Genesis 37:14 - Bible Ni Thothup

¹⁴ Me ga’ar e chitamngin ngak, “Mman, ngam guy pi walagem ngam nang salprad ma ga nang ko kabfel’ rogon e gamanman fa danga’; ma ga sul ngamog ngog.” Ma aram me l’oeg e chitamngin Josef u lan e loway u Hebron nge yan. Fa’an ni taw nga Shekem,

Genesis 37:14 Referans Kwoze

Genesis 35:27

Me yan Jakob ngak Isak ni chitmangin nga Memre, u charen yu Hebron, ni aram e gin i par Abraham nge Isak riy.

Luke 19:42

ni be ga’ar, “Fa’an mang e aray rogon ma kamnang e daba’ e n’en ni ir e ra fek e gapas i yib ngom! Machane chiney e dabiyag ni ngam guy!

Psalms 125:5

Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!

Jeremiah 29:7

Mmaruwelgad ni fan ko pi binaw ni ku gu pi’med ngay ni kalbus. Mmeybilgad ngog ni fan ngorad, ni bochan e fa’anra fel’ rograd ma ku ra fel’ rogmed.

1 Kings 2:33

Gechig ni fan ko pogofan rorow nthang e bayi aw ngak Joab nge nga daken e pi’in owchen ni dariy n’umngin nap’an. Machane SOMOL e gubin ngiyal’ ni bayi tay ni pi’in owchen David ngi i par ko pilung.”

2 Samuel 18:32

Me fith David ni Pilung ngak ni ga’ar, “A mog, de buch ban’en rok fachi cha’ i Absalom?” Me ga’ar fa’anem ni be’ u Ethiopia, “Gu be athpeg ni tin ke buch rok e manga yigi buch rok urngin e pi to’ogor rom, nge urngin e pi’in yad be togopluw ngom.”

Joshua 14:13

Me yiblay Joshua i Kaleb nib mo’on ni fak Jefunneh me pi’ fare binaw ni Hebron ngak ni nge tafnay.

Numbers 13:22

Ranod nsom’on ngalan e yimuch ko fare nam marbad u rom nga Hebron, ko gin nma par fa yuke girdi’ ni Ahiman, nge Sheshai, nge Talmai riy, ni yad e pi’in owchen bmit i girdi’ nib n’un’uw ma ba tagiyet ni kanog e Anakim ngorad. (Hebron e sum ni unpar riy ni medlip e duw nga m’on mfin nnib ni par nge sum e binaw nu Zoan u Egypt.)

Genesis 41:16

Me fulweg Josef ni ga’ar, “Gathi gag! I Got e bayi dag ngom e tin ni bfel’.”

Genesis 29:6

Me fith ni ga’ar, “De m’ar?” Me lungurad, “De m’ar. Mu sap, ke yib Rachel ni be’ ni bpin ni fak nike un nga ba ran’ i saf ni fak e chitamngin.”

Genesis 23:2

Me yim’ u Hebron u lan yu Kanaan, me kireban’ Abraham me mowawnag.

Genesis 13:18

Ma aram me pug Abram e pi tent rok nge yan i par nga bang nib chugur ko fa yu ke gek’iy ni oak ni bay u Mamre ni bangi n’en ni bay u Hebron, mu rom e ubung ba altar riy ni fan ngak SOMOL.

Joshua 14:15

U m’on ni buch e pin’ey ma yu Hebron e yima yog ni binaw rok Arba. (I Arba e cha’ nth’abi gilbugwan ma ba tagyet rok e pi Anakim.) Ma ngiyal’ney e ba gapas langgin fare nam.

Genesis 23:19

Ma aram me chubgiliy Abraham Sarah ni le’engin ngalan fare yiy u lan fagi flang nu Kanaan.

Genesis 37:15

me yib be’ nib mo’on i pir’eg ni be yan u daken e pi flang i yan, me ga’ar ngak Josef, “Mang e ga be gay?”

Joshua 14:14

Yu Hebron e kab milfan ngak e pi’in owchen Kaleb nib mo’on ni fak Jefunneh ni reb e Kenizzite, ni bochan e i tay u gil’ ngi i fol rok SOMOL, ni Got rok yu Israel.

Judges 1:10

Ranod ko togopluw ngak piyu Kanaan ni yad be par u lan fare binaw nu Hebron, ni ku’un pining yu Kiriath Arba ngay. Mu rom e ra gelgad ngak fa yuke girdi’ rok Sheshai, Ahiman, nge Talmai.

2 Samuel 11:7

Fa’ani taw Uriah, me fith David ngak salpen Joab nge salthaw, nge rogon e mael ni be yan.

Genesis 43:27

Me fith ngorad ko bay e liliy rorad fa dariy, me mu’ me ga’ar, “Ke uw rogon salpen e chitamangimed nike pilibthir, ni ir faram e mu weliyed murung’agen ngog? Kabay ndawori yim’ ma dariy e liliy rok?”

1 Samuel 17:22

Me yani tay David fapi ggan ngak reb e ga’ ko salthaw ni ir e mmil fan e chugom ko salthaw ngak, me mil i yan ko gin kan k’af riy, me yan ngak pi walagen nge fith salaprad.

Ester 2:11

Gubin e rran ma yug be cheal Mordekai u lan e yoror ko fare tafen e ppin, ni bochan e ba’adag ni nge nang salpen Ester, me nang ko mang e bay nrin’ ngak.