Habakkuk 1:15 - Bible Ni Thothup

¹⁵ Girdi’ nu Babylon e yad ma kol e girdi’ ko lam ni bod rogon ni yima kol e nig. Yad ma kolrad ko nug, ma yad be garusnag e felfelan’ ni bochan e n’en ni kar koled ko nug!

Habakkuk 1:15 Referans Kwoze

Amos 4:2

Rogon nib thothup SOMOL ni Th’abi Tolang e ke micheg nike ga’ar, “Bay boch e rran ni bay yib ni bay ni the’ e lam ngomed ngu’un girngiymed ni gimed gubin; nra bigimed ma bayi bod ba nig u taban e lam.

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Psalms 10:9

yad ma son ko gin ka ra mithgad riy ni bod e pi layon. Yad ma pach ni yad be sonnag e pi’in gafgow; miyad kolrad ko wup rorad miyad girngiyrad ngabang.

Revelation 11:10

Ma girdi’ nu fayleng e bay ra felfelan’gad nike yim’ e gali cha’nem. Bay ra madnomgad ngar tow’ath niged yad, ni bochan e gali profet nem e ba ga’ e gafgow nra tiyew ngak e girdi’ nu fayleng.

Matthew 17:27

Machane dabudad ni ngad kireb niged laniyan’ e pi girdi’ ney. Ere mman ko fare lipath nga mon’ e gaf rom; ma ga girengiy ngalang e bin som’on e nig ni ga ra l’eg ma bay mpir’eg ba salpiy ni wasey u lan l’ugun nra gaman e birodow e tax ko Tempel riy; ma ga fek ngam pi’ ngorad e birodow e tax.”

Ezekiel 35:15

nri bod rogon ni u mu felfelan’ ko mogoth ni tay yu Israel ni gag e suwog. Burey nu Seir, nge ga’ngin e nam nu Edom, e bayi mogothgoth. Ma aram e bayi nang gubin e girdi’ ni Gag fare SOMOL.”

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Ezekiel 25:6

“Ba’aray e n’en ni be yog SOMOL ni Th’abi Tolang: gimed be way ma gimed be og ngalang ko felfelan’. Ni gimed be fananikan e nam nu Israel.

Jeremiah 50:11

I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,

Isaiah 19:8

Gubin e girdi’ nike pag e taga’ ko fita’ u lan fare lul’ ni Nile, ni fan ko yafos rok, e bayi gowol ma be yor; pi lam nge yung i nug rorad e ke m’ayfan.

Matthew 13:19

Pi’in nrung’aged e thin rok Got ni murung’agen e gagiyeg rok ma de yag nra nanged fan e yad bod awochngin e woldug ni wear nga daken marichlen e kanawo’ u milay’. Me yib Fa’anem nib Kireb nge leag e n’en ni kan wereg nga fithik’ i lanin’rad.

Jeremiah 5:26

“Girdi’ nib kireb e yad be par u fithik’ e girdi’ rog; yad be pach yad be son ni bod e girdi’ nma pag e nug ni nge kol e arche’ ngay, machane wup ni yad be tay e girdi’ e ngar koled ngay.

Habakkuk 1:14

Ra di’in ma ga tay e girdi’ ni yad bod e nig, ara ba ulung i chachangeg ni dariy be’ ni be pow’iyrad?

Habakkuk 2:5

Fla’ab e ma ban nigey. Girdi’ ni yad ba chogow e yad ba tolngan’ ma der gapas lanin’rad, yad bod e yam’ ni yugu be fek e pogofan rok e girdi’ ma der gaman u wan’. Aram fan ni yad be m’ag e mael ko pi nam i yan ngar koled.