Genesis 31:29 - Bible Ni Thothup

²⁹ Bay gelngig nrayag ni nggu li’em, machane fowngan e Got rok e chitamam e yog ngog ni dab gu rin’ ban’en nra k’aring e marus ngom.

Genesis 31:29 Referans Kwoze

Genesis 31:53

Fare Got rok Abraham nge Got rok Nahor e bayi pufthin nagdow.” Ere u daken fithingan fare Got ni i liyor Isak ni chitamngin ngak, me michmicheg Jakob ni nge tay u gil e tin ke ognag.

Genesis 31:42

Fa’an manga da imoy Got rog, ni fare Got rok pi ga’ rog ni kakrom ni aram Abraham nge Isak, ma rib mich ni chiney e ga ra pageg nggu wan ndariy ban’en u pa’ag. Ma Got e be guy e tin be buch rog nge maruwel ni ku ug tay nib gel, me fowngan me ginangngem rog.”

Genesis 31:24

Mra nep’ nem me yib i m’ug Got ngak Laban u malik’ay me ga’ar ngak, “Mguy rogon ni dab mu k’aring e murus ngak Jakob u ban’en.”

Genesis 28:13

Me guy SOMOL nib sak’iy u to’oben. Me ga’ar ngak Jakob, “I Gag SOMOL, ni Got rok Abraham nge Isak. Bay gu pi’ ngom nge pi’in owchem e re nam ney ni kam pagem riy nga but’.

Acts 9:5

Me fith ni ga’ar, “Somol, i gur mini’?” Me ga’ar fare lam, “I gag Jesus, ni ir e ga be gafgownag.

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Daniel 3:28

Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

Psalms 52:1

Mang ni ga be uf ko kireb rom, gur e en ni yargel? Feni yul’yul’ Got e dariy n’umngin nap’an.

2 Kings 19:10

ni pilung nu Judah ni be ga’ar, “Dab mu pag fare got ni ir e ga be toer ngak nge ban nigem ni fa’anra micheg ngom ni yu Jerusalem e dab ni pi’ nga pa’ e pilung nu Assyria.

Genesis 24:50

Me fulweg Laban nge Bethuel ni lungurow, “Re bugithin ney e ke yib rok SOMOL, ere gathi gamow e nggu duwgiliyew e tin ngan rin’.

Genesis 31:5

Me ga’ar ngorow, “Kug guy ni chitamangimew e gathi kargon nib gol ngog ni bod ko som’on; machane Got rok e chitamag e bay ni be un ngog.

Genesis 31:7

Ma yug aram rogon ma ke sasalap ngog ke thilthilyeg puluwog ni ragag yay. Machane de pag Got ni nge buch ban’en rog.

Mikah 2:1

Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

2 Samuel 13:22

Ma kari fanenikay Absalom i Amnon nib gel ni bochan e ke kol u gelngin fare pin ni walagen i Tamar, ni mus ni nge non ngak ma dakir yag.