Genesis 31:48 - Bible Ni Thothup

⁴⁸ Me non Laban ngak Jakob, “Ulung i malang ney e ir e ngi i par nib puguran ngodow ko re tha’ ney.” Arfan ni re gin’em e Galeed fithingan.

Genesis 31:48 Referans Kwoze

Joshua 24:27

Me ga’ar ngak urngin piyu Israel, “Mu sapgad ko re malang ney! Bay i par ni ir e mich ko tin kadogned. Ke rung’ag urngin e thin nike weliy SOMOL ngodad. Ere bay i par ni ir e mich nib togopluw ngomed, nge ta’med ni dab mu togopluwgad ngak e Got romed.”

Deuteronomy 3:16

Ma fa gal ganong rok Ruben nge Gad e gu pi’ fare gi binaw ni tabab u Gilead me yan i mus ko lul’ ni Arnon. Mathil rorad ko yimuch e lukngun fare lul’ ni Arnon, ma mathil rorad ko lel’och e fare lul’ ni Jabbok fithingan, ni bang riy e mathil rok e pi Ammonite.

Deuteronomy 2:36

I SOMOL ni Got rodad e pi’ urngin fapi binaw ngalan pa’dad, ni mus u Aroer ni bay u thathren fare loway ni Arnon, nge fare binaw ni bay u lukngun e re loway nem, me yan nge mada’ nga Gilead. Dariy reb e binaw ni dad buthuged e yoror riy.

Genesis 31:23

Me fek e tirok e girdi’ nge lol’oeg Jakob u lan medlip e rran me pir’eg u bangi ban’en u Gilead ni go’ burey.

Genesis 21:30

Me fulweg Abraham ngak ni ga’ar, “Nge fel’ u wun’um ya ngam fek e medlip i pifak e saf ney, ya ga ra rin’ ma aram e kam micheg ni gag e gu ker e re luwed ney.”

Joshua 22:27

ya kemus nib pow ni fan ngak e tiromad e girdi’ nge tiromed, ma ku fan ngak e pi mfen ni bayib, nib riyul’ ni ug liyorgad ngak SOMOL u mit fare Tent rok nib thothup ngu’ug pi’ed e maligach romad ni mo’oruf, nib mu’un e pi maligach ngay nge maligach nma gapaseg thilin Got nge girdi’. Ren’em e nge taleg e pi’in owchmed ni dab roged ni pi’in owchamad e dariy rograd ngak SOMOL. Fan e ran’em e nge dabi yog e pi’in owchemed ngak e pi’in owchemad ni yad e dariy rogorad ngak SOMOL.

Joshua 22:28

Aramrogon ni ug leam niged, fa’anra yodroy bi’id, ma rayag ni ga’ar e pi’in owchemad, ‘Amchangargad! Pi chitamangimad kakrom e ra toyed ba altar nri ku bod fare altar rok SOMOL. Gathi fan ko pi maligach ni mo’oruf ara yug boch e maligach, ya ba pow ni fan ngak e pi girdi’ romad nge pi girdi’ romed.’

Joshua 22:34

Girdi’ rok Ruben nge Gad e ra ga’argad, “Re altar ney e nge mang mich riy ngodad ni gadad gubin ni SOMOL e ir Got.” Ma aram miyad tunguy fithingan ni “Mich Riy.”

Judges 10:3

Nga tomuren Tola me yib Jair nu Gilead. Mi i gafaliy yu Israel ni rliw’ nge l’agruw e duw.