Genesis 25:22 - Bible Ni Thothup

²² I diyen nib athlog ma kayow bay u mayal ma yow ma wagey ngorow, me ga’ar fa en ni chitiningirow, “Mang nike buch e biney rog?” Me yan i meybil ni be de’eriy SOMOL.

Genesis 25:22 Referans Kwoze

1 Samuel 9:9

Me fulweg Saul ni ga’ar, “Bfel’ e bin ni kam leamnag! Darow.” Miyow yan ko fare binaw nma par fare mo’on riy ni girdi’ rok Got. Ma nap’an ni yow be farthog i yan ngalang ko re binaw nem, miyow mada’nag bogi ppin ni karbad ni ngar linged e ran. Miyow fith fapi ppin ni lungurow, “Mogned, bay fa’anem nma guy ban’en u lan binaw?” (Ya kakrom e fa’anra ba’adag be’ ni nge fith bbugithin ngak Got ma ra ga’ar, “Darod ngak fa’anem nma guy ban’en,” ya re ngiyal’ i n’em e ra bay be’ ni ba profet ma yima yog ni ir be’ nma guy ban’en.)

Ezekiel 20:31

Mus ko bin daba’ e rran ma kigimed be pi’ fapi tow’ath ma kigimed be alit niged gimed ko fapi liyos, ni gimed be maligachnag pifakmed ngorad u fithik’ e nifiy. Ma kigimed be yib piyu Israel ni gimed be fith lanin’ug! Bod feni bmich ni Gag SOMOL ni Th’abi Tolang ni Gag fare Got ni gu be par ni gub fos, e aram feni dab kug pagmed ngam fithed ban’en ngog.

1 Samuel 30:8

Me fith David SOMOL, “Rayag ni nggu lek daken e pi’in karbad ngaray ko mael? Mog, rayag ni gu kolrad?” Me fulweg SOMOL ni ga’ar, “Mu lek dakenrad; ya ga ra kolrad ngam ayweg e pi’in kan fekrad.”

1 Samuel 28:6

ma aram me fith ngak SOMOL e n’en ni nge rin’. Machane de fulweg SOMOL lungun, nde fulweg u malik’ay, ara ni guy ko Urim, ara Thummim, ara u l’ugun e pi profet.

1 Samuel 10:22

miyad fith ngak SOMOL ni lungurad, “Gur bay yugu be’ nga bang ni aram e cha’ ni ir?” Me fulweg SOMOL ni ga’ar, “Ba’aram Saul ni be mith u fon e chugum.”

Ezekiel 36:37

I SOMOL ni Th’abi Tolang e be ga’ar, “Bay gon’ daken. Bay gu gagiyegnag yu Israel ngar weniggad ngog ni nggu ayuwegrad. Bay gu gagiyeg nagrad ngar pire’ gad ni bod ba ran’ i saf.

1 Samuel 22:15

Errogon, gu fith laniyan’ Got ni fan ngak, ni gathi ireram e som’on. Ma makath nib tagopluw ngom, i gur Pilung e thingar dab mu tay e bug nir e thin nga dakenag fa be’ u lan e tabnaw rog. Ya dariy ban’en riy ni gumnang!”