Genesis 8:1 - Bible Ni Thothup

¹ Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

Genesis 8:1 Referans Kwoze

Genesis 30:22

Me leamnag Got Rachel; me ayuweg nge diyen, ni aram e ke fulweg taban e meybil rok.

Genesis 19:29

Machane fa’ani kirebnag Got e gali binaw nem ni bay u lan fare loway, ma bay Abraham u wan’, ma aram me pag Lot nge mil nde buch ban’en rok.

Exodus 2:24

me rung’ag lamrad ni yad be gowol, me leamnag fare m’ag u thilrad Abraham, Isak nge Jakob.

Psalms 136:23

De pag taldad ko ngiyal’ nda mo’waergad; t’ufeg rok e ba manemus;

1 Samuel 1:19

Fa’ani reb e rran riy nri kab kadbul me od Elkanah nge chon e tabnaw rok ngar meybilgad ngak SOMOL, miyad sul ko tabinaw rorad nga Ramah. Me par Elkanah nge Hannah ni le’engin, me fulweg SOMOL taban e meybil rok Hannah.

Exodus 14:21

Me fael Moses pa’ nga daken e day me pi’ SOMOL e nifeng nib gel u lan e ngek nge thow ni reb e nep’ nge chuweg e day me m’ug e but’ nike mlik’. Me yib e mathil u lan fa gi day nge par nike ruw raba’,

Psalms 106:4

SOMOL, dab mu pagtalig ko ngiyal’ ni ga ra ayuweg e girdi’ rom, mu unegeg ngorad nnap’an ni ga ra ayuwegrad.

Amos 8:7

I SOMOL ni Got rok piyu Israel e ke micheg nike ga’ar, “Ri dab gu pag talin e pi ngongol rorad nib kireb.

Habakkuk 3:2

A SOMOL, kug rung’ag e n’en kam rin’, ma ke balyang an’ug ngay. Kkum rin’ bayay ko ngiyal’ney fapi maang’ang ni um rin’. Yugu ra kam damumuw, ma ngar mu runguymad.

Psalms 137:7

SOMOL, mu leamnag e n’en ni rin’ e pi Edomite ko fa rofen nem nni kol yu Jerusalem ko mael. Mu leamnag rogon ni i lungurad, “Mu buthuged nge mada’ nga daken e but’!”

Psalms 132:1

SOMOL, dab mpag talin David nge urngin e maruwel ni ngongliy.

Nehemiah 13:31

Mu gog ngal’an ni ngu’un fek i yib e l’ud ni fen e maligach ni mo’oruf, nge girdi’ ni ngi i fek e tin nga’on e grain rorad ni maligach nge tin som’on nike lol u wom’ngin e gek’iy rorad. A Got, dab mu pagtalin gubin e pin’ey, ma ga tow’ath nigeg riy.

Nehemiah 13:22

Mu gog ngak e pi Levite ni ngar be’ech nigedyad mranod ra matnagiyed fapi garog ngar guyed ngi i par e Sabbath nib thothup. A Got ku dab mupag talin e biney ni kug rin’ mag teg ndabi buch ban’en rog ni bochan e t’ufeg rom nrib ga’.

Nehemiah 13:29

Got, dab mu pagtalin rogon nike ta’aynag e pi girdi’ nem fare office rok e prist nge fare m’ag ni mu ngongliy u thilmed e prist nge pi Levite.

Nehemiah 13:14

Got rog, nge par u wun’um gubin e pin’ey ni kug ngongliy ni fan ko Tempel rom nge rogon e liyor riy.

Revelation 18:5

Ya denen rok e ke yan ke tun ko tharmiy, ma dawori pag Got talin e ngongol rok nib kireb.

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

Proverbs 25:23

Nonnon e ma k’aring e damumuw nri bod e nifeng u yimuch nma fek e n’uw i yib.

BABYOR NI JOB 14:13

Gu be athpeg ni yigum mithageg u lan e fayleng ko yam’; nggu par ni gu be mith nge taw ko ngiyal’ nike m’ay e damumuw rom, ma ga duwgiliy bangiyal’ ni ggub ngan’um.

Numbers 22:32

Me ga’ar fare engel ngak, “Mangfan ni nga dalip yay ni kam toy e dongki rom? Ya ku gub ni nggu ning e kanawo’ ngom, ya susun e dab mu’un ko re milekag ney.

Jonah 4:11

Ere gur dab gu runguy yu Nineveh? Ya bbinaw ni ba ga’ nib pag 120,000 e bitir ni bay riy ndawor ra bucheged ban’en, ma ku er rogon e garbaw ni pire’ ni bay riy.”

Psalms 36:6

Fanam yal’uw e bod fini tolang e burey; ma fenam mat’aw e bod feni to’ar e rigur. Gur e ga ma chothowliy e girdi’ nge gamanman.

Exodus 15:10

SOMOL, ri ta’abyay ni mu pag athon l’ugunam me thareyrad e day; miyad ligil nga’ar ni bod e plomow.

Numbers 10:9

Nap’an nra yib e mael ngomed u lan tafenmed ni gimed be ayweged gimed rok e re to’ogor nike yib ni mael ngomed, migmed thoy e gali yabul ney ni pow riy ni keyib e mael. I Gag SOMOL ni Got romed e gu ra ayuwegmed u pa’ e pi to’ogor romed.

BABYOR NI JOB 12:15

Ra kol Got e n’uw me fengfeng e nam; me pithig pa’ riy me sugbur e nam.

Psalms 29:10

SOMOL e be gagiyegnag e pi regur; be gagiyeg nib pilung ni dariy n’umngin nap’an.

Psalms 105:42

Thin rok nib thothup ni micheg ngak Abraham ni tapigpig rok e de pag talin.

Isaiah 44:27

Bbugithin e gog me mlik’ e rigur.

Nahum 1:4

I yog e n’en ni nge rin’ e day me mlik’ langgin! Me mlik’nag yu pa’ i lul. Yung i flang nu Bashan e go’ fengfeng daken, me mroray daken e Burey ni Karmel, me m’ay ra’en e floras nu Lebanon.

Genesis 9:10

nge ngak urngin e pin’en nib fos ni bay romed, ni arche’, nge gamanman, ni urngin ban’en ni yib ko fare barkow nga but’.

Psalms 115:12

I SOMOL e be leam nagdad ma ra fal’eg wa’athdad, bayi fal’eg wa’athan e girdi’ nu Israel, nge urngin e pi prist rok Got.

Jeremiah 50:38

Mu pi’ e yal’ ko but’ riy ngam mlik’nag e yupa’ i lul’ riy. Babylon e ba nam nib k’artamdag e pi liyos riy ni yad ma bannag e girdi’.

Zekariah 10:11

Nap’an ni yad ra th’ab dayin e gafgow rorad, ma Gag SOMOL, e bay gu toy e pi n’ew, me mlik’ lan e lul’ ni Nile nib to’ar. Yu Assyria ni yad ba tolngan’ e bay i sobut’anrad, ma yu Egypt nib gel gelingrad e bay i m’ay gelingrad.