Genesis 41:30 - Bible Ni Thothup

³⁰ Me mu’, me yib medlip e duw ni uyongol e bay riy, ma urngin fapi duw ni bfel’ ni immoy e bay ni pag talin u Egypt; ya re uyongol nem e bayi kirebnag e nam nu Egypt.

Genesis 41:30 Referans Kwoze

Genesis 47:13

Re uyongol nem e rib gel, ya par ni dakuriy e ggan u fayleng ni ga’ngin, me m’ay gelngin e girdi’ nu Egypt ngu Kanaan ni bochan e uyongol.

Genesis 41:54

me tabab fa medlip i duw ngay ni aram e ke yib e uyongol, ni bod rogon ni fa’ani yog Josef ni bay taw ngay. Miki yib e uyongol ko tin kabay e nam, machane ga’ngin yu Egypt ni bay e ggan riy.

James 5:17

I Elijah e be’ ni ku bod gadad e tiney e girdi’. Ri meybil ngak Got ni nge dabki aw e n’uw, ma daki aw e n’uw u daken e re nam nem ni dalip nge baley e duw.

Psalms 105:16

I SOMOL e pi’ e uyongol nge yib ko nam rorad, me chuweg urngin e ggan rorad.

Luke 4:25

Mu telmed ngog: riyul’ ni bo’or e ppin nu Israel nra pired nike yim’ figirngirad ko fa ngiyal’nem ni kabay Elijah riy, ni fa’ani par nde aw e n’uw ni dalip e duw nge baley, me yib e uyongol ni ba ga’ nga daken e nam ni ga’ngin.

Isaiah 65:16

Demutrug be’ u lan binaw ni ning e fal’eg wa’ath, ma nge yog ko fare Got nib yul’yul’ nge fel’eg wa’athan. En nra mow e nge mow nga fithingan Got nib yul’yul’. Ma tin kakrom e oloboch e ra chuw min pagtalin.

Proverbs 31:7

Ni pagrad ngar unumed ngar paged talin e gafgow rorad nge kirban’ rorad.

2 Kings 8:1

Chiney e keyog Elisa ngak fare pin ni i par u Shunem, ni fa’anem ni faseg Elisa ba pagel ni fak, nike pi’ SOMOL ba uyngol nga daken fare nam, nra par ni medlip e duw n’umngin nap’an, ma ir e nge chuw nge tabnaw rok ngranod ra pired ngabang.

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

2 Samuel 24:13

me yib Gad ngak, nge yog ngak e n’en nike yog SOMOL, me fith ngak ni ga’ar, “Bin bu uw riy? Dalip e duw ni nge yib e uyngol u lan e nam rom ara dalip e pul ni ngu’um mil rok e pi to’ogor rom ara dalip e rran ni nge yib e misilpig u lan e nam rom? Ere mu leamnag e chiney, ma ga duwgiliy ko mang fulweg e ngu sulweg ngak SOMOL.”

Genesis 41:56

Ma nap’an ni garer e uyongol u daken e re nam nem, me bing Josef urngin e naun ni kan cha’riy e grain ngay me pi’ e grain ngak piyu Egypt ni chuway’, ya re ngiyal’ i n’em e kari gel e uyongol u daken e nam nu Egypt.

Genesis 41:51

Me ga’ar Josef, “I Got e ke ayuwegneg kug pag talin urngin e gafgow ni kug tay nge urngin e girdi’ u tabinaw rok e chitamag”; ma aram me tunguy Manasseh.

Genesis 41:27

Ma fa medlip i garbaw ni yib i m’ug ko tomur, nge fa medlip punug i grain nib achig nike mororoy ko nifeng nib gowel ni be yib u daken e ted ni desert e medlip i duw ni nge yib e uyongol.

Genesis 41:21

Machane ra longuyed nge mu’ ma dariy be’ nra nang, ya ka yugu rogon ya’arad ni ba manan’ug ni bod ko som’on. Ma aram mu gu od.

Genesis 41:31

Re ngiyal’ i n’en ni ba’aram ni pire’ e ggan riy e bay ni pag talin, ni bochan e uyongol ni bay yib nga tomuren e rib gel e gafgow ni yira tay riy.