Genesis 39:3 - Bible Ni Thothup

³ Me guy e masta rok ni bay SOMOL rok Josef, ni urngin ban’en nra muruwliy Josef mra fel’ ni bochan e bay SOMOL rok ni be ayuweg.

Genesis 39:3 Referans Kwoze

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Genesis 30:27

Me fulweg Laban ni ga’ar, “Siro’ ngom, ba’aray ban’en ni nggog ngom: kug nang u rogon e tin kan thagthagnag ngog ni Got e ke fal’eg wa’athag ni bocham.

Matthew 5:16

Ere ku er rogomed ni nge gal ra’emed u p’eowchen e girdi’, ya ngar guyed e tin ni bfel’ ni gimed be rin’ miyad yog e sorok ngak e Chitamangimed ni bay u tharmiy.

2 Kronicles 26:5

Zekariah e ir e tafanow rok Uzziah ni i fil ngak ni ngi i fol rok Got. Ere n’umngin nap’an ni i par Zekariah nib fos, ma i par Uzziah nib yul’yul’ ngak Got, me fal’eg Got wa’athan.

1 Samuel 18:14

ma urngin e tin i ngongliy ma bfel’, ya bay SOMOL rok.

Genesis 21:22

Ngiyal’nem me yan Abimelek nike un Fikol ngak ni be’ nib tolang ko salthaw rok, me ga’ar ngak Abraham, “I Got e bay rom ko urngin e tin ga be rin’.

Genesis 26:28

Miyad fulweg, “Chiney e kug nanged ni bay SOMOL rom, me ere kug leam niged ni nge fel’ thildad. Gamad ba’adag ni ngam micheg

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.

1 Korinth 16:2

Chirofen nsom’on u gubin e wik ni aram e madnom e ra bigimed ma thangri fek boch u puluwon nge tay ngabang ni be yan u rogon e salpiy ni be yag ngak, ya nggu taw ma dakuriy fan ni ngan mukun salpiy.

Zekariah 8:23

U lan e pi rran nem e bayib ragag e girdi’ nu bang ra ga’argad ngak reb e Jew, ‘Gamad ba’adag ni nggu uned ko gin ngam man ngay, ni bochan e kug rung’aged ni bay Got rom.’”

Nehemiah 2:20

Mu gu fulweg ni lungug, “I Got nu tharmiy e bayi ayuwegmad nge fel’ e pin’en ni gamad be muruwliy, ya gamad e tapigpig rok, ere nggu tababgad ko maruwel. Ma gimed e dariy e f’oth romed ara mat’awmed ara rogomed nga Jerusalem.”

1 Kronicles 22:13

Fa’an ga ra fol u gubin e pi motochiyel ni pi’ SOMOL ngak Moses ni fan ngak yu Israel, mra fel’ rogom. Mu gelnag lanin’um me pagan’um, dab mu pag ban’en nge k’aring e marus ngom.

1 Samuel 18:28

Me ri nang Saul ni bay SOMOL rok David, ma fachi pin ni fak ni aram Mikal e rib t’uf David rok.

Genesis 39:23

Ma fa’anem nib milfan e kalbus ngak e yan i par ndakuriy fan ni ngi i guy e pin’en nike pag fan ngak Josef, ni bochan e bay SOMOL rok Josef, ni be ayuweg Josef be fel’ urngin ban’en ni be ngongliy.

Genesis 30:30

Tin immoy rom nib lich e nap’an ni gub mri yo’or, ma ke fal’eg SOMOL wa’atham ni bochag. Are chiney e ke taw nga nap’an ni gag e nggu leamnag rogon e tabnaw rog.”

Genesis 26:24

Ma fa’ani nep’ riy me yib i m’ug SOMOL ngak me ga’ar, “I Gag e Got rok e chitmam i Abraham. Dab mu tamdag; ya gu bay rom. Bay ug tow’ath nigem mug yo’ornag e pi’in bayib ni owchem, ni bochan e arrogon ni gumcheg ngak Abraham ni tapigpig rog.”

Genesis 21:20

Mi Got e bay rok e re pagel nem ma aram me ilal; mi i par u daken e ted u Paran me par ni ir be’ ni ba cheag ko mokol gamanman.

Genesis 39:2

Ma bay SOMOL rok Josef, me ayuweg nge par nib yal’uw urngin nga puluwon. Mi i par u tabinaw rok e masta rok ni be’ u Egypt.

2 Kings 18:7

Ere SOMOL e immoy rok, ma gubin ban’en ni ngongliy me yan ni aw ni bfel’ rogon. Me togopluw ngak fare pilung nu Assyria ni de m’ing ngak.

Genesis 21:23

Ere mmicheg bugithin ngog e chiney u p’eowchen Got, ni dab’um ban nigeg, nge pifakag, nge pifak pafakag. Ug par ni gu byul’yul’ ngom, ere ngam micheg ngog ni kagra yul’yul’ ngog ma ngkum yul’yul’ nga lungun e re nam ney ni ga be par riy ni gathi ga be’ riy.”

Genesis 39:21

Machane bay SOMOL rok Josef ni be ayuweg, ma aram fan ni fel’ Josef u wan’ e cha’ nib milfan e kalbus ngak.

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

1 Samuel 3:19

Me ilal Samuel, ni bay SOMOL rok, me gagiyegnag nge yib i m’ug nib rriyul’ urngin e tin yog Samuel.

1 Kronicles 9:20

Finehas nib mo’on ni fak Eleazar e i gagiyeg nagrad ko re maruwel nem bangiyal’, ma immoy SOMOL rok.

2 Kronicles 1:1

Solomon ni be’ nib pagel ni fak David e i kol e thin ko nam nu Israel, ma SOMOL ni Got rok e fal’eg wa’athan me tay nrib gel gelngin.