Genesis 35:23 - Bible Ni Thothup

²³ Pi pagel ni fak Leah e Ruben (ni bin nganni’ i fak Jakob), Simeon, Levi, Judah, Issachar, nge Zebulun.

Genesis 35:23 Referans Kwoze

Genesis 33:2

Me tay fa gal sib nge pifakrow nga m’on, me tay Leah nge pifak nga tomur rorad, me tay Rachel nge Josef nga th’abi tomur.

Acts 7:8

Ma aram me weliy Got ngak Abraham rogon e maad’ad ni ngan tay ngak nge urngin e pi’in owchen, ni nge mang ba pow ko fare m’ag rok Got. Nap’an nni gargeleg Isak ma ta’reb e wik nga tomuren me maad’ad Abraham ngak; me maad’ad Isak ngak Jakob ni fak, me maad’ad Jakob ngak fare ragag nge l’agruw i pifak ni pi chitamngin piyu Israel.

Genesis 29:31

Ma fa’ani guy SOMOL ni gathi rib adag Jakob Leah, me ayuweg ngi i diyen rok Jakob, me par Rachel nde yog ni nge diyen.

Exodus 1:1

Ba’aray fithingan fapi pumo’on ni pifak Jakob nra uned ngak ngranod nga Egypt, nra bagayad me un girdi’en e tabinaw rok ngak,

Genesis 29:16

Ma l’agruw e ppin ni bay ni fak Laban; bin ilal e Leah, ma bin bitir e Rachel.

Genesis 49:3

“Ruben, ni bin som’on i fakag nni gargeleg, i gur gelngig, me gur e bin som’on i fakag nnap’an ni taw nga yangreg ko pagel, i gur e th’abi tolangan’um, mi gur e th’abi gel u fithik’ urngin e pumo’on ni fakag.

Numbers 1:5

Irera’ e pi pumo’on, ni mitethin u lan e pi ganong rorad, ni kan mel’egrad ko mitney e maruwel: Ganong Mitethin ko yuke girdi’ Ruben Elizur nib mo’on ni fak Shedeur Simeon Shelumiel nib mo’on ni fak Zurishaddai Judah Nahshon nib mo’on ni fak Amminadab Issakar Nethanel nib mo’on ni fak Zuar Zebulun Eliab nib mo’on ni fak Helon Efraim Elishama nib mo’on ni fak Ammihud Manasseh Gamaliel nib mo’on ni fak Pedahzur Benjamin Abidan nib mo’on ni fak Gideoni Dan Ahiezer mo’on ni fak Ammishaddai Asher Pagiel nib mo’on ni fak Okran Gad Eliasaf nib mo’on ni fak Deuel Naftali Ahira nib mo’on ni fak Enan

Numbers 1:20

Pi’in pumo’on ni rliw’ e duw rorad ngalang nrayag ni ngar uned ko mael e ni ngongliy babyorenrad nrogon fithingrad ko yuke girdi’ nge tabnaw nrabad riy, ni tabab ko fare ganong rok Ruben, ni bin nth’abi nganni’ e pumo’on u fak Jakob. Urunginrad u gubin e ba’aray: Ganong Urngin e girdi’ Ruben 46,500 Simeon 59,300 Gad 45,650 Judah 74,600 Issakar 54,400 Zebulun 57,400 Efraim 40,500 Manasseh 32,200 Benjamin 35,400 Dan 62,700 Asher 41,500 Naftali 53,400 Urnginrad u gubin: 603,550

Numbers 2:3

Ba’ ni ngek ko fare Tent, e nge n’uf e ba’ rok Judah e girdi’ e pi Tent rorad riy u tan e gi rorad e flak, u tan lungun e en mitethin, ni bod ni ba’aray: Ganong Mitethin Urngin e girdi’ Judah Nahshon nib mo’on ni fak Amminadab 74,600 Issakar Nethanel nib mo’on ni fak Zuar 54,400 Zebulun Eliab nib mo’on ni fak Helon 57,400 Urnginrad u gubin: 186,400 Ba’ rok Judah e girdi’ e yad e ngar m’oned.

