Genesis 3:1 - Bible Ni Thothup

¹ Ma porchoyog e ir e th’abi llowan’ ko sabanban u fithik’ e gamanman ni SOMOL ni Got e ke sunumeg. Me fith fare porchoyog ngak fare pin ni ga’ar, “Rriyul’ ni yog Got ngomew ni dab mu koyew wom’ngin urngin e gek’iy ni bay ko gi woldug ney?”

Genesis 3:1 Referans Kwoze

2 Korinth 11:3

Kug rusnagmed nri yib e kireb nga fithik’ i lanin’med nge dab kum yul’yul’gad ngak Kristus, ni bod rogon ni bannag fare porchoyog Eva.

2 Korinth 11:14

Ere dab ni gin ngay! Ya ku rayag rok mo’onyan’ ni nge piliyeg ir nge bod ya’an ba engel ko tamilang!

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

Revelation 20:2

Me kol fare dragon, ni ir fare porchoyog nike kakrom, ni aram fare Mo’onyan’, ara Satan, me m’ag nge tay ni aram rogon nib biyu’ e duw.

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Matthew 4:6

me ga’ar ngak, “Fa’anra Fak Got gur, ma ga og nga but’; ya be ga’ar e babyor nib thothup, ‘Ra yog Got ngak e pi engel rok e n’en ni ngar rin’ed ngom; ma bay ra feked gur i yan nga but’, ni dabi maad’ad em ko malang.’ ”

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Eklesiastes 4:10

Fa’anra paraw bagyow me ayweg bagyow nge sak’iynag. Machane fa’anra be’ ni go’ ir nra paraw, ma rib gafgow, ni bochan e dariy be’ nra ayweg.

Matthew 4:9

Me ga’ar fare mo’onyan’ ngak, “Fa’an ga ra ragbug nga but’ ngam tayfag mu gu pi’ e pin’ey ni urngin ngom.”

1 Peter 3:7

Ma ku er rogomed e pi’in ni pumo’on ni ngu’um pired pi leengimed ma thingar um nanged ni yad mme’waer ko pumo’on, ere thingar um ted farad; ya ku er rogorad nra pi’ Got e tow’ath rorad ni yafos ni bod gimed. Mu rin’ed ni aray rogon nge dabi magawon ban’en ko meybil ni gimed be pi’ ngak Got.

Revelation 12:15

Ma aram me pag fare porchoyog e ran u l’ugun nge yib nga but’ ni gowa ba lul’ ni be lek fare pin, ni bochan e nge un fare pin ko fare lul’ nge fek.