Genesis 45:1 - Bible Ni Thothup

¹ Ma dakiyag ni nge athamgil Josef u p’eowchen urngin e pi’in yad ma pigpig ngak, me non ni ba ga’ laman ni ga’ar, “Dabki par be’ u roy.” Me weliy Josef ngak pi walagen ko ir mini’ ko ngiyal’ ni ba’aram ndaki moy be’ rorad.

Genesis 45:1 Referans Kwoze

Matthew 18:15

“Fa’anra ngongliy be’ ni walagem e denen nib togopluw ngom, ma ga yan mu guy ngamog ngak e kireb nike rin’ nge nang. Machane mman ni go’ gur, ngam nonow ni go’ gimew. Ma fa’anra fol ko tin ni ga be yog, ma aram e kam sulweg walagem.

1 Korinth 13:5

en nib t’uf Got rok nge girdi’ e de kireb daken, ara kemus ni ir e ma leamnag ir, ara ba papey e damumuw ngak; ma en nib t’uf Got rok nge girdi’ e der ma aw nga laniyan’ e n’en nib kireb ni kan rin’ ngak;

Acts 10:41

Gathi urngin e girdi’ ni guy, ya kemus ni gamad e pi’in ke turguymad Got ni nggu manged mich riy. Gu uned ngak Jesus ko abich nge garbod u tomuren nike faseg Got Jesus ko yam’.

Jeremiah 20:9

Machane fa’anra lungug u wun’ug, “Dab kug leamnag SOMOL ma dab kug weliy ban’en u fithingan,” ma aram e thin rom e ke bod ba nifiy ni be yik u fithik’ i lanin’ug nib to’ar. Mu gguy rogon ni nggu par nga daken, machane dabiyag ni nggu tay rog.

Isaiah 42:14

Be ga’ar Got, “Ke n’uw nap’an ni ug par ni kug th’ab gulungag; nda ug fulweg lungun e girdi’ rog. Machane ngiyal’ ni nggu maruwel riy e ke taw nga nap’an e chiney; gu be non ni ba ga’ lungug ni bod be’ ni bpin ni nge gargel.

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

Acts 7:13

Ma yay ni migid nra sulod ngalan yu Egypt e fini yog Josef ir ngak pi walagen, ma aram mfini nang Farao murung’agen e tabinaw rok Josef.

Genesis 44:34

Uw rogon ni nggu sul ngak e chitamag ni fa’anra de moy e re pagel ney rog? Dabiyag rog ni ngug guy e re gafgow ney ni nge tay e chitamag.”

2 Samuel 13:9

me chuweg u lan fa raba’ i n’en ni lith riy nge yib i tay nga puluwon Amnon ni nge kay, machane de kay. Me ga’ar, “Mog ngak e pi cha’ nir ni yad gubin ngranod” me chuw fapi cha’.

Genesis 42:24

Me chuw Josef rorad nge yan i par ngi i yor. Ma fa’ani yag rok ni ngki welthin ngorad bayay, me sul ngorad, me fek Simeon u fithik’rad nge fal nga bang, me m’ag u p’eowcherad.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.