Numbers 7:12

Ba’aray yarmen e maligach nra pi’ed: Rran Ganong Mitethin som’on Judah Nahshon nib mo’on ni fak Amminadab l’agruw Issakar Nethanel nib mo’on ni fak Zuar dalip Zebulun Eliab nib mo’on ni fak Helon aningeg Ruben Elizur nib mo’on ni fak Shedeur lal Simeon Shelumiel nib mo’on ni fak Zurishaddai nel’ Gad Eliasaf nib mo’on ni fak Deuel medlip Efraim Elishama nib mo’on ni fak Ammihud meruk Manasseh Gamaliel nib mo’on ni fak Pedahzur mereb Benjamin Abidan nib mo’on ni fak Gideoni ragag Dan Ahiezer nib mo’on ni fak Ammishaddai ragag nge ta’reb Asher Pagiel nib mo’on ni fak Okran ragag nge l’agruw Naftali Ahira nib mo’on ni fak Enan Fapi maligach nra feked i yib e go’ ta’reb rogon: bochi dabiy nib silber ni malngin e wugem e ounce nge bochi taray nib silber ni malngin e guyey e ounce, ni bod rogon ni kan turguy e ngiyal’nem, galin’em ni l’agruw e ba sug ko flour ni kan aruy ko gapgep ni fen e maligach ni grain; nge barba’ i plet nib gol ni malngin e aningeg e ounce, nib sug ko incense, nge reb e fak e garbaw ni pumo’on, nge reb e saf ni pumo’on, nge reb e saf ni ta’reb e duw yangren, ni fen fare maligach ni mo’oruf; nge reb e kaming ni fen fare maligach ko denen; nge l’agruw e garbaw ni pumo’on, nge lal e saf ni pumo’on, nge lal e kaming, nge lal e pifak e saf ni ta’reb e duw yangarad, ni fen fare maligach nma gapaseg thilin Got nge girdi’.

Numbers 10:14

ma gubin ngiyal’ ni yad ra mithmith, ma yad beyan nikyad ba yaram. Pi’in bay u tan e flak ko fare raba’ i girdi’ ni be gafaliyrad fare ganong rok Judah e yad e som’on ko yan, ni yad be yan ni yu raba’, ni Nahshon nib mo’on ni fak Amminadab e ir e be gafaliyrad.

Numbers 26:5

Fare ganong rok Reuben (Reuben e bin nganni’ e pagel u fak Jakob): e fa yuke girdi’ ni Hanok, Pallu,

Numbers 34:19

Ba’aray e pi pumo’on ni SOMOL e mel’egrad: Ganong Mitethin Judah Kaleb nib mo’on ni fak Jefunneh Simeon Shelumiel nib mo’on ni fak Ammihud Benjamin Elidad nib mo’on ni fak Kislon Dan Bukki nib mo’on ni fak Jogli Manasseh Hanniel nib mo’on ni fak Efod Efraim Kamuel nib mo’on ni fak Shiftan Zebulun Elizafan nib mo’on ni fak Parnak Issakar Paltiel nib mo’on ni fak Azzan Asher Ahihud nib mo’on ni fak Shelomi Naftali Pedahel nib mo’on ni fak Ammihud

Deuteronomy 27:11

Me ga’ar Moses ngak fapi girdi’ nu Israel,

Deuteronomy 33:6

Ba’aray e thin ni yog Moses ni murung’agen fare ganong rok Ruben: “Ruben e nge dabi math owchen e birok e ganong, ni yugu aram feni lich e girdi’ riy.”

Joshua 13:15

Me Moses e ke pi’ bang ko re gi binaw ney ngak e pi tabnaw nu lan e ganong rok Ruben ni ngar tafned.

Joshua 15:1

Pi tabnaw nu lane ganong rok Judah e ni pi’ bang e binaw ngorad ni ba’aray rogon: Rengi binaw nem e yan ko yimuch nge yan i mus nga tabonggin fare gi ted nu Zin, ni bay ko mathil nu Edom.

