Genesis 28:3 - Bible Ni Thothup

³ I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.

Genesis 28:3 Referans Kwoze

Genesis 48:3

Me ga’ar Jakob ngak Josef, “Got ni Gubin ma Rayag Rok e ke m’ug ngog u Luz u lan e nam nu Kanaan, ke fal’eg wa’athag.

Genesis 35:11

Miki ga’ar Got ngak, “I Gag Got ni Gubin Ma Rayag rog. Bayi pire’ pifakam. Girdi’en e pi nam e gur e bay rabad rom, ma gur e bay mmang chitamngin e pi pilung.

Genesis 13:16

Ma bay gu pi’ e pi’in owchem ni pire’ nib pire’, ndariy be’ nrayag rok ni the’egrad ni yad gubin, ni ta’reb rogon ko nge the’eg be’ urngin e fiyath ni bay u daken e fayleng.

Genesis 9:1

Me tow’athnag Got Noah nge fapi pumo’on ni fak Noah ko re bugithin ni ba’aray ni yog ni ga’ar, “Ngam diyen gad nge yo’or pifakmed ni fan e pi’in ni owchemed e nge mang yad e ra pired u gubin yang u daken e fayleng.

Genesis 1:28

me tow’ath nagrow ko re bugithin ni ba’aray ni yog ni ga’ar, “Mu diyen gow nge yo’or pifakmew, nge wear e pi’in owchemew nga gubin yang u fayleng ngar pired riy miyad suwey. Nggu ta’mew ni gimew e ngam suweyew e nig, nge arche’, nge urngin e gamanman ni malboch, ni tin gagang’ nge tin b’achig.”

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

Genesis 41:52

Miki ga’ar, “Re nam ni kug pir’eg e gafgow riy, e ir e ke pi’ Got e bitir ngog riy”; ma aram me tunguy fithingan e bin l’agruw e pagel ni fan ni Efraim.

Genesis 24:60

Miyad yibilay Rebekah ni lungurad, “I gur walagmad e ngam mang chitiningin bo’or e biyu’ e girdi’. Ma pi’in ni owchem e ngar gelgad ngak e pi to’ogor rorad ngar feked e pi binaw rorad.”

Revelation 21:22

Ma da gguy ba Tempel u lan e re binaw nem, ya Tempel riy e aram Somol ni Got, ni Gubin ma Rayag Rok, nge fare Fak e Saf.

2 Korinth 6:18

Ma bay gu mang chitamangimed, ma bay mmanged pifakag ni pumo’on nge ppin. Ara’ rogon e thin ni yog Somol ni Gubin ma Rayag Rok.

Psalms 127:3

Bitir e ba tow’ath nma pi’ SOMOL; yad e bin riyul’ e tow’ath.

Exodus 6:3

Gu m’ug ngak Abraham, nge Isak, nge Jakob ni gag Got ni Gubin ma Rayag Rog, machen da gog fithingag ngorad nib thothup, ni Gag SOMOL.

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Genesis 17:20

Kam wenig ngog ni nggu yoror rok Ishmael, ba’aray e n’en ni bay gu rin’: bay gu ayuweg nggu pi’ e bitir ngak ni pire’ nge girdi’ ni owchen ni pire’. Bayi par ni ir e chitamngin ragag nge l’agruw i pilung, ma pi’in owchen e bay gu gagiyeg nagrad ngar manged girdi’en reb e nam ni ba ga’.

Genesis 26:4

Bay gu yo’ornag e pi’in bayib ni owchem ni bod rogon e t’uf u lanelang, mug pi’ ngorad ga’ngin e gi but’ ney. Ma urngin e nam nu fayleng ni bay ra ninged ngog ninggu fal’eg wa’athrad ni bod ni kug fal’eg wa’athan e pi’in owchem.

Genesis 26:24

Ma fa’ani nep’ riy me yib i m’ug SOMOL ngak me ga’ar, “I Gag e Got rok e chitmam i Abraham. Dab mu tamdag; ya gu bay rom. Bay ug tow’ath nigem mug yo’ornag e pi’in bayib ni owchem, ni bochan e arrogon ni gumcheg ngak Abraham ni tapigpig rog.”

Genesis 27:33

Ma aram me t’on Isak nreb me fith ni ga’ar, “I mini’ fa’anem nike li’ ba gamanman ke ngongliy rogon ke fek i yib ngog ni nggu way? Ya ka fini gu mu’ i kay ma kam taw. Ere kug yibilay, ma ke par riy ni aram rogon ndariy n’umngin nap’an.”

Genesis 48:4

I ga’ar ngog, ‘Bay gu pi’ e bitir ngom ni pire’, nge par ni pi’in owchem e bay ra manged girdi’en bo’or e nam; ma bay gu pi’ e re nam ney ngak e pi’in owchem me par ni yad e taferad ni dariy n’umngin nap’an.’

Genesis 49:25

Ayuw nma yib ngom e yib rok fare Got Nma liyor e chitamam ngak, Ni yib rok Got Th’abi Gel Gelngin. Got e bayi fal’eg wa’atham ko n’uw nge yupa’ i lul’ u but’ Bayi fal’eg wa’atham Nge yo’ornag e pi’in owchem.

Exodus 1:7

ma pi’in owcharad ni piyu Israel, e ke yo’or pifakrad, ma aram mra yo’or ra yo’orgad ngar pired ni yad ba gel ma kar yo’orgad u daken e nam nu Egypt.

Ruth 2:4

Me taw Boaz ni aram e ke yib u Bethlehem. Me ga’ar ngak fapi girdi’en e maruwel, “I SOMOL e ngi i par romed!” Miyad fulweg ni lungurad, “I SOMOL e nge ayuwegnem!”