Genesis 43:27 - Bible Ni Thothup

²⁷ Me fith ngorad ko bay e liliy rorad fa dariy, me mu’ me ga’ar, “Ke uw rogon salpen e chitamangimed nike pilibthir, ni ir faram e mu weliyed murung’agen ngog? Kabay ndawori yim’ ma dariy e liliy rok?”

Genesis 43:27 Referans Kwoze

Genesis 42:13

Me lungurad, “Gamad ragag nge l’agruw u gubin, ni gamad pifak be’ nib mo’on ko nam nu Kanaan. En ni th’abi bitir e bay rok e chitamangimad, ma reb e ke yim’.”

1 Kronicles 18:10

Ma aram me l’oeg Joram nib mo’on ni fak ni nge nang salpen David ni Pilung me pining e magaer ngak ko gel nike tay ngak Hadadezer, ni aram facha’ ni ur chamgow Toi nike bokun yay. Me fek Joram e tow’ath i yan ngak David nni ngongliy ko gol, silber nge bronze.

1 Samuel 25:5

ma aram me l’oeg ragag e pumo’on ni kayad ba pagel ngranod nga Karmel, ni ngar guyed Nabal, ngar fagichiyed ni pa’ David.

1 Samuel 17:22

Me yani tay David fapi ggan ngak reb e ga’ ko salthaw ni ir e mmil fan e chugom ko salthaw ngak, me mil i yan ko gin kan k’af riy, me yan ngak pi walagen nge fith salaprad.

Judges 18:15

Ere ranod ngalan e naun rok Mikah, ko gin ma par fare pagel nu Levi riy, miyad fith ko ke urogon boch e par rok u rom.

Exodus 18:7

aram me yan Moses i yan i mda’nag me siro’ ngak, me faray owchen Jethro. Miyow nang salparow miyow yan ngalan e tent rok Moses.

Genesis 42:11

Gamad ba um i walag. Gathi gamad e damit, ma gamad be yog e tin riyul’.”

Genesis 41:16

Me fulweg Josef ni ga’ar, “Gathi gag! I Got e bayi dag ngom e tin ni bfel’.”

Genesis 37:14

Me ga’ar e chitamngin ngak, “Mman, ngam guy pi walagem ngam nang salprad ma ga nang ko kabfel’ rogon e gamanman fa danga’; ma ga sul ngamog ngog.” Ma aram me l’oeg e chitamngin Josef u lan e loway u Hebron nge yan. Fa’an ni taw nga Shekem,

Genesis 43:7

Me lungurad, “Re mo’on nem e i fith murung’agmad nge girdi’ nu tabinaw romad ni ga’ar, ‘Kabfos e chitamangimed? Kabay reb e pumo’on ni walagmed?’ Ere dabisiy ni nggu pi’ed e fulweg ko pi de’er rok. U rogon ma gamad nang nra yog ngomad ni nggu feked walagmad nge un ngomad?”

Genesis 45:3

Me ga’ar Josef ngak pi walagen, “I gag Josef. Kabfos e chitamag fa?” Me par pi walagen ni kar rusgad ngak nde yag ni ngar fulweged lungun.

2 Kings 4:26

Mu gur nigem ngak nga mu nang salpen, nge salpen e pumo’on rok nge fachi pagel ni fakrow.” Me ga’ar fare pin ngak Gehazi, “Dariy ban’en nike buch.”