Genesis 35:2 - Bible Ni Thothup

² Ere yog Jakob ngak chon e tabinaw rok nge urngin e girdi’ ni yad be par rok ni ga’ar, “Ngam n’iged e tin be’er e got rok piyu bang ni bay romed; ngam machalbog niged gimed migmed yin’ e mad nib be’ech.

Genesis 35:2 Referans Kwoze

Exodus 19:14

Me yib Moses u daken fare burey nga but’ me yog ko girdi’ ni ngar fal’eged rogorad ni fan ko fare liyor. Miyad maluknag e mad rorad,

Exodus 19:10

Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

Ezekiel 18:31

Mpaged urngin e kireb ni gimed be rin’ mi gimed tay lanin’med nge gum’ircha’med nike be’ech. Mang ni gimed ba’adag piyu Israel ni ngu’um m’ad?”

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Joshua 24:23

Me ga’ar, “Ere mu n’iged e pi got nu boch e nam ni bay romed, mi gimed yog ni ngu’um pired ni gimed ba yul’yul’ ngak SOMOL, ni ir e Got nu Israel.”

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

1 Samuel 7:3

Me ga’ar Samuel ngak e girdi’ nu Israel, “Fa’an gimed ra sul ngak SOMOL u polo’ i lanin’med, ma thingar mu paged gubin e pi got rok yug boch e nam nge fapi liyos ni ya’an fare got ni Astarte fithingan. Mpi’ed gimed nib polo’ ngak SOMOL me par ni go ir e gimed be liyor ngak, ma aram e ra chuwegmed u tan pa’ e pi Filistine.”

Deuteronomy 32:16

Me damumuw SOMOL ngorad ko kireb rorad, i talyeg nagrad ya ra chealgad ngu’ur tedfan e pi liyos.

Genesis 31:34

Ma kefek Rachel fapi liyos ni thothupen e tabnaw rok Laban ke tay ngalan e tutuw ko kamel ke par nga daken. Me’ere i gaweg Laban u gubin yang u lan fare tent ma de pir’eg.

Genesis 31:19

U m’on ni chuw Rachel u nap’an ndemo’ Laban u tabnaw rok ya ke yan ni nge thethab buni’en e saf rok, me iring Rachel fapi liyos ni thothupen e tabnaw rok Laban.

Jude 1:23

mu girngiyed yad nib tomgin ngar chuwgad u mit e nifiy ngar thapgad ngak Got. Ma ku errogon ni ngam runguyed u fithik’ e tamdag e tin ni kabay e girdi; machane mus ko mad rorad nike alitnag e tin nib kireb ni yad be ar’arnag ni ngam dabuyed.

Galatia 4:8

Kakrom e um pired nda mu nanged Got, ma aram fan ni um pired ni gimed e sib rok bogi kan ni gathi yad e Got.

1 Korinth 10:7

ara ud ted fan ma gadad be meybil ko liyos nma meybil boch e girdi’ ngay ni bod e n’en ni i rin’ boch i yad. Ni bod rogon ni be yog e babyor nib thothup ni be ga’ar, “Pi girdi’ nem e ra pired nga but’ ngar abichgad miyad garbod, miyad sak’iy ni ngar churu’gad.”

Acts 19:26

Kam guyed ma kam rung’aged e n’en ni be rin’ facha’ i Paul. Be weliy ni liyos nike ngongliy e girdi’ karogned e got ngay e gathi bogi got e pin’em, ma ke yo’or e girdi’ nike riyul’ u wan’ e tin ke yog, ni girdi’ nu roy u Efesus nge gonap’an e urngin e girdi’ ni bay u lan e nug nu Asia.

Daniel 5:4

Ra unumed e wayin miyad pining e sorok ko pi liyos ni aram e got rorad nni ngongliy ko gol, nge silber, nge bronze, nge yug wasey, nge ren, nge malang.

Ezekiel 20:7

Gog ngorad ni ngar n’aged e pi liyos rorad nib sunsonogor nib t’uf rorad nge dab ku ra alit niged yad ko pi got rok yu Egypt ni go’ bogi ban’en ni bochan e Gag SOMOL ni Got rorad.

Jeremiah 16:20

Rayag ko girdi’ ni ngar ngongliyed e pi got rorad? Dabiyag, ma fa’anra yag, ma aram e got ni go’ bogi ban’en.”

Jeremiah 13:27

Ke guymed ni gimed be rin’ e pin’en nib fananikay. Ke guymed ni gimed be lek yug boch e got i yan nga daken e burey nge lan e flang, ni bod be’ nib mo’on nike darngalnag e bpin rok be’ ni yow buguliyoror fa bod rogon ba os ni pumo’on ni be lek ba os ni bpin. Gafgow gimed e girdi’ nu Jerusalem! Wi’in e gimed ra machalbog?

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

Isaiah 1:16

Mmalukgad ngam be’echgad. Mu taleged urngin e kireb ni gu be guy ni gimed be rin’. Errogon, mu talgad ko kireb;

Eklesiastes 5:1

Mukol ayuw u rogon e yan rom nga Tempel. Kabfel’ ni ngam mman ngaram ni ngam fil ban’en ko bin ni ngam pi’ e maligach ni bod e girdi’ ni balyang ni der puf u lanyan’ e n’en nib mat’aw ko tin nib kireb.

Psalms 51:7

Mu chuweg e denen rog nggu be’ech; mmaluk nigeg, ya nge gel e wechwech rog ko ayis.

