Habakkuk 1:4 - Bible Ni Thothup

⁴ Motochiyel e ke waer ma kem’ay fan, ma dakunir rin’ e tin nib yal’uw. Tin nib yal’uw e ka ni pingeg nga bang, ke yan i aw ni girdi’ ni kireb e kar gelgad ngak e pi’in yad ba mat’aw.

Habakkuk 1:4 Referans Kwoze

Psalms 119:126

SOMOL, ke taw ko ngiyal’ ni ngam mithmith, ya dakir fol e girdi’ ko motochiyel rom.

BABYOR NI JOB 21:7

Mang nma tay Got e girdi’ ni kireb ni dab rmad’, ngu’ur pilibthirgad ma be fel’ rogorad?

Jeremiah 12:1

“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?

Ezekiel 9:9

Me fulweg Got ni ga’ar, “Girdi’ nu Israel ngu Judah e bbuch e rorad ko denen ni ubchiya’. Yad be mathang pogofan u ga’ngin yang ma kar sugyed lan yu Jerusalem ko urngin mit e oloboch. Ma yad be ga’ar e Gag, SOMOL, e kug pi’ keru’ug ko binaw rorad ni da gur guy e n’en ni yad be rin’.

Amos 5:12

Gu manang feni kireb e denen ni gimed be rin’, nge urngin e yupa’ i oloboch ni kam ngongliyed. Gimed be gafgownag e girdi’ ni bfel’, ma gimed be fek puluwon e sasalap, ma gimed be taleg mat’won e pi’in gafgow u tafen e puf oloboch.

Hosea 10:4

Thin ni yad ma yog e dariy gam’ingin ma tin yad ma micheg e go’ ban nge m’ag ko thin u thilrad e bm’ayfan. Ngongol nib mat’aw e ke pilyeg ke ngongol ni de mat’aw, ni be ilal ni bod e pan ni yub u lan e milay’ ni kan gi’ e but’ riy.

Isaiah 5:20

Gafgow gimed! Gimed be yog e kireb ko manigil ma gimed yog e manigil ko kireb. Gimed be thilyeg e lumor ko tamilang nge tamilang ko lumor. Gimed be ngongliy e mo’oy nge athibthib, nge tin athibthib nge mo’oy.

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

Exodus 23:6

“Dab mu siyeged mat’wun be’ nib gafgow, nnap’an nra yib nga tafen e puf oloboch.

Exodus 23:2

Dab mu uned ko kireb ni bochan e aram rogon nima rin’ e tin yo’or e girdi’, ara mu’uned ngorad ngan micheg ban’en nde riyul’ nge dabi gagyel e tin nib mat’aw.

Roma 3:31

Gur fan e ren’ey e aram e ngad n’iged fare Motochiyel ni bochan e ke mich Kristus u wun’dad? Danga’, gathi errogon; ya aram e kad ted e re Motochiyel nem nga tagil’.

Acts 7:59

Ma aram miyad par ngu’ur malang niged Stefen ko ngiyal’ ni ba’aram ni pining Stefen Somol ni ga’ar, “Somol Jesus, mu fekeg!”

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Mark 7:9

Me ul ul Jesus ngay nge ga’ar ngorad, “Rib soromed ni msasalpiyed ngam n’iged e motochiyel rok Got ni bochan e ngam ayuweged yalmed!

Psalms 94:3

Bu uw n’umngin nap’an ni ngi i felan’ e pi’in kireb? SOMOL, bu uw n’umngin nap’an?

Psalms 59:4

A SOMOL, ma ku gathi bochan e bbuch e rog u ban’en, ni aram fan ni kar fal’eged rogorad nga tagil’rad.

Psalms 59:2

Mu chuwegeg u pa’ e pi’in kireb e leam rorad; ma ga lagneg u pa’ e pi tathang e pogofan nem!

Amos 5:7

Gafgow gimed, gimed e pi’in ni gimed be dalibnag e tin nib mat’aw gimed be sasalpiy matwon e girdi!

Jeremiah 26:8

Ma nap’an ni yug gu mu’ i weliy urngin ban’en nike yog SOMOL ngog, ma aram me yib e pi prist, nge pi profet, nge girdi’ ra koledgag ni yad be tolul ni be lungurad, “Thingar ni li’em ngamum’ ni bochan e pi thin ney ni kamog!

Jeremiah 12:6

Mus ngak pi walagem, nge pi chonggin e tabnaw rom, marban niged gur; ra uned ko togopluw ni yibe tay ngom. Dabi pagan’um ngorad ni mus ni fa’an yad be yog e thin ngom nib sumnguy.”

Psalms 22:16

Baraba’ i girdi’ ni yad ba kireb e kar longobiyed gag; ni bod ba ran’ i pilis, ni yad be chugur i yib ngog; yad be girengiy pa’ag nge eg.

Psalms 11:3

Be’ ni bfel’ e dariy ban’en nrayag ni rin’ ni fa’anra ke wagay gubin ban’en.”

1 Kings 21:13

Fa gal girdi’ nrib kireb e rognew u rom u fithik’ e girdi’ nike yog Naboth e thin nib kireb ngak Got nge en ni pilung, ma aram min fek Naboth nga wuru’ e binaw nga ni malangnag nge yim’.

Psalms 22:12

Pire’ e to’ogor ni ka ra yin’edgag nga longob ni yad bod e garbaw ni pumo’on, go’ ka ra liyegedgag, ni bod fapi garbaw ni pumo’on ndamumuw nu Bashan.

Isaiah 59:12

“SOMOL, oloboch romad nib togopluw ngom e bo’or. Denen romad e ke eg nagmad. Go’ gamad manang ni gubin.

Jeremiah 8:7

Mus ko arche’ ni stork ma manang e ngiyal’ ni nge sul; ma dove, nge swallow, nge thrushe e yad manang e ngiyal’ ni ngar milekaggad, machane gimed e girdi’ rog e damnanged fapi motochiyel ni ir e gu gagiyeg nagmed ngay.