang ko saydon rorad.

Ezekiel 21:31

Bay mu thamiyed e damumuw rog u nap’an ni gu ra th’ab gufan nga dakenmed ni bod e daramram. Ma bay gu pi’med nga pa’ e girdi’ ni kireb, nib salap ko mathang pogofan.

Ezekiel 28:7

ma aram e bay gu pi’ e to’ogor nib buchan’ nge cham ngom. Bay ra gatheyed urngin e pin’en ni fafelel’ ni mu thognag ko salap nge gonop rom.

Ezekiel 31:12

Pi milekag nib kireb e leam rorad e ra th’eth’abed nga but’ miyad digey. Papa’ngin nge yochpa’ i tmal’gin e bayi mul nga daken urngin e burey nge loway u lan e nam. Urngin e nam ni ku’ur pired ko taglul’ riy e bay rchuwgad.

2 Kings 24:1

Nap’an nib pilung Jehoyakim me yib Nebukadnezzar ni Pilung nu Babylonia i kol yu Judah, ma dalip e duw ni par Jehoyakim u tan pa’; ma aram me cheal Jehoyakim nge togopluw.

Jeremiah 30:5

“Ku gu rung’ag lungun e marus, ni lungun e marus ma gathi gapas.

Joel 2:3

Kar longuyed e woldug ni bod rogon e nifiy ni aw ko woldug. U pulworad nga m’on e but’ riy e bod e milay’ nu Eden, ma nga keru’rad e kar paged ni bod bangi ted ni desert. Dariy ban’en nrayag ni nge mil rorad.