Genesis 46:32 - Bible Ni Thothup

³² Pi’in ni pumo’on u fithik’rad e yad ma gafaliy e saf nge garbaw; kar feked i yib yu ran’ i saf nge kaming ni fakrad nge yu ran’ i garbaw, nge urngin e tin bay rorad.’

Genesis 46:32 Referans Kwoze

Genesis 47:3

Me ga’ar Farao ngorad, “Mang e maruwel romed?” Me lungurad, “Gamad ma gafaliy e saf ni bod ni i rin’ pichitamngimad ni kab kakrom i yib.

Zekariah 13:5

Ya ra ga’ar, ‘Gathi gub profet, ya gub girdi’en e milay’ — maruwel u milay’ e gu ma rin’ u n’umngin e yafos rog.’

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

1 Kings 9:27

Me pi’ Hiram ni Pilung boch e sala ko fapi barkow rok ni kar salapgad ko malwel ni ngar marwelgad e tirok Solomon e sala.

1 Samuel 17:15

ma bayi munmun me sul David nga Bethlehem nge gafaliy e saf rok e chitamngin.

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

Genesis 46:34

me lungumed, ‘Gamanman e ug gafaliyed ni ka gamad bbitir ke mada’ ko chiney ni bod ni i rin’ pi chitamngimad ni kab kakrom i yib.’ Ya ara’ rogon me yag ni mpired u lan e nug nu Goshen.” I yog ngorad ni aram rogon ni bochan e girdi’ nu Egypt e daburad e pi’in yad ma gafaliy e saf.

Genesis 45:10

Ya rayag ni nga mub mu par ko nug nu Goshen ngam chugur ngog, ni gur nge pifakam, nge pifak pifakam, nge saf nge kaming rom, nge garbaw rom, nge urngin ban’en ni bay rom.

Genesis 37:2

Irera’ murung’agen Jakob. I Josef e ba pagel ni ragag nge medlip e duw yangren, ni i un ngak piwalagen ngu’ur gafaliyed e saf nge kaming, ma pi pagel nem ni walagen e pifak Bilhah nge Zilpah ni yow l’agruw e bpin rok e chitamngin Josef. I weliy Josef ngak e chitamngin e pin’en nib kireb nike rin’ fapi cha’ ni walagen.

Genesis 31:18

ni ngar sulod ko binaw rok Isak ni chitamngin u Kanaan. Ma ke fek Jakob e gamanman rok nge urngin e tin ni yag ngak u Mesopotamia.

Genesis 9:20

Mi Noah e be’ nma woldug mma chugol gamanman, me ir e som’on ni yung bangi woldug ni grape.

Genesis 4:2

Me migid me gargeleg Abel ni walagen Kain. Me par Abel ni ir reb e tachugol saf, ma Kain e par ni ir be’ nib tawoldug.

1 Samuel 16:11

Me fith Samuel ngak ni ga’ar, “Kabay boch e pumo’on ni fakam ngabang fa dakuriy?” Me fulweg Jesse ngak ni ga’ar, “Kabay e bin th’abi bitir, machane bay u bang ni be gafaliy e saf.” Me ga’ar Samuel, “Mpi’ e thin nge yan ngak nge yib ngaray. Ya fin ra taw ma gadad pi’ e maligach.”

Genesis 46:31

Me ga’ar Josef ngak pi walagen ni pumo’on nge girdi’en e tabinaw rok e chitamngin, “Thingar gu wan gguy Farao nge lungug ngak, ‘Pi walageg ni pumo’on ni girdi’en e tabinaw rok e chitamag ni ur pired u Kanaan e karbad ngog!

Genesis 46:33

Fa’anra fithmed Farao ni ga’ar, ‘Mang e n’en ni gimed ma muruwliy?’