Genesis 48:10 - Bible Ni Thothup

¹⁰ Ma gathi ri ka be guy Israel ban’en ni bochan yangren. Me fek Josef fa gali pagel i yib ngak, me gumuchmuch nga bilel’ugunrow nge faray owcherow.

Genesis 48:10 Referans Kwoze

Genesis 27:27

Ma fa’ani chugur ni nge faray owchen, me farabon Isak bon e mad rok, ma aram me yibilay ni ga’ar: “Bon downgin fakag e bfel’ ni bod bon bangi woldug ni SOMOL e be ayuweg.

Genesis 27:1

Ma ke pilibthir Isak, nike malmit. Me l’oeg e thin nge yan ngak Esau ni bin nib ilal ko fa gali pagel ni fak, me yib me ga’ar ngak, “Fakag!” Me fulweg ni ga’ar, “Gub aray.”

Isaiah 59:1

Dab mu leamnag ni SOMOL e kaygi me’waer ni nge aywegnem fa kari bling ni nde rung’ag lamam ni ga be ning e ayuw!

Isaiah 6:10

Me ga’ar ngog, “Mu mur’mur’nag lolugen e pi girdi’ ney, ma ga ning telrad nge owcherad, nge dab ku ra guyed ara rrung’aged ban’en ara ra nanged fan ban’en. Ya ra dangay ma yad ra yib ngog miyad gol.”

1 Kings 19:20

Me pag Elisa fapi garbaw, me lol’oeg Elijah, me ga’ar, “Nggu wan gu faray owchen e chitamag nge chitinag nggu fingichiyrow, mu gub ngdarow.” Me ga’ar Elijah, “Mman ngamub. Ya dab gu talegem!”

1 Samuel 4:15

(Ma nga mereb i ragag nge meruk e duw yangren Eli, ma ke par nike chugur ni dabki guy ban’en.)

1 Samuel 3:2

Mi Eli e ngiyal’nem e ke chugur ni nge dabki guy ban’en, me reb e nep’ ni be mol u lan e singgil rok;

Genesis 45:15

Me faray owcherad ni yad gubin nra gumuchmuch ngak bagayad ma be yor.

Genesis 31:55

Me reb e rran riy nri kakadbul me pi’ Laban e felan’ ngak fa gali ppin ni fak nge pifak row me fal’eg wa’athrad, ma aram me pagrad nge sul nga tabinaw rok.

Genesis 48:8

Fa’ani guy Israel fa gali pagel ni fak Josef, me ga’ar ngak, “I mini’ e gali pagel ney?”

Genesis 48:11

Me ga’ar Israel ngak Josef, “Da ug finey ni ku ra gguyem, machane ke gagiyegnag Got ni mus ngak pifakam ma kug guy.”

Deuteronomy 34:7

Moses e 120 e duw rok ko ngiyal’ ni yim’, ni kayigu chirogon gelngin ma kab m’uth owchen.

Eklesiastes 12:3

Ma pa’am ni i yoror rom e bayi par ni be t’on, ma ayim nib gel e chiney e bayi par nike waer. Nguwelem e bayi par nri ka in nike mo’maw’ rogon ni ngam yeng e ggan ngay, ma ke bo’gol e changar rom.