Genesis 3:17 - Bible Ni Thothup

¹⁷ Me ga’ar ngak fare mo’on, “Kamfol rok le’engim kam koy wom’ngin fare ke gek’iy ni gog ngom ni dab mu koy. Ere bochan e tin kamrin’ ma aram e nge kireb e but’. Ma n’umngin nap’an e yafos rom ni bay um muruwliy e but’ nib gel nge yag ni pi’ e ggan ngom nib gaman,

Genesis 3:17 Referans Kwoze

Genesis 5:29

me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

Psalms 127:2

Dariy fan ni ngan toer ko maruwel nib gel ni yibe tay, ni ngan od nri kakadbul min mol nike n’uw e nep’, ya SOMOL e ir e ma pi’ ngak e pi’in yad ba t’uf rok e tin ke t’uf rorad, u nap’an ni ku yad be mol.

Eklesiastes 5:17

Ud pired u fithik’ e lumor, buchbuchan’, magfan’, damumuw, nge m’ar.

BABYOR NI JOB 14:1

Gadad gubin nni gergelegdad ni gadad ba me’waer ma dariy gelingdad. Yafos rodad e ba ngoch ma ba sug ko oloboch.

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

BABYOR NI JOB 21:17

Mog ka’an thang bi’id e magal rok be’ nib kireb? Ma gur ba’ bagyad ni mada’nag e riya’? Gur ka’a gechignag Got e pi’in kireb u fithik’ e damumuw

Luke 19:22

Me ga’ar ngak, ‘I gur reb e tapigpig ni gab tagan! Thin ni kamog e ir e bayi turguy e gechig rom! Ga manang ni gag be’ ndagur runguy be’, ma gu ma fek e tin ni gathi tirog ma gu ma fek e tin nda gu yung.

Matthew 25:45

Ma bay fulweg fare pilung ngorad ni ga’ar, ‘Ngari gog ngomed, ni gubin ngiyal’ ni mogned ndab mu ayuweged bagayad e pi cha’ney nth’abi sobut’ e kam siyegned ni ngam ayuweged gag.’

Eklesiastes 2:17

Ere yafos e ke yib i aw ni dakriy fan u wun’ug, ya gubin ban’en riy ma dariy ban’en nike yag riy ngog kemus ni oloboch. Urngin riy mab m’ayfan; ku ug lol’oeg e nifeng.

Eklesiastes 2:11

Ma aram mu ug leamnag rogon urngin e pin’en ni ku gu ngongliy nge feni gel e maruwel ni ug tay riy, mu gu nang ni dariy ban’en ni fan. Bod ni gu be lol’oeg e nifeng ndariy gam’ingin ngabang.

Genesis 3:11

Me fith Got ngak ni ga’ar, “Mini’ e keyog ngom ni ga bay u tamilang? Mog, kam koy wom’ngin fare ke gek’iy ni gog ngom ni dab mu koy?”

Genesis 3:6

Me guy fare pin feni fel’ ya’an fare ke gek’iy, nge feni manigil wom’ngin ni ngan kay, me finey feni manigil ni nge tamilangan’uy. Ma aram me t’ar boch i wom’ngin nge kay. Me pi’ boch ngak figirngin miki kay.

Matthew 22:12

Me fith fare pilung ngak ni ga’ar, ‘Fager, i di’in ma ga thap ngaray ndariy madan e madnom ko mabgol u dakenam?’ Machane de yog fa’anem ban’en.

Hebrews 6:8

Machane fa’anra tugul e rachangal u daken nge pan ma dabi yib fan, ma rayag ni nge kirebnag Got wa’athan, me urfiy ko nifiy.

Genesis 3:18

ma bayi tugul e pan nge rachangal, ma bay um koy e woldug nu mapan.

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.