Genesis 37:35 - Bible Ni Thothup

³⁵ Me yib urngin pifak ni pumo’on nge ppin ngak ni ngar fal’eged laniyan’, machane dabun ni ngan fal’eg laniyan’, me ga’ar, “Bay ug par ni be kireban’ug ngak fakag nge mada’ ko ngiyal’ ni bay gum’ mu gu wan ngak ko binem e tamilang ni tafen e pi’in ni karm’ad.” Ma aram mi i par ni be kireban’ ma be yornag Josef ni fak.

Genesis 37:35 Referans Kwoze

BABYOR NI JOB 2:11

Ma immoy dalip i tafager rok Job, ni Elifaz nu Teman nge Bildad nu Shuah, nge Zofar nu Naamah. Fa’an rrung’aged gelngin e gafgow nike tay Job, miyad turguy ni ngranod ra guyed ngar nanged salpen.

2 Samuel 12:17

Pi’in ntolang ni yad ma par u lan e yoror rok e ranod ngak ngar guyed rogon ni nge suwon, machane dabun, ma ku dabun ni nge un ngorad ko abich.

Genesis 42:38

Machane me ga’ar Jakob, “Dabiyag ni nge un fakag ngomed; ya ke yim’ walagen, ke yan i par ni go ir e kabay rog. Ma richey me buch ban’en rok u kanawo’. Kari gu pilibthir ndabkiyag ni gu ra athamgiliy e kireban’ ni gimed ra fek i yib ngog; ya mmudugil nra li’eg nggum’.”

Jeremiah 31:15

Be ga’ar SOMOL, “Ka ni rung’ag ba lam u lan yu Ramah, ni laman e meyor nib gel. I Rachel e be yornag pifak; ndabiyag i fal’eg laniyan’, ni bochan e daki moy pifak.

Psalms 77:2

Gu meybil ngak Somol ko ngiyal’ nike yib e gafgow ngog; polo’ e nep’ ni gu meybil ni kug tining pa’ag ngalang, machane, de fel’ lanin’ug.

Genesis 45:28

Me ga’ar, “Fakag i Josef e kabfos! Kemus tabon laniyan’ug! Thingar gu wan ngug guy u m’on ni nggum’.”

Genesis 42:31

Ma gamad yog ngak ni gamad be yog e tin riyul’, ni gathi gamad e damit.

Genesis 31:43

Me fulweg Laban ngak Jakob ni ga’ar, “Gali ppin ney e fakag; ma bitir rorow e bmilfan ngog nge pi gamanman rorow. Bin riyul’, e urngin e tin gabe guy uroy e bmilfan ngog. Ma irera’ ni dakriy ban’en nrayag ni nggu rin’ ngay miki par rog gal fakag nge pifak row.

Genesis 25:8

Ma aram me aw e fan rok ni aram yangren, minfek ngak pi girdi’en ni kakrom.

Genesis 35:29

Me yim’ ni kari labthir; ma gal pumo’on ni fak ni Esau nge Jakob e yow e ra k’eyaggew.

2 Samuel 12:23

Machane chiney e ke yim’, ere mangfan ni nggu pag e abich? Gur rayag rog ni nggu fulweg e pogofan rok? Bayi taw nga reb e rran mu gu wan ko gin ni bay riy, machane ir e dabkiyag ni nge sul ngog.”

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Genesis 48:11

Me ga’ar Israel ngak Josef, “Da ug finey ni ku ra gguyem, machane ke gagiyegnag Got ni mus ngak pifakam ma kug guy.”

2 Samuel 19:1

Minog ngak Joab ni be yor David ni Pilung ma be dolo’loynag Absalom ni fak.

1 Kronicles 7:22

Chitamangirow i Efraim e mowaw nagrow ni bo’or e rran, me yib e pi pumo’on ni girdi’en ni ngar fal’eged laniyan’.

Psalms 77:3

Nap’an ni gu ra leamnag Got, mug gel’gel’; nap’an ni gu ra pi’ lanin’ug, me mulan’ug.