Genesis 9:18 - Bible Ni Thothup

¹⁸ Fapi pumo’on ni fak Noah ni rabad u lan fare barkow nga but’ e aram Shem nge Ham nge Jafeth (Ham e chitamngin Kanaan).

Genesis 9:18 Referans Kwoze

Genesis 10:1

Ba’aray e pi cha’ ni owchen Shem, Ham, nge Jafeth ni pifak Noah ni pumo’on. Ra fakyed boch e bitir ni pumo’on u tomuren fare sugbur ni tharey e fayleng.

Genesis 10:6

Pifak Ham ni pumo’on e Kash, Egypt, Lybia nge Kanaan, irera’ e pi ngachal nni tunguy ko pi ganong ni yib ni owcharad.

Genesis 9:23

Ma aram me fek Shem nge Jafeth ba mad nib n’uw nga ron’ew nga daken porow miyow kol. Ma aram miyow yan nga keru’row ngalan fare tent miyow upunguy fare mad nga daken e chitamangirow; nranow ni kar changargow nga bang ni fan e nge dab ra guyew e chitamangirow ndariy e mad u daken.

1 Kronicles 1:4

ni ir e chitamngin Noah. Me Noah e dalip e pagel ni fak: i Shem, Ham, nge Jafeth.

Genesis 5:32

Ma fa’an ni gaman 500 e duw rok Noah, me fakay dalip i pagel, ni aram Shem, Ham nge Jafeth.

Genesis 9:17

Miki ga’ar Got ngak Noah, “Ireray e pow ko fare bugithin ni kugog ngak urngin e pin’en nib fos ni bay u daken e fayleng.”