Genesis 50:2 - Bible Ni Thothup

² Me yog Josef ngak e pi togta ni yad ma maruwel u tan pa’ ni ngar ngongliyed rogon e chitamngin nge par ndabi kireb. Me rin’ fapi togta ni aram rogon,

Genesis 50:2 Referans Kwoze

2 Kronicles 16:14

mi ni k’eyag ngalan fare low ko yam’ ni ir e ker ni fan ngak u lan fare Binaw rok David. Mi ni bangbengnag ko chubgil ni aram e ka ni tay nga fithik’ e gasliw, mi ni k’oreg ba nifiy nib ga’ ngu’un yornag.

Genesis 50:26

Ma aram me yim’ Josef nike gaman 110 e duw yangren. Mi ni fal’eg rogon u Egypt ni nge dabi kireb, min tay ngalan ba kahol.

Mark 16:1

Ma nap’an ni m’ay e Sabbath me chuw’iy Maria Magdalene nge Salome, nge Maria ni chitiningin James e florida, ni ngranod ra liyfed nga downgin Jesus.

Matthew 26:12

Ya n’en nike rin’ e ke pu’og e re florida ney nga dakenag ni aram e ke ngongliy rogon e dowef rog ni ngan k’eyag.

John 12:7

Machane me yog Jesus ni ga’ar, “Dab mu kireb niged laniyan’ e re pin n’ey! Mpaged ya ke cha’riy e tin ni bay rok ni fan ko chirofen ni ngan chibgiliyeg riy.

Luke 24:1

Chirofen ni madnom nri kakadbul me yan fapi ppin ko fare low ko yam’ ni kar feked fapi florida nra ngongliyed rogon.

Mark 14:8

Re pin ney e ke rin’ ngog urngin e tin nrayag rok; ke pu’og e florida nga dakenag ni aram e ke ngongliy rogon e dowef rog u m’on ko gum’eyag.

Genesis 27:41

Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”

Genesis 50:1

Me yan i paraw Josef nga daken e chitamngin, ni be yor ma be faray owchen.