Genesis 24:67 - Bible Ni Thothup

⁶⁷ Me fek Isak Rebekah i yan ngalan e tent ni i par Sarah ni chitiningin riy, ma aram me par Rebekah ni kemang le’engin Isak. Isak e rib t’uf Rebekah rok, aram me achig boch e kirban’ rok ngak e chitiningin nike yim’.

Genesis 24:67 Referans Kwoze

Genesis 38:12

Me munmun me yim’ le’engin Judah. Nap’an ni mu’ ko mowaw, miyow yan Hirah ni fager rok ni be’ nu Adullem nga Timnah, ni gin ni yima th’ab bunu’en e saf rok riy.

Genesis 37:35

Me yib urngin pifak ni pumo’on nge ppin ngak ni ngar fal’eged laniyan’, machane dabun ni ngan fal’eg laniyan’, me ga’ar, “Bay ug par ni be kireban’ug ngak fakag nge mada’ ko ngiyal’ ni bay gum’ mu gu wan ngak ko binem e tamilang ni tafen e pi’in ni karm’ad.” Ma aram mi i par ni be kireban’ ma be yornag Josef ni fak.

1 Thessalonika 4:15

Ya ireray e tin ni yog Somol ni gamad be yog ngomed: gadad e pi’in kagadad ba fos ko chirofen nra sul Somol riy e dab da m’onod rok e pi’in karm’ad.

1 Thessalonika 4:13

Pi walagmad ni girdi’en Kristus, gamad ba’adag ni ngam nanged e tin nib riyul’ ni murung’agen e pi’in karm’ad, ni bochan e nge siy i kireban’med ni bod e pi’in ndariy ban’en nike l’agan’rad ngay.

Tang Ko Pitang 8:2

Gu ra fekem ko naun ko chitnag, ni cha’an ni fil gubin e tin gumnang ngog. Gu ra pi’ ngom e tin th’abi fel’ lamen e wayin ma ku arrogon logwen wom’ngin e gek’iy.

Genesis 29:18

Ma ba’adag Jakob Rachel, me ga’ar Jakob, “Bay gu maruwel rom ni medlip e duw, ma ga pi’ Rachel ni bin bitir e bpin ni fakam nggu le’engiy.”

Genesis 25:20

Isak e aningeg i ragag e duw yangren mi yow mabgol Rebekah, ni be’ ni bpin ni fak Bethuel, (ni ir reb fapi girdi’ ni kanog e Aramean ngorad, ni yad ma par u Mesopotamia) ma walagen Laban.

Genesis 18:6

Me gurnag Abraham ir ngalan e tent me ga’ar ngak Sarah, “Mu gur nigem, ngam fek guyey e pawn ko tin th’abi fel’ e flour rom ngam ngongliy rogon ngam lith.”

Genesis 24:66

Me weliy fare tapigpig ngak Isak urngin e tin nike rin’.

Genesis 25:1

Miki le’engiy Abraham reb e bpin, ni Keturah fithingan.