Genesis 35:5 - Bible Ni Thothup

⁵ Ma nap’an ni deg Jakob nge pifak ni ngranod, me yib e marus nib gel ko girdi’ nma par ko yochi binaw nib chuchugur ngaram, mdeyag ni ngar tulfedrad.

Genesis 35:5 Referans Kwoze

Exodus 23:27

“Bay gu tay e pi girdi’ ni yad be togopluw ngomed ni kar rusgad ngog; bay gu tay e pi girdi’ ni gimed be cham ngorad nike wagagey lanin’rad, ma bay gu gagiyegnag urngin e to’ogor romed ngar chelgad u but’ ngar milgad romed.

2 Kronicles 17:10

Me gagiyegnag SOMOL gubin e pi lung nib liyeg yu Judah ni ngar rusgad ni ngranod ko mael nib togopluw ngak Jehoshafat ni Pilung.

Psalms 14:5

Machane bay ra m’ad ko marus, ya Got e be par rok e pi’in yad be folwok rok.

Joshua 5:1

Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Deuteronomy 11:25

Demturug bang ni gimed ra yan riy u lan e re nam nem, me SOMOL ni Got romed e ra gagiyegnag e girdi’ ngar rusgad ngomed, ni bod nike micheg nra rin’, ma dariy be’ nrayag rok ni nge talegmed.

Exodus 34:24

Ma tomuren ni kug tuluf girdi’en e pi nam ni yad bay ko gin ni ga be sor ngay mu gu ga’nag e gin ngam tafnay, ma dariy be’ nra guy rogon ni nge kol e nam rom ko ngiyal’ ni ba’aram nra reb e duw ma dalip yay ni nga mub nga p’eowcheg i Gag SOMOL ni Got rom.

2 Kronicles 14:14

Ma aram me yag rorad ni ngar gathayed fapi binaw u lan fa gin nib liyeg yu Gerar, ni bochan e girdi’ nu rom e karrusgad ngak SOMOL. Fa raba’ i salthaw e ra kireb niged gubin fapi binaw miyad fek u fithik’ e yargal bokun ban’en.

1 Samuel 14:15

Ma urngin e pi Filistine ni yad bay u rom ni yib e marus ngorad; ma pi’in yad ma yan nga mit e mael nge pi salthaw ni yad bay ko gin be par e pi salthaw riy e ur t’on gad ko marus; me yib e durru’, mri gel boch e marus rorad.

1 Samuel 11:7

Me fek l’agruw i garbaw ni pumo’on nge th’eth’abrow ni nochiyang, me pi’ ngak e pi mol’og ngar feked i yan u gubin yang u lan e nam nu Israel ni be lungurad, “En ndabi un ngak Saul nge Samuel ngranod ko mael e irera’ e n’en ni yira rin’ ko garbaw rok!” Me rus piyu Israel ko n’en nrichey me rin’ SOMOL, miyad yib ni yad gubin nike ta’reban’rad.

Genesis 34:30

Me ga’ar Jakob ngak Simeon nge Levi, “Kam tew e oloboch nga puluwog; ni aram e bayi dabuyeg piyu Kanaan, nge Perizzites, nge gubin e girdi’ ko re binaw ney. Ma gadad buchu’uw; mra chey ni ta’reb lungrad ni ngar togopluwgad ngar chamgad ngog, ma ga’ngin e re ke girdi’ rodad ney nra math owcharad.”

Genesis 35:4

Ma aram miyad pi’ gubin fapi got rok piyu bang ngak Jakob nge talbuch u telrad, me k’eyag ni urngin nga tan bake gek’iy ni oak ni bay u charen yu Shekem.

Deuteronomy 2:25

Daba’ i yan ngaram e bay gu tay daguwmed nga lanyan’ e girdi’ u gubin yang. Nap’an ni yira yog fithingimed ma gubin e girdi’ ni bay ra t’on gad ko marus.’

Psalms 105:14

machane de pag Got be’ nge gafgow nagrad, ma i puwan’ ngak e pi pilung ni bochrad.

2 Kronicles 14:13

me Asa nge fare raba’ i salthaw rok e ra tulufed yad ngar mada’ gad nga Gerar. Ri bo’or piyu Ethiopia nli’rad ngar mad’ ni dakiyag ni ngar kunuyed lungurad ngar chamgad bayay. Ke gel SOMOL nge fa raba’ i salthaw rok ngorad, me fek fare raba’ i salthaw rok Asa bokun ban’en u Sudan (niku yima yog ni Ethiopia).