Genesis 3:19 - Bible Ni Thothup

¹⁹ Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

Genesis 3:19 Referans Kwoze

Eklesiastes 12:7

Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

BABYOR NI JOB 34:15

mra yim’ gubin e girdi’ nge sul ko ab bayay.

Psalms 104:29

Nap’an ni ga ra pi’ keru’um ngorad, miyad rus; ma nap’an ni ga ra chuweg e pogofan rom rorad, miyad yim’, miyad sul ko but’ ni ir e ra sumgad riy.

Genesis 2:7

Ma aram me fek SOMOL ni Got boch e but’ nge ngongliy be’ ni pumo’on riy; me pag athon l’ugun nma pi’ e yafos ngalan p’ethungun, me fos fare pumo’on.

Psalms 90:3

Ga be yog ngomad ni nggu sulod ko n’en ni gu sumgad riy; ga ma pingegmad nggu sulod ko but’.

Efesus 4:28

Cha’ ni be moro’ro’ e nge tal ko moro’ro’ nge tabab ko maruwel nge thognag e salpiy ni fan ko par rok, nge yag ni ayuweg e pi’in gafgow.

Eklesiastes 3:20

Ta’ab yang i ban’en e bayi yan e girdi’ nge gamanman ngay, bay rsulod ngar ngal’gad ni fiyath ya ra sumgad ko fiyath.

Genesis 18:27

Miki ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. I gag e kemus ni gub girdi’, dariy mat’awug ni nggog ban’en.

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Eklesiastes 1:3

U nap’an e yafos rom e ka mu parnag e maruwel, ni maruwel nib gel, ma mang gam’ingin ni nge yib i m’ug?

Psalms 22:15

Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Genesis 23:4

“I gag e gub milekag ni gu be par u fithik’med; mu pi’ed bang e binaw ngog nggu chuw’iy nge yag ni gu chubgiliy le’engig riy.”

2 Thessalonika 3:10

Nap’an ni ug moyed romed ma gogned ngomed ni lungumad: “Cha’ ndabun ni nge maruwel e dabi abich.”

Psalms 103:14

Manang e n’en nni ngongliydad ngay; kamnang ni gadad e fiyath.

1 Thessalonika 2:9

Pi walagmad ni girdi’en Kristus, bmuduwgil ni kigimed manang rogon feni gel e maruwel ni ug ted! Ug maruwelgad ni rran nge neap’ ni bochan e nge siy gu magawon niged gimed ko n’en ni ngan gafaliymad riy ko ngiyal’ ni ba’aram ni ug machib niged ngomed fare Thin Ni Bfel’.

Eklesiastes 5:15

Gadad ra pag e re fayleng ney ni ku bod ndabad nga langgin ni dariy ban’en rodad. Gubin e tin ni ud maruweliyed ma dariy reb riy nrayag nda feked nge un ngodad.

Eklesiastes 1:13

Gu turguy ni ngug gay mu gu fil urngin e tin ka ni mu’nag u lan e re fayleng ney. I Got e ke tay ere gafgowney nga dakendad.

Proverbs 21:16

Yam’ e be sonnag e en be sor i yan nga orel ko gonop.

Psalms 22:29

Urngin e girdi’ nib tolangan’rad e yad ra siro’ ngak, ma gubin e pi’in yad ra yim’ ni bay ra siro’gad u p’eowchen,

BABYOR NI JOB 21:26

Machane yad gubin ni go’ yad ma yim’ ngan k’eyagrad; nge longuyrad e faklud’.

BABYOR NI JOB 19:26

Yugu ra longuy e liliy e ren’en ndowag ney nge mogothgoth, ma ri gu ra guy Got ni ku gu bay u lan e re dogur ney.

BABYOR NI JOB 1:21

Me ga’ar, “Ni gargel nigeg ndariy ban’en rog; ere bay gum’ ndariy ban’en nra un ngog. I SOMOL e ma pi’, me ir e ke fek rog e chiney. Ngan pining e sorok nga fithingan SOMOL!”

1 Korinth 15:47

Bin som’on e Adam e ni ngongliy ko but’, ere be’ u roy u fayleng; ma bin migid e Adam e yib u tharmiy.

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

Genesis 3:18

ma bayi tugul e pan nge rachangal, ma bay um koy e woldug nu mapan.

BABYOR NI JOB 4:19

Ere ga be finey mra pagan’ ngak be’ nni sunumiy ko but’, ni yib ko fiyath nrib mom i li’ ni bod ba chachangeg?

Psalms 104:23

Girdi’ e yad ma yan ko maruwel ngar marwelgad nge blayal’.

Psalms 127:2

Dariy fan ni ngan toer ko maruwel nib gel ni yibe tay, ni ngan od nri kakadbul min mol nike n’uw e nep’, ya SOMOL e ir e ma pi’ ngak e pi’in yad ba t’uf rok e tin ke t’uf rorad, u nap’an ni ku yad be mol.

Genesis 5:5

me yim’ nike gaman 930 e duw rok.

BABYOR NI JOB 10:9

Kag manang ni mu sunumiyeg ko but’; ere ngkum masengseng nigeg ngkug sul ko ab?