Genesis 2:7 - Bible Ni Thothup

⁷ Ma aram me fek SOMOL ni Got boch e but’ nge ngongliy be’ ni pumo’on riy; me pag athon l’ugun nma pi’ e yafos ngalan p’ethungun, me fos fare pumo’on.

Genesis 2:7 Referans Kwoze

1 Korinth 15:45

Ya be ga’ar e babyor nib thothup, “Bin som’on e girdi’ e Adam ni Got e sunumeg me tay nib fos”; ma bin tomur e Adam e ir fare Kan nma pi’ e yafos.

BABYOR NI JOB 33:4

Kan nthothup rok Got e chamayeg me pi’ e yafos ngog.

Eklesiastes 12:7

Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

Isaiah 64:8

Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Acts 17:25

Ma ku dariy ban’en ni nge muruwliy e girdi’ nge pi’ ngak; ye ir e ke pi’ e yafos nge pogofan nge urngin ban’en ngak e girdi’. Ere dariy ban’en ni nge yagnag e girdi’ ngak.

1 Korinth 15:47

Bin som’on e Adam e ni ngongliy ko but’, ere be’ u roy u fayleng; ma bin migid e Adam e yib u tharmiy.

Genesis 3:19

Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

BABYOR NI JOB 27:3

n’umngin nap’an ni be pi’ Got e pogofan rog,

Genesis 7:22

Urngin ban’en nu fayleng ni bay e pogofan rorad e ra m’ad.

Zekariah 12:1

Ba’aray e thin ni murung’agen yu Israel ni yib rok SOMOL, ni fare SOMOL ni filath lanelang, me sunmiy e fayleng, me pi’ e yafos ngak e girdi’. Be ga’ar,

Psalms 103:14

Manang e n’en nni ngongliydad ngay; kamnang ni gadad e fiyath.

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Roma 9:20

Machane gur mini’ ni ngam fulweg lungun Got, yi gur e kemus ni gab girdi’? Ba rume’ nni ngongliy ko but’ e der ma ga’ar ngak e en ni ngongliy, “Mangfan ni mu ngongliyeg ni aray rogog?”

Isaiah 2:22

Dab mu tay e pagan’ rom nga daken e girdi’ nra yim’. Mang e yad bfel’ ngay?

Genesis 3:23

Ma aram me l’oeg SOMOL ni Got fagali’nem nga wuru’ fa gi woldug nu Eden me tay row ngar muruwliy fare but’ ni ir e ni ngongliy row ngay.

Hebrews 12:9

Ma rogon e chitamangidad ni girdi’ e yad ma gechig nagdad, machane gadad ma tay farad. Ere uw fene ri ka ba ga’ fan ni ngad folgad rok Got ni Chitamangidad ma gadad fos.

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Proverbs 20:27

I SOMOL e ke pi’ e leam ngodad nge nangan’; dabyag ni ngad mithgad rodad.

BABYOR NI JOB 33:6

I gag e ta’reb rogodow u owchen Got; gadow l’agruw nni chamaydow ko but’.

2 Korinth 5:1

Ya gadad manang nre tent ney ni gadad be par u lan — ni aram e re dowef rodad ney nu fayleng — e nap’an nra puth, ma bay e naun rodad u tharmiy ni ngdarod da pired ngalan, nib naun ni Got e ke ngongliy, ni bay i par ndariy n’umngin nap’an.

2 Korinth 4:7

Machane gamad e pi’in bay romad e ren’ey ni bfel’ ni pi’ fare Kan Nthothup e gamad bod e rume’ ni but’, ni nge m’ug ni re gelngin nem ni ir e ba th’abi gel e yib rok Got, ma gathi gamad e yib romad.

John 20:22

I yog e re bugithin ney me pag athon l’ugun nga dakenrad me ga’ar, “Nge yib fare Kan Nthothup ngomed.

BABYOR NI JOB 4:19

Ere ga be finey mra pagan’ ngak be’ nni sunumiy ko but’, ni yib ko fiyath nrib mom i li’ ni bod ba chachangeg?

Numbers 27:16

“SOMOL ni Got, ni gur e bay e pogofan rok urngin e girdi’ u pa’am, wenig ngom, mu turguy reb e pumo’on nrayag rok ni ngi i gagiyegnag piyu Israel,

Eklesiastes 3:7

nge ngal’an ni ngan guchthuy nge ngal’an ni nga nip’; ngal’an ni ngan th’ab gulungey nge ngal’an ni ngan welthin.

1 Timothy 2:13

Ya Adam e ir e som’on nsunumiy, nge mu’ mfin nsunumiy Eva.

Genesis 2:6

machane yug aram rogon ni dariy e n’uw, me yib e ran u fithik’ e but’ ngalang nge tarannag e but’ ni polo’.

Lamentations 4:20

Ra koled p’ebugul e yafos romad, fare pilung ni SOMOL e duwgiliy, ni aram e cha’ ni pagan’ romad ni ra lagmad u pa’ gubin e to’ogor.

Ezekiel 37:5

Mu weliy ngorad ni Gag SOMOL ni Th’abi Tolang e gu be yog ngorad ni be lungug: Bay gu pi’ e pogofan romed nggu fasegmed bayay.

Genesis 1:27

Ara’ rogon ni sunumeg Got e girdi’; girdi’ e ni ngongliy ni bod ya’an Got. I sunumeg be’ nib mo’on nge be’ ni bpin,

Ezekiel 37:6

Bay gu tay e ufin nga dowmed, mu gu ing e biyach u wuru’. Bay gu pi’ e pogofan romed nggu fasegmed bayay. Ma aram e bay mu nanged ni Gag e SOMOL.”