Habakkuk 1:13 - Bible Ni Thothup

¹³ Ke di’in ma ke yag ni mu k’adan’um rok e pi girdi’ ney ndabiyag ni nge pagan’uy ngorad ma yad ba kireb? Lan owchem e kaygi thothup ni nge guy e kireb ni yibe rin’, ma dabiyag ni ngam par ngu’um guy e girdi’ ni yad be ngongliy e tin nde yal’uw. Ere mang ni kam th’ab gulungam kar pired ni yad be thang e pogofan rok e girdi’ ni kab gel e mat’aw rorad ngorad?

Habakkuk 1:13 Referans Kwoze

Psalms 50:3

Got rodad e be yib, machane gathi be yib ndariy lingan; ya bay ba nifiy ni be daramram nib m’on rok, ma bay bangi yoko’ ni ba liyeg.

Psalms 10:15

Mu kirebnag gelngin e pi’in kireb nge pi’in nib kireb e leam rorad; mu gechig nagrad ko kireb ni karrin’ed, nge taw ko ngiyal’ ni ka ra talgad i rin’.

2 Samuel 4:11

Rikab ga’ e oloboch nra aw ngak e girdi’ ni kireb ni kar thanged e fan rok be’ ni dariy ban’en nike bucheg, ma be mol u naun rok! Bay gu fulweg taban e kireb romew ngomew ni fan fare mo’on ni kam thangew e fan rok, bay gu thirifmew ngam chuwgow u daken e re fayleng ney!”

Acts 2:23

I Got e manang me ir e turguy ni ngan pi’ Jesus nga pa’med; ma kam thanged e fan rok, ya mu ted gimed ngak e girdi’ ntadenen ngar richibiyed ko kuruth.

Isaiah 64:12

SOMOL, der kireban’um ko pin’ey? Mog, dariy ban’en ni ngam rin’ ngay ma ngam pagmad ngu’ug gafgowgad nib pag rogon?

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

Isaiah 21:2

Ke pilyeg e changar rog ku gguy ba gafgow nib ga’ nra be’ ma be yagnag be’ nge mathang pogofan ni yibe tay. Salthaw nu Elam, mu chamgad! Salthaw nu Media, mu thabey niged fapi binaw! Got e bayi museg e gafgow ni k’aring yu Babylon.

Psalms 83:1

A Got, dab mu par ni kam th’ab gulngam; yug dab mu par u lom, ni dabmog ban’en!

Psalms 73:3

ni bochan e awan’ug ngak e pi’in yad ba tolngan’ nap’an ni gguy ni pi’in kireb e bo’or ban’en rorad.

Psalms 50:21

Urngin e pin’ey ni kam rin’ed, ma ku gu th’ab gulungag, ere kam leam niged ni ta’ab rogog ngomed. Ma chiney e nggu puwan’ ngomed, mu gup’ e kireb romed nga owchemed.

Psalms 35:22

Machane, gur SOMOL e kam guy e ran’ey. Ere SOMOL, dab mu th’abgulungam; dab mu palog nagem nga orel!

BABYOR NI JOB 15:15

Mangfan, ya Got e mus ko pi engel rok ma ku der pagan’ ngorad; mus ngorad ma ku dar machalboggad u p’eowchen.

Ester 4:14

Fa’anra dabmog ban’en ko ngiyal’ney, ma ayuw e ra yib u tharmiy ngak e Jew, ni dabi buch ban’en rorad, machane gur nge chon e tabnaw ko chitamam e go’ ra math owchemed. Mini’ e manang — sana bochan e ngiyal’n’ey nra taw ngay ma aram fan nim mang queen!”

1 Kings 2:32

Bayi gechignag SOMOL i Joab ni bochan e mthang pogofan ni i tay, ni i rin’ nda i nang e chitamag i David. I Joab e li’ nge yim’ l’agruw i pumo’on nde buch e rorow ma yow ba manigil boch ngak Joab: Abner, nib ga’ ko salthaw nu Israel, nge Amasa, nib ga’ ko salthaw nu Judah.

BABYOR NI JOB 21:7

Mang nma tay Got e girdi’ ni kireb ni dab rmad’, ngu’ur pilibthirgad ma be fel’ rogorad?

Psalms 18:26

Ga ba machalbog ko pi’in yad bmachalbog, machane ga ma dumpamam ko pi’in yad ba kireb.

Psalms 25:3

Pi’in yad be toer ngom e dab ra waergad, machane pi’in nib machreg ni yad ma togopluw ngom e yad ma waer.

Psalms 35:17

SOMOL, bu uw n’umngin nap’an ni kemus ni ngu’um sap? Mu lageg ko cham rorad mu ayuweg e fan rog u pa’ e pi layon ney!

Psalms 35:25

Dab mpagrad ngar ga’argad ngorad, “Aha, kari yag fiti lanin’dad! Ya kad thanged e pogofan rok!”

Isaiah 24:16

Gin tha’bi palog nga tungun e fayleng e bay da rung’aged ni be yin’ tangin e sorok ni fen piyu Israel, ni fare nam nib mat’aw. Machane gag e dakriy ban’en ni ka be lagan’ug ngay! Gu be m’ay nga bang! Pi’in nib ta dugdugthin u thilin e girdi’ e kuyad be elmirin i yan.

Lamentations 3:36

Nap’an ni yira chefeg ni daki yal’uw e tin nib mat’aw ni ngan rin’ u kort ma manang.

Habakkuk 1:14

Ra di’in ma ga tay e girdi’ ni yad bod e nig, ara ba ulung i chachangeg ni dariy be’ ni be pow’iyrad?

Zekariah 8:17

Dab mu tanom niged wo’en ni ngam gafgow niged bochi gimed. Dab mu mow gad ni gimed be micheg ban’en ni de riyul’. Gub fananikan e sasalap l’ugun, nge tin nde mat’aw, nge mod yargal.”

Deuteronomy 23:15

“Fa’anra mil ba sib ko master rok nge yib ngomed ni ngam ayuweged, ma dab mu l’oged nge sul.

BABYOR NI JOB 24:23

Mang e ra pag Got facha’ nge par ni dabi buch ban’en rok, machane ma yip’ owchen ngak ni gubin ngiyal’.