Genesis 7:5 - Bible Ni Thothup

⁵ Me rin’ Noah urngin e tin keyog SOMOL ngak ni nge rin’.

Genesis 7:5 Referans Kwoze

Genesis 6:22

Me rin’ Noah urngin e tin ni yog Got ngak ni nge rin’.

Luke 8:21

Me ga’ar Jesus ngorad ni yad gubin. “Chitinag nge pi walageg ni pumo’on e pi’in yad ra rung’ag e thin rok Got miyad fol riy.”

Psalms 119:6

Fa’anra gu tiyan’ug nga gubin e tin kamog, ma aram e dab ni tamra’ nigeg.

Exodus 39:32

Gubin e maruwel ko fare Tent u p’eowchen SOMOL e kan mu’nag. Girdi’ nu Israel e kar ngongliyed gubin ban’en riy nri bod rogon ni yog SOMOL ngak Moses ni ngan rin.

Hebrews 5:8

Yugu aram rogon ni ir Fak Got, machane u daken e gafgow ni i tay e fil rogon riy ni ngi i fol rok Got.

Filippi 2:8

mi i par nib sobut’an’ ma be fol rok Got nge yan i mada’ ko ngiyal’ ni yim’ riy — ni yam’ ni tay u daken e kuruth.

John 13:17

Re bugithin ney nib riyul’ e kam nanged e chiney, fa’an gimed ra maruwel ngay mra um pired ni gimed ba felfelan’!

Matthew 3:15

Me fulweg Jesus ngak John ni ga’ar, “Ngad rin’ew e chiney ni aray rogon. Ya ireray kanawo’en ni gadow ra rin’ ma aram e kad rin’ew urngin e tin ni be finey Got.” Ma aram me fel’ u wan’ John.

Exodus 40:16

I Moses e rin’ urngin e tin ni yog SOMOL ni nge rin’.

John 2:5

Ma aram me ga’ar e chitiningin Jesus ngak e pi’in ntapigpig, “N’en nra yog ngomed ni ngam rin’ed e aram e n’en ni ngam rin’ed.”

Exodus 7:6

Moses nge Aron e rrin’ew e n’en ke tay SOMOL chiylen ngorow.

Genesis 7:16

ni bod rogon ni yog Got ngak Noah. Ma aram me ning SOMOL fare mab nga ftikeru’ Noah.