Genesis 43:29 - Bible Ni Thothup

²⁹ Ma fa’ani guy Josef Benjamin, ni aram e cha’ ni yow nga yal, me ga’ar, “Dabisiy ni cha’ney e ir e th’abi bitir romed, ni ir fa’anem ni mu weliyed murung’agen ngog.” Me ga’ar ngak, “Fakag, I Got e ngi i ayuwegnem.”

Genesis 43:29 Referans Kwoze

Numbers 6:25

I SOMOL e ngi i gol ngomed ma be runguymed;

Genesis 42:13

Me lungurad, “Gamad ragag nge l’agruw u gubin, ni gamad pifak be’ nib mo’on ko nam nu Kanaan. En ni th’abi bitir e bay rok e chitamangimad, ma reb e ke yim’.”

Hebrews 13:1

Um pired ni ra bigimed ma ba t’uf bigimed rok nrogon e walag nma par u fithik’ Kristus.

1 Timothy 1:2

Ngak Timothy, nike mang be’ nri fakag u daken e mich u wun’uy ngak Kristus: I Got ni Chitamangiy nge Kristus Jesus ni ir e Somol rodad e ngu’ur ayuwegew gur ma yow be runguyem, ma yow be pi’ e gapas nga lanin’um.

Mark 10:24

Me gin pi gachalpen ko thin rok, machane miki ga’ar Jesus ngorad bayay, “Pifakag, rib mo’maw’ ni ngan un ko gagiyeg rok Got!

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

Malaki 1:9

Gimed e pi prist, mu fithed Got ni nge gol ngodad ngam guyed. Ya dabi fulweg taban e meybil romed, ma gimed e kireb romed.

Isaiah 33:2

SOMOL, mu runguymad. I gur e ke l’agan’mad ngom. Um yoror romad u reb e rran nge reb, ma ga ayuwegmad ko ngiyal’ nike yib e oloboch ngomad.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.

Psalms 111:4

I SOMOL e der ma pagdad ngad pagged tilin epi maang’ang nma rin’; ir e ba gol ma ba marnguy.

Psalms 67:1

Got, nge wurngan’um ngomad, ma ga fal’eg wa’athmad; mu changar ngomad u fanam gol,

2 Kronicles 29:11

Pifakag, dabkum pired. Gimed e pi’in nike mel’egmed SOMOL ni ngu’um urfiyed e incense ngak mi gimed gafaliy e girdi’ ngar liyorgad ngak.”

Joshua 7:19

Me ga’ar Joshua ngak, “Fakag, mog e tin riyul’ u roy u p’eowchen SOMOL, ni Got nu Israel, mu weliy e kireb rom. Mog ngog e chiney e n’en kam rin’. Dab mu guy rogon ni ngam mithag rog.”

Genesis 45:8

Ere gathi gimed e mpi’ed gag nggub ngaray, ya Got. Ke teg ni gu bod be’ ni chitamngin Farao; i gag e ke mil fan e nam rok ngog ni ga’ngin, mi gag e gu be gagiyegnag yu Egypt ni ga’ngin.

Genesis 42:11

Gamad ba um i walag. Gathi gamad e damit, ma gamad be yog e tin riyul’.”

Genesis 35:24

Ma pagel ni fak Rachel e Josef nge Benjamin.

Genesis 44:21

Mog ngomad ni nggu feked i yib ngaray ngam guy.