Genesis 29:20 - Bible Ni Thothup

²⁰ Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.

Genesis 29:20 Referans Kwoze

1 Korinth 13:7

Be’ nib t’uf Got rok nge girdi’ e dabiyag ni nge pag ir ndab ki michan’, ma dabki pagan’, ma dabki gumaen’.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Hosea 12:12

Ga’ rodad i Jakob e mil nga Mesopotamia, I maruwel rok be’ nib pumo’on ngi i chothowliy e saf rok ni bochan be’ ni bpin ni nge la’ay.

Genesis 24:67

Me fek Isak Rebekah i yan ngalan e tent ni i par Sarah ni chitiningin riy, ma aram me par Rebekah ni kemang le’engin Isak. Isak e rib t’uf Rebekah rok, aram me achig boch e kirban’ rok ngak e chitiningin nike yim’.

2 Korinth 5:14

Gelngin fanmad t’uf rok Kristus e ir e be gagiyeg nagmad, ya kug nanged ni ta’reb e girdi’ e yim’ ni fan ngak urngin e girdi’, ni fan e ren’em e urngin e girdi’ ma kar uned ngak ko yam’.

Genesis 30:26

Mu pi’ fagal ppin rog ngog nge pifakag nge yan nga labgen e maruwel ni kugta’ rom, ya nggu wan. Gur ma gamanang rogon fani ayal e tin kug maruwliy ni fan ngom.”

Genesis 29:19

Me ga’ar Laban, “Kabfel’ u wun’ug ni gu ra pi’ ngom ko bin ni gu ra pi’ ngak yugu reb e pumo’on, ere mpar rog.”

Genesis 31:15

Rogon e ngongol rok ngomow e gowa gamow l’agruw ni’ u bang. Ke pi’ mow ni chuway’, ma chiney e ke wereg gubin e salpiy nni pi’ ngak ni puluwmow.

1 Samuel 18:23

Miyad yog e re bugithin ney ngak David, me ga’ar, “Ra wechma’ be’ ngak e en ni pilung ma gathi ban’en nib mom, ma bug nir e thin e kayigi gel e thil riy ngak be’ nib gafgow, ma dariy rogon ni bod gag.”

Genesis 29:27

Mu son nge m’ay e re wik ni baara’ ni yibe madnomnag e mabgol rom riy, mu gu pi’ Rachel ngom ni fa’an ka ga ra maruwel rog ni medlip e duw.”

Genesis 29:30

Miki par Jakob nge Rachel nrogon e mabgol, ma ka ba’adag Jakob Rachel ngak Leah. Me maruwel rok Laban ni ku medlip e duw.

Genesis 34:19

ma fare pagel i Shekem e da ki ayal ya kachingiyal’ nem me rin e tin kannog, ni bochan e ke aliliynag fare rugod ni fak Jakob. Ma cha’nem i Shekem e ir e cha’ ni ri yima tayfan u tabnaw rok.

Hosea 12:13

Me l’oeg SOMOL ba profet ni nge leag e girdi’ nu Israel ko sib ni yad be tay u Egypt me ayuwegrad.