Genesis 35:19 - Bible Ni Thothup

¹⁹ Nap’an ni yim’ Rachel min k’eyag nib chuchugur ko kanawo’ ni sor nga Efrath, ni aram yu Bethlehem e chiney.

Genesis 35:19 Referans Kwoze

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Genesis 48:7

Kug rin’ e re bugithin ney ni bochan e gu sul u Mesopotamia, ni dawor gu taw nga Efrath, me yim’ e chitinam i Rachel, ni aram e ke yim’ u lan e nam nu Kanaan, ri ba ga’ ba kireban’ ni gu tay. Gu k’eyag u rom ni gadad be sor i yan nga Efrath.” (Efrath e aram yu Bethlehem.)

Matthew 2:6

‘I gur e binaw nu Bethlehem, ni ga bay u lan e nug nu Judah, gathi gur e th’abi sobut’ u fithik’ e pi binaw ni pilung u lan yu Judah; ya gur e bay yib be’ rom ni ir e nge gagiyegnag e girdi’, ni ir e nge pow’iy e girdi’ rog ni yu Israel.’ ”

Ruth 4:11

Pi’in yad ma yog e thin nge girdi’ ni yad bay u rom e ra ga’argad, “Errpgpm. gamad e kug manged mich riy. Mang e yigi ayuwegh SOMOL le’engim nge bod Roachel nge Leah, nra diyen nigew bo’or e bitir ku Jakob. Mang e yigi yo’or ban’en rom u lan fare ke girdi’ rok Efrath me gilbugwam u lan yu Bethlehem.

Ruth 1:2

Elimelek fithingan e re mo’on nem; me Naomi fithingan le’engin, me Mahlon nge Kilion fithingan fa gali pumo’on ni fakrow. Yad girdi’en fare ke girdi’ ko Efrath u Bethlehem in bay u lan yu Judah. Ranod nga Moab miyad par u rom.

Matthew 2:1

I Jesus e ni gargeleg u lan e binaw nu Bethlehem, ni bay u lan e nug nu Judea, ko ngiyal’ ni Herod e pilung. De n’uw nap’an ni kan gargeleg Jesus me yib boch e girdi’ u ngek nga Jerusalem, ni girdi’ ni manang murung’agen e t’uf, miyad fith ni be lungurad,

Mikah 6:2

Gimed e pi burey, gimed e pi def ni manemus nni toy e fayleng nga kaken, mu telmed ko tin nge yog SOMOL! I SOMOL e bay e aloboch u thilrad e girdi’ rok. Nge weliy e tin ke daliban’ ngay nib togopluw ngak piyu Israel.

Joshua 19:15

Nib mu’un yu Kattath ngay, Nahalal, Shimron, Idalah, nge Bethlehem: ragag nge l’agruw e binaw u gubin nib mu’un e yuchi binaw nib liyeg e pi binaw ney ngay.

Genesis 35:16

I Jakob nge chon e tabnaw rok ni rchuwgad u Bethel, nap’an ni kayad bay nga orel u Efrath, me taw nga nap’an ni nge gargel Rachel, ma be momaw’ rogon ni nge gargel.

Genesis 35:18

Machane ngiyal’nem e be th’ab Rachel e fan rok, me tunguy fithingan fare pagel ni fak ni Benoni, machane chitamngin fare tir e tunguy fithingan ni Benjamin.

1 Samuel 17:12

David e ba pagel ni fak Jesse, nib Efrath ni be’ ko fare binaw nu Bethlehem u Judah. Mi Jesse e meruk e pagel ni fak, ma ngiyal’ ni ba’aram ni pilung Saul e ke pilibthir Jesse.

Ezra 2:21

Girdi’ ni i par e pi chitamangirad kakrom ko pi yochi binaw ni ba’aray ni ku ra sulod: Bethlehem — 123 Netophah — 56 Anathoth — 128 Azmaveth — 42 Kiriath Jearim, Chefirah, nge Beeroth — 743 Ramah ngu Geba — 621 Mikmash — 122 Bethel ngu Ai — 223 Nebo — 52 Magbish — 156 Fa binem e Elam — 1,254 Harim — 320 Lod, Hadid, ngu Ono — 725 Jeriko — 345 Senaah — 3,630

Psalms 132:6

Gu rung’aged murung’agen fare Kahol ko M’ag u lan yu Bethlehem, mu gu pir’eged u daken e ted u Jaar.

Judges 17:7

Ma ku ngiyal’nem ma immoy be’ nu Levi ni kab pagel ni i par ko fachi binaw nu Bethlehem u lan yu Judah.

1 Samuel 10:2

Nap’an ga ra pageg e daba’ ngam man, ma bay mmada’gow l’agruw i pumo’on u charen e malang rok Rachel ni bay u Zelzah u lan e gin nib mil suwon ngak Benjamin. Ma bay rognew ngom ni fapi dongki ni gimew be gay e ka ni pir’eg, ma chitamam e dakir magafan’ ngorad, i gur e ke magafan’ ngom, ma yugu be fith ni be ga’ar, ‘Mang e nggu rin’ ngak fakag?’

1 Samuel 16:4

Me rin’ Samuel e tin keyog SOMOL ngak ni nge rin’ me yan nga Bethlehem, me yib e pi’in yad ma yog e thin ko fare binaw ni yad be t’on ko marus, miyad fith ngak ni lungurad, “Re wub ney ni ka mu tay, gapas e ka mubnag?”

2 Samuel 23:14

Ngiyal’nem e bay David u daken bangi ted ni kan yororiy ni fan ko mael, ma bay ba ulung i Filistine ni yad be par Bethlehem.

2 Samuel 23:15

Ma ke tawrengnag David tafen me ga’ar, “Ri gu be athpeg ni mang e yigi fek be’ bu uw i ran ni yima unum i yib ngog ko fare luwed ni bay u charen e garog nu Bethlehem!”

1 Kronicles 2:51

ma en migid u pifak ni pumo’on e Salma ni ir e sunmeg yu Bethlehem, ma bin dalip e pumo’on ni fak e Haref ni ir e sunmeg yu Bethgader.

2 Kronicles 11:6

yu Bethlehem, Etam, Tekoa,

Mikah 5:1

Gimed e girdi’ nu Jerusalem, mu fal’eged rogomed ko cham, ya ka ni m’ag e mael ngodad! Yad be cham ngak e en ni ir e be yog e thin rok piyu Israel!