Genesis 21:6 - Bible Ni Thothup

⁶ Me ga’ar Sarah, “Ke pi’ Got e felfelan’ ngog nge minmin. Urngin e girdi’ ni yad ra rung’ag murung’agen e yad ra un ngog ko minmin.”

Genesis 21:6 Referans Kwoze

Isaiah 54:1

Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Psalms 126:2

Ya u da garusgad, ma gadad be tangnag e felfelan’! Me yog yugu boch e nam murung’agdad ni lungurad, “I SOMOL e ke ayuwegrad, ma rogon nike rin’ e ka ni ngat ngay!”

Genesis 17:17

Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”

Luke 1:58

Ma girdi’ nib chuchugur taferad ngak nge girdi’ rok e rrung’aged rogon feni fel’ e ngongol rok Somol ngak, ma aram ma yad gubin nra uned ngak ko felfelan’.

Luke 1:14

Ri bay mu felfelan’, ma ku errogon bo’or e girdi’ ko ngiyal’ ni yira gargeleg riy!

Isaiah 49:21

Ma aram e bayi lungum ngom, I mini’ e ke gargeleg e pi bitir ney ni nggu fakay? I mul pifakag u pa’ag, mu gu par ndabkiyag ni gu diyen, nchuwegeg ko nam rog mi ni kalbus nigeg, ere mini’ e chuguliy e pi bitir ney? Ni pageg ngu’ug par ni go’ gag, ere uw e yib e pi bitir ney riy?”

Psalms 113:9

I tolangnag be’ ni bpin ni dariy fak u lan e tabnaw rok, me felfelan’nag fare pin ko bitir ni pi’ ngak. Ke sorok SOMOL!

Roma 12:15

Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.

Hebrews 11:11

Michan’ rok Abraham ngak Got e ir e ayuweg nge yag ni mang reb e matam ni yugu aram rogon nike pilibthir, ma ku errogon Sarah ndabkiyag ni nge diyen. I pagan’ Abraham ngak Got nra rin’ Got e tin keyog ni bay rin’ ngak Abraham.

1 Samuel 1:26

Me ga’ar Hannah ngak, “Siro’ ngom, ka ga manangeg fa danga’? I gag fare pin ni mu guyeg u roy ni gub sak’iy ni gu be meybil ngak SOMOL.

Isaiah 49:15

Me fulweg SOMOL ni ga’ar, “Gur rayag rok be’ ni bpin ni nge pag talin fak ni kabran ma dabi t’uf rok e re tir nem ni ir e gargeleg? Gomang e ra pag be’ ni bpin talin fak, machane gag e dab gu pag talimed.

Jeremiah 20:15

Ngan bucheg wa’athan e en ni yib i yog e thin ni felan’ e chitamag ngay ni fa’ani ga’ar ngak, “Bochi pagel! Ke yag ba pagel ngom!”