Psalms 51:2

Mmaluk nigeg nge chuw urngin e kireb rog, ma ga chuweg e denen rog nggu machalbog!

BABYOR NI JOB 1:5

Nap’an ni yad ra mu’u reb e mur me reb e rran riy nri kab kadbul me od Job nge li’ e gamanman nge pi’ ni maligach ngak Got ni fan e nge n’ag Got fan e denen rok pifak ngar machalboggad. Gubin yay ni i rin’ ni aray rogon, ya be leamnag nrichey ma ke denen bagayad ni gomanga keyog bbugithin nib tagan ngak Got, ni gathi ri aram rogon ni leamnag.

1 Kronicles 16:26

Pi got rok gubin e pi nam e kemus ni bogi liyos, machane SOMOL e ir e sunmiy e pi tharmiy.

2 Kings 17:29

Machane fapi girdi’ ni karbad ra pired nga Samaria e dar talgad i ngongliy e tirorad e liyos, mar ted e pi liyos nga langgin e fapi tagil’ e meybil nike toy yu Israel. Ra bu’ulung fapi girdi’ miyad ngongliy e liyos ni yibe meybil ngay u lan e pi binaw ni yad be par riy:

2 Kings 5:10

Me l’oeg Elisa ba tapigpig nge yog ngak Naaman ni nge yan i maluk ngalan e lul’ ni Jordan ni medlip yay, me chuw e daraw u downgin nge sul nga rogon.

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

Ruth 1:15

Me ga’ar Naomi ngak Ruth, “Mu sap! Fare pin ni le’engin walagen e pumo’on rom e ke yan ni aram e nge sul ngak e girdi’ rok nge got rok; mu’un ngak ngam sulow nga tabinaw romew.”

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.

Joshua 24:20

ni fa’an gimed ra pag SOMOL ngam pigpiggad ngak yugu boch e got u boch e nam, ma aram e ra pig i cheal ngomed nge gechig nagmed. Ma ra li’med ngam m’ad, ni yugu aram rogon ni i par ni be ngongliy e tin ni bfel’ ngomed ko som’on.”

Joshua 24:2

Me ga’ar Joshua ngak urngin e girdi’, “Ba’aray e n’en ni nge yog SOMOL, ni Got rok piyu Israel ‘Kakrom e i par pi chitamangimed u ba’nem fare lul’ ni Eufrates, ngu’ur ted fan yugu boch e got. Bagayad e pi ga’ kakrom e Terah, ni chitamngin Abraham nge Nahor.

Joshua 23:7

ma aram e dab um ma’thukgad nga girdi’en e pi nam ney ni yad be par u fithik’med ara un fithingan e pi got rorad u l’ugunmed ara mu micheged ban’en u fithingan e pi got rorad ara mu ted farad ara mu siro’gad ngorad.

Deuteronomy 11:28

machane buchwa’athan, ni fa’anra dab mu folgad ko tin keyog SOMOL ni ngam rin’ed, mi gimed cheal ngam tedfan yug boch e got ndawor mu tedfan bi’id.

Deuteronomy 7:25

Mu urfiyed e pi liyos ni ya’an fapi kan rorad. Dab mu chogow niged e silber nge gol ni kan tay ko pi liyos nem, ma dab mu feked ni ngam faned, ya fa’an gimed ra rin’, ma ra yib riy’en ngomed. Ya SOMOL e dabun ni nge tay e girdi’ fan e liyos fa ra meybilgad ngay.

Deuteronomy 6:14

Dab mu tedfan yugu boch e got, ni got rok e pi nam nib longobiymed.

Deuteronomy 5:7

“‘Dariy reb e got ni ngam mon’eged rog.

Numbers 31:24

Ma bin ni medlip fen ngay, e thingar mu maluk niged e yung i mad romed; ma aram e gimed ra be’ech iip ma yira ni pagmed nga langgin e gin be par yu Israel riy.”

Levitikus 17:16

Machane fa’anra dabi rin’, ma ra gafgow u wanegan nra yib ngak.

Levitikus 15:5

Ma en nra math ko chob rok

Exodus 23:13

“Mmotoyilgad nga urngin ban’en ni Gag SOMOL e gog ngomed. Dab mmeybilgad ngak yugu boch e got; mus nga fithingrad ndabi un u l’ugunmed.

Genesis 35:22

Ngiyal’ ni bay Jakob u rom ko re binaw nem, me moleg Ruben i Bilhah, ni reb fapi pin rok e chitmangin; ma fa’an ni rung’ag Jakob mri mus feni damumuw. Jakob e ragag nge l’aruw e pagel ni fak.

Genesis 34:2

Nap’an ni guy Shechem, nib pagel ni fak Hamor ni ir e ba ga’ lungun ko Hivite, Dinah me yan i kol nge moleg u gelngin.

Genesis 31:30

Kug nang ni kam chuw ni bochan e karmum’ ni bochan ni ngam sul nga tafnam, ma mangfan ni kam iring e pi liyos ni thothupen e tabnaw rog?”

1 Samuel 16:5

Me fulweg ni ga’ar, “Er rogon. Ku gub ni nggu pi’ ba maligach ngak SOMOL. Mmachalbog niged gimed mi gimed un ngog ngdarod.” Ma ku er rogon Jesse nge fapi pumo’on ni pifak ni yog ngorad ni ngar machalbog niged yad, miyad yib ko maligach ni nge pi’.

Joshua 24:14

Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.