Habakkuk 1:11 - Bible Ni Thothup

¹¹ Yad ma wolguy daken e nam ni bod e nifeng mranod, pi pumo’on ney e gelingrad e kemang got rorad.”

Habakkuk 1:11 Referans Kwoze

Daniel 5:20

Ma bochan e tolngan’ me ufanthin me gelan’, me gafgownag e girdi’, min chuweg ko pilung nge dakun tay fan.

Jeremiah 2:3

Israel, kemus ni gag e mmil suwom ngog, I gur e ga ba thothup nib milfam ngog. Gu pi e gafgow nge riya’, nga daken gubin e pi’in u ra gafgow niged gur. I Gag SOMOL e kugog e pi thin ney.”

Habakkuk 1:16

Yad ma meybil ko pi nug rorad ma yad ma pi’ e gamanman ni maligach ni fan ngay, ya nug rorad e be yagnag ngorad urngin e pin’en nib th’abi fel’.

BABYOR NI JOB 12:6

Pi’in ma moro’ro’ u fithik’ e yargal nge pi’in dar nanged Got e yad be par u fithik’ e gapas, ni yug aram rogon ni gelingrad e kemang got rorad.

Isaiah 10:13

Emperor nu Assyria e ufanthin nge ga’ar, “Yigo’ gag e ku gu ngongliy urngin e pin’ey. Ya gub madangdang ni gub gonop ma gub llowan’. Ku gu thirif ke chuw e pi mathil u thilin e pi nam ma kug fek e pi chugom rorad. Kug yot’yotrad nga but’ ni bod ba garbaw ni pumo’on e pi’in yad ma par u rom.

Jeremiah 9:22

Girdi’ nike yim’ e ke wagey u gubin yang ni bod t’ay e gamanman u daken e pi flang, ni bod e grain ni th’ab e pi’in nma th’ab ngar paged u but’, ni dariy be’ nra yib i kunuy. Irera’ e thin nike yog SOMOL ngog ni nggu weliy.”

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”