Joshua 19:1

Ma en ni migid nni pi’ e binaw rok e fapi tabnaw nu lan e ganong rok Simeon. Fare gi binaw e yan nge taw nga daken e gi but’ nni pi’ ko ganong rok Judah.

Joshua 19:10

Bin dalip e f’oth ko binaw e ni pi’ ngak fapi tabnaw nu lane ganong rok Zebulun. Re gi but’ nni pi’ ngorad e yan nge taw nga Sarid.

Joshua 19:17

Ma bin aningeg e f’oth ko binaw e ni pi’ ko fapi tabnaw nu lane ganong rok Issakar.

Judges 5:14

Rabad u Efraim ngalan e loway ni yad be lek e ganong rok Benjamin. Me yib e pi’in yad be tay murung’agen e salthaw u Makir nga pe’ning, ma pi tolang ko salthaw e rabad u Zebulun nga pe’ning.

Judges 5:15

Ma pi’in yad be yog e thin ko ganong rok Issakar e ra cheggad ngak Deborah ngarbad; er rogon, i yib Issakar, ma ku er rogon Barak. Ra leked ngarbad ngalan e loway. Machane ganong rok Ruben e ruw raba’ e girdi’ riy; ma de yag ni ngar turguyed ni ngarbad.

Judges 5:18

Machane girdi’en e ganong rok Zebulun nge Naftali e ra paged fan e pogofan rorad u tagil’ e mael.

Ruth 4:11

Pi’in yad ma yog e thin nge girdi’ ni yad bay u rom e ra ga’argad, “Errpgpm. gamad e kug manged mich riy. Mang e yigi ayuwegh SOMOL le’engim nge bod Roachel nge Leah, nra diyen nigew bo’or e bitir ku Jakob. Mang e yigi yo’or ban’en rom u lan fare ke girdi’ rok Efrath me gilbugwam u lan yu Bethlehem.

1 Kronicles 27:16

Ba’aray babyoren pi’in ma yog e thin ko ganong nu Israel: Ganong Ta yog e thin Ruben Eliezer nib mo’on ni fak Zikri Simeon Shefatiah nib mo’on ni fak Maakah Levi Hashabiah nib mo’on ni fak Kemuel Aron Zadok Judah Elihu, reb e pumo’on ni walagen David ni Pilung Issakar Omri nib mo’on ni fak Maikal Zebulun Ishmaiah nib mo’on ni fak Obadiah Naftali Jeremoth nib mo’on ni fak Azriel Efraim Hoshea nib mo’on ni fak Azaziah Ba’ ni Ngal e Manasseh Joel nib mo’on ni fak Pedaya Ba’ ni Ngek e Manasseh Iddo nib mo’on ni fak Zekariah Benjamin Jaasiel nib mo’on ni fak Abner Dan Azarel nib mo’on ni fak Jeroham

Ezekiel 48:30

Ragag nge l’agruw e garog ngalan fare binaw nu Jerusalem. Ma ba longbiy e rungrung ni aningeg raba’, nra barba’ ma fol riy e 2,520 e yard, ma ra barba’ ma dalip e garog ni bay riy nra reb ma bagyad fapi genong e ir e kan tunguy fithingan ngay. Dalip ni bay e garog ko ba’ ni lel’och e rungrung e ni tunguy Ruben nga reb, Judah nga reb, me Levi nga reb; dalip ni ba’aram e garog ni bay ko ba’ ni ngek e rungrung e ni tunguy, Josef, Benjamin, nge Dan ngay; ma dalip ni bay ko gin ni yimuch e rungrung e kan tunguy, Simeon, Issakar, nge Zebulun ngay; ma dalip ni bay ko gin ngal e rungrung e ni tunguy Gad, Asher, nge Naftali ngay.

Revelation 7:7

ma ragag nge l’agruw i biyu’ e yib ko ganong rok Simeon; ma ragag nge l’agruw i biyu’ e yib ko ganong rok Levi; ma ragag nge l’agruw i biyu’ e yib ko ganong rok Issakar;