Genesis 33:19 - Bible Ni Thothup

¹⁹ Me chuw’iy e re gi flang nem rok e pi’in owchen Hamor, ni chitamngin Shekem, ni 100 yang e silber e pi’ ni puluwon.

Genesis 33:19 Referans Kwoze

Acts 7:16

Min chuweg e yil rorad u rom ngan fek i yib nga Shekem, ni aram e gin ntayrad riy ngalan ba malangen e yam’ ni chuw’iy Abraham rok e girdi’ nu Hamor ni pi’ e salpiy ngay.

John 4:5

Me yib nga bbinaw ni bay u lan yu Samaria, nike lunguy yu Sykar, nde mal’af ko fa gi binaw ni fa’ani pi’ Jakob ngak be’ nib mo’on ni fak ni aram Josef.

Joshua 24:32

Yilen Josef ni fek piyu Israel u Egypt i yib e ni k’eyag u Shekem u daken fa gi but’ ni chuw’iy Jakob rok fapi pumo’on ni fak Hamor, me Hamor e chitamngin Shekem, ni ra’ay yang e silber e pi’ ni puluwon. Re gi but’ nem e par nike tafnay e pi’in owchen Josef.

Genesis 33:20

Me ubung ba altar u rom, me tunguy El ngay, ni aram e ke ga’ar, altar rok fare Got nu Israel.

Genesis 23:13

me non ngak Efron ni nge rung’ag gubin e girdi’, “Wenig ma siro’ ngom, mtoyil. Bay gu chuw’iy e re gi flang nem ni ga’ngin. Nge magan’um ngay ngam fek puluwon, ya nggu chubguliy le’engig u rom.”

Genesis 23:15

“Siro’, gi but’ nem e aningeg mir’ay yang e silber puluwon — ma mang e binem nga thildow? Mu chubguliy le’engim riy.”

Judges 9:28

Me ga’ar Gaal, “Gadad bmit i mang pumo’on u roy u Shekem? Mangfan ni gadad be pigpig ku Abimelek? Susuna ir mini? Fak Gideon! Ir e ma yog e n’en ni nge rin’ Zebul, me’ere gadad e mang ni ngad pigpiggad ngak? Mu yul’yul’gad ku Hamor, ni ir e sunmeg e biromed e